JEREMIAH 6:14 - DAÜLANGPÜ LAIHING (BSI)

¹⁴ Jomi ngelei nanglakthülei makaw kü wongshi neshiüpükei deihshi shaphongnyüke; Meishi neshiüshiüi “meishi nyüke” shei enyüke.

JEREMIAH 6:14 Referans Kwoze

EZEKIEL 13:10

Chingmeivangmei neshiüshiüi, “Chingmeivangmei nyüpeih” shei eyei ngelei nanglakthü lemnyongei mülangpü nangkü, hatü mechem nanglakthüi bham linghenshang, hathüi hapa kü dhoni nyiotüknyüke,

JEREMIAH 23:17

Ngei yakphongpüthü kü jomi düngei, “Am mü chingmei nyuhen” shei enyüke, hatü mongdang vaanpüthü peü kü, “Mepa shanghah-ao nepeiküpih” shei enyüke.

JEREMIAH 4:10

Hahepak kü ngei, “Ah, Shembüpa Kahvang, üng kü yani jeshi tuhtü, ‘Am shingvaishiyü meishasha hih’ shei eshi mekei etü nüngi hapa nanglak hatü Jerusalem lueilemtüknya” shei e.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

JEREMIAH 14:13

Hahepak kü ngei eteke, “Oh Shembüpa Kahvang! Halei thibüthüi nanglakthü kü, ‘Ammi yan ne-eepih, nevaijü münghishaü nenyuküpih, shejao ngei hapa kahdok kü chingmeivangmei mon shuohhen’ shei enyüke.”

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

ISAIAH 30:26

Mechem Shembüpai laophülei nanglakthülei makaw thünghen, hatü büpai ma yahhüpü makaw meihühen; hapa nyih lennyü vanghenyü kei khanghen, hatü vanghenyü-ü nyih nyet helushoei hepü keiha shing nyet nyahen.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

EZEKIEL 13:22

Ammei shahshemi daülangpü shennyakei mong maanhüteke, hatü nemeipüthü kü jomei mang lem kübü nyokei leiyei yanghen nevai-i hapa lem kübü lepei neleihen mongnang thongteke.

JEREMIAH 14:17

Nüngi hathü kü ha shah etuh: Nyakhingai thüngei nedoh-i ngelei mük kübü mükphi yenhütuh; Mehenangkü ngelei pai mü ngühpü nela ngelei nanglak nemei-i ma yahteke, hatü khih mü ngümtükteke.

JEREMIAH 5:12

Jomi Shembüpa nang shahshem eteke, hatü, ‘Büpai meheyao nedükphapih. Jen kü mehe tenao nepeiküpih; münghishaü, hokpüheipü meheyao ne-eepih’ ” shei eteke.

JEREMIAH 28:3

Bong nyi mong kü Babylon ongpa Nebukadnezzarlei shem leipü yungshongthü ngei hapa shingei yah-ei leihen.

ISAIAH 1:6

Ammei labha kübü shangnyüshang thahshi meipü shing hükao neshiü, shejao aokhahma, ma hatü iy yenpü makaw mon nyüke; Üpaiyao hapa nepaütük, maju kü nesha, nevaijü ha kü meli nenyio.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

2 SAMUEL 17:3

hatü nanglakthü kemei laophülei baha touei nyüha doi peipükei müei leikahen. Nüngi shennyak hük mon jühünyüke, shejao aopü nanglakthü meishi tuhhünyüke” shei e.

ISAIAH 30:10

Jomi manghkhang eepüthü kü, “Hajük kü manghkhang te-ekei” hatü thibüthü kü, “Mehe jiü, hapa nang teteivanei te-ekei shei enyüke. Ham kü mongongbenüng mon eshih, mehe lekahen ha mon eshih;

EZEKIEL 13:16

Jerusalem kü chingmeivangmei neshiüshiüi chingmeivangmei nyüpeih shei Jerusalem nang teteivanei manghkhang eepüthü neshiü’ shei ngei ehen” shei Shembüpa Kahvangi enyüke.

EZEKIEL 14:9

Thibü hük lueilemei shahshem ejema, hapayü ngei, Shembüpai hapa thibüpa kü lueilempü vaihen, hatü ngei büpa khüei ngelei lak nohen, hatü ngelei nanglak Israel khong kübü büpa mahtükhen.

MIKA 3:5

Shembüpai thibüthü nang hapakei enyüke: “Ngelei nanglakthü lemnyong kü müpü thibüthü nangkü, hanei-i hahhen yahshuohjema, chingmei vangmei nyutuh” shei baongnyüke, Shejao üpai hapakei nedükshuohhen, büpa khüei vehokhen jomi temnyüke.