JEREMIAH 6:17 - DAÜLANGPÜ LAIHING (BSI)

¹⁷ Ngei nüng shing yombü vamhüpeih, hatü, “Amit ngeü bangtuh” shei epeih, shejao ammi, “Hami ha nebangpih!” shei epeih.

JEREMIAH 6:17 Referans Kwoze

JEREMIAH 25:4

Shembüpai nedoh-i büpalei thibüthü shomteke, shejao ammi nebang.

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

ZEKHARIAH 7:11

Shejao jomi ha kü mong neshuoh; ngaümphei lepdai hatü dhaong neno.

ISAIAH 21:11

Edom am nangkü epü shah: Hanei ami Seir leipü ngei kü nyüknyüke, “Yombü, mechem-üng vangnyak peihdaiphahen? yombü, mechem-üng vangnyak peihdaiphahen?”

HABAKKUK 2:1

Ngei shangdülei aongei nyuhen, hatü ngei nyingi shingnüngei uohen; Büpai ngei kü mehe ephahen eehen shangmü chiyei hatü ngei eelapü kü mehe shahnyok leiphahen om danhen.

ISAIAH 56:10

Israel am yombüthü peü mük phüngdaiteke; jomphong kon neshiü; Jom peü nehungpü shi kei nyüke; jom peü shinei lemtü mangh manghnyüke; jomü shi mon shinyüke.

HEBREW 13:17

Ammei mübüthülei ven bangtuh, hatü jom phangkü shütuh; mehenangkü jomi ammei laangha kü veishi nyunyeih, hatü am nang jomi shah-om shuohhen. Jomi epü ammi bangjema, jomi mongongpai jomei dou dükkahen, hei nevaijema jomi mongmangpai dükkahen, hatü hapayü am shing nanglei nevaikahen.

HOSEA 8:1

Shembüpai enyüke, “Amit vüngtuh! Alang kei vepathü Shembüpalei phopshemei laongkünyüke; Mehenangkü ngelei nanglakthüi vangteipü mangtük, hatü ngelei shahkung khüei yaongteke.”

ISAIAH 62:6

Ammei bham kü, Oh Jerusalem, ngei yombü tuh-ei nyüpeih; Nyihnüng yanüng kemei jom nenmü nenyukahen. Am üami Shembüpa kü nyüknya, nyiumeiyei tenyu.

JEREMIAH 6:18

Hanangkü bangtuh, Oh jatthü, hatü jom kü mehe vamkahen ha nyingtuh, Oh denbüthü.

JEREMIAH 7:28

Nüngi jom kü ha etuh: Hapayü Shembüpa, jomei Kahvangei ven nedanpü, hatü ungei-aeipü neyahpü jathili; shahhing mahdai; hapayü jomei juben kübü mahdaiteke.

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.

JEREMIAH 8:5

Shejema düngei vaishi mehekei hapa nanglakthü ngaümpheilei leidainya? Jomü lueilempü kü wongshongi shongshi nyüke, jom nyokei leihen nemongnyu.

JEREMIAH 18:12

Shejao jomi nüng kü jangei, “Hayü nadang neshiü. Hami hamei küpjanthü kü kamhen; ham peüi hamei mang mongdang vaanpü lem kü mühen” shei ephahen.

EZEKIEL 3:7

Shejao Israel am phangi nüngi epü kü nebangküpih; mehenangkü ngei epü kü nebanghünyu; mehenangkü Israel am phang kemei mong vaanshi hatü laophüi lümpü mon düknyüke.