JEREMIAH 6:16 - DAÜLANGPÜ LAIHING (BSI)

¹⁶ Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

JEREMIAH 6:16 Referans Kwoze

ISAIAH 30:21

Mechem laknyong nevaijü lakdah lemei lephenshang, ammei dhaongi am pheikü shah hük, “Lemnyü-ü hapa hih, hapa kü kamtuh” shei eyei danhen.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

SHAHKÜP 32:7

Peihdaipü nyihthü deihhahhümao, tendaipü denhivan leyei peihahhümao. Ammei pathü kü phehümao hatü jomi ephahen, behethü kü phehümao, hatü jomi nihphahen.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

KOLOSI 2:6

Hanangkü ammi Khrista Jisu Shembüpa yahpü keiha nedoh-i büpa kü yangnyu nyuei,

ISAIAH 2:5

Peikei, Oh Jakob shem am, jeni Shembüpalei vangngai kü kamshah.

JOHAN 12:35

Jisui jomphong kü, “Amphong mü vangngai kansho hük nyuhen. Am mü vangngai nyushingkü vangngai kü kamtuh, shejüang vangnyaki am she neyeihen. Amphong shangmang kü kamjema, am melei dainya nenyinghen.

JEREMIAH 18:12

Shejao jomi nüng kü jangei, “Hayü nadang neshiü. Hami hamei küpjanthü kü kamhen; ham peüi hamei mang mongdang vaanpü lem kü mühen” shei ephahen.

JEREMIAH 22:21

Nüng angeideiyei nyushi ngei etepih, “Ngei ha kü nebangpih” shei nüngi epeih. Hashih mebü-üng ngelei shah nebangpeyü nüngei vanglem vaihampeih.

JEREMIAH 44:16

“Shembüpalei men kü nüngi ham kü epü shah nebangpih!

HEBREW 11:2

Jenei bühipathüi hinglempü nangkü Kahvangi mong hahpeih.

JOHAN 13:17

Ammi ha nyingei hathü dükjema, amphong moihiman.

MALAKI 4:4

Ngelei chongphobü Mosa-i nyuhpü venpü Israel am peüi banghen shingvaishi Sinai Kahshangei ngei büpa kü shuohpü shahkungnyüthü deih-ei dangtuh.

HEBREW 6:12

Am nehetnewongi nyemtenyu shei hami deihnyeih, shejao hinglempü hatü munenpüthü homei lahtükpü mükjüp dangpü am kei nyuhen nanyüpeih.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

LUK SHAHSHA APPÜ 16:29

Abrahami, “Jomeiyao Mosa shahkungthü hatü thihivam laithü nyüpeih; jomiyao ha nyembang” shei e.

ISAIAH 28:12

Büpai hathü kü, “Hapayü nyiumeihen shing, nyiupüthü nyiumeihütuh; hatü hapayü nyiumeishing, shejao jomi ha nebangnyu.”

JOHAN 5:39

“Ammi laihing yemnyüke; mehenangkü halei yangnyuyem nyüpeih shei ammi deihnyüke; ha laihingthüi ngei jung denpü shuohnyüke,

PHONGSHANTHÜ DOU 17:11

Thesalonika leipü Jehoda am meyü Berea leipü Jehoda am-üng yahhahhüpü kohshi nyu; mehenangkü jomi shahjangmei longi mong shuohshi yah, hatü hathü jiüla shei nyihjeih laihing yemteke.

ROM SHAHSHA APPÜ 4:12

hatü hapa leshi japtükpüthülei pa vaihen, üam jappü mon nevai, shejao jenei bühipa Abrahami büpa japshekü nyupü hinglempü nyu, ha lappü phei müpüthü shingvaishi nyüke.

JEREMIAH 2:25

Nüngei la kü tüngshi, hatü üng üshi temoktei. Shejao nüngi, “Ngei kung amei kahvang bamnyeih, ngei hathü pheikü daihen hih” shei nüngi eteke.

1 ONGPATHÜ 8:36

nüngi vangsho leipü ha bangtuh, hatü nüngei Israel nanglakthülei mang tükeishuoh. Jom kü yangnyu nyuhen jiüshangpü lem hueishuoh, hatü nüngi nüngei nanglakthü kü mükjüp shuohpü kahdok kü vang shomtuh.

MENVIH KESHO 116:7

Leptuh, ngelei laangha, nüng nyiushemmei kü nyukei; mehenangkü Shembüpai nüng kü meishi dükteke.

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

JEREMIAH 31:21

Lemnyü kü maiyaong hatü phu haongtuh. Am mepa lem kü daipa, hapa lemnyü meishi deihtuh. Nyokei leikei, Oh Israel nanglak; ammei chingnyüthülei nyokei leikei.

JEREMIAH 42:3

Shembüpa, nüngei Kahvangi ham melei daihen, mehe dükhen nyemhupha” shei e.

JEREMIAH 50:5

Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

SHAHPHENBÜTHÜ 2:17

Shejao jomi shahphenbüthülei shah-ao nebang, shejao jom nying kü lebü kahvangthü mü mükbongjuyungei hathü kü khümteke. Shembüpalei ven bangei kampü chebü chepalei lem kü nekami lomi lemnyong kü lüdaikem.

2 SHÜPPÜKENGPÜ 19:11

Shembüpa nangkü shei ejema Amariah ngongchongü am shak kü veihen; ongpa nangkü shei ejema Ishmaelei cheha Zebadiah, Judah jatei mübüi am shak kü veihen, hatü Levi amü am shak kü lakchongbüthü vaihen. Monglongei düktuh, hatü Shembüpayü mei dükpüthü mü nyukahen.

ISAIAH 46:9

Peihdaipü douthü deihhümao; Mehenangkü ngeiyü Kahvang, hatü lebü neshiü; Ngeiyü Kahvang, hatü ngei keiha lebü hükao neshiü.

ISAIAH 57:2

Hatü daülangi kampüthüi chingmei kü nyuei nyiushemmei kü dinyüpeih.

JEREMIAH 7:3

Jeiyong Shembüpa, Israel Kahvangi hapakei enyüke: Ammei lemthü hatü ammei dükhiling jeiletuh, hatü ngei am mü hapa shingei nyuhen.

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.