JEREMIAH 6:10 - DAÜLANGPÜ LAIHING (BSI)

¹⁰ Jomi danhen ngei üpa kü ehen, hatü shahvüng shuohhen? Veituh, jomei dhaong dhühlang, jomi nedanaoknyu. Jom kü Shembüpalei shah-ü nyipüwapü dou keiha leidai; jomi ha kü mongong neshiü.

JEREMIAH 6:10 Referans Kwoze

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

JOHAN 7:7

Kahdoknyüi amphong kü nejiühithen, shejao ngei kü jiühitnyüke; mehenangkü ngei ha khüei hapalei douthüyü mang shei denpü shuohnyeih.

JEREMIAH 7:26

shejao jomi ngei epü nebang, nevaijü mong neshuoh; shejao jomei ngaümvang vaanei nyupeih. Jomei chebü chepa mao jom-üng nyeinya nemei-i dükpeih.

HEBREW 11:7

Hinglempai Noah-i ne-eejao peikahen vongshüh nang Kahvangi shahvüng shuohpü nangkü hapa shahvüng kü dhüm shuoh-ei jom shem yanghen jahas hük ling; ha homei büpai kahdoknyü nyonghü hatü hinglempai daülangshemshepülei mükjüp leiteke.

ISAIAH 53:1

Hamei shahjang kü üpai hinglempa? hatü üpa kü Shembüpalei lak shakei vampa?

MÜLANGPÜ 6:12

Shejao Mosai Shembüpa kü, “Israel ami dangkao ngei epü kü nebangjü, ngei keipü shah üngpü shennyaki epü kü Pharaoh-i mekei bangkahen ang?” shei e.

2 TIMOTI 4:3

Mehenangkü shennyakthüi nyuhpü venpü meipü kü nebanghen hepak hük peikahen, shejao jomi lümpü kü jiüshi ejahen, hatü jomei dhaongi banghahhüpü aimü ejahen nangkü jom shinei nyuhbüthü longi thaihahhen,

KOLOSI 1:28

Peü Khrista kü behe leihühen shingvaishi kihikon kempai peü kü shahvüng shuoh-ei, peü kü nyuh-ei hami baongpeyü büpa hih.

ROM SHAHSHA APPÜ 7:22

Mehenangkü ngelei mong mongpalei ngei Kahvangei shahkung kü mongmeinyeih,

PHONGSHANTHÜ DOU 7:60

Hapheikü büpa aümei shatü, “Shembüpa, nüngi hapa mang jom kü tehethü” shei lenei e. Mechem büpai ha eyei kempa, büpa didai.

JOHAN 9:40

Büpa yopailei nyupü Pharisee am hanei ha danei büpa kü, “Mehe? Hamphongü mükphüngpü am je?” shei e.

LUK SHAHSHA APPÜ 20:19

Mechem shahkung nyuhbüthü hatü ngongpathüi hapa shahlapü jomphong kü epü khih shei nyingpa, jomi büpa kü hapa hepak kü-üng lak shihhen yem, shejao jomi nanglakthü kü nyem.

LUK SHAHSHA APPÜ 11:45

Shahkung nyuhbü hüki büpa kü, “Nyuhbü, mechem nüngi hathü ehenshang, nüngi hamphong kao naamei enyüke” shei e.

MATHI 3:7

Shejao mechem büpai Pharisee hatü Sadduke am longi yung kü hünghen peijapü eepa, büpai jomphong kü, “Amphong biüei hapeüthü! Ngoikahen mongshih kübü nyaidaihen mü amphong kü üpai lihen shahvüng yahphopa?

AMOS 7:10

Hahepak kü Bethel leipü ngongpa Amaziah-i Israel amei ongpa Jeroboam touei shahjang shom: “Amos-i nüng khüei Israel kahdok kü küpjan nemeipü lingnyüke. Büpalei shah-i kahmük tentükhen khih.”

EZEKIEL 33:9

Shejao nüngi hapa mang shennyak kü laophülei lem kübü mong lepei leihen epheikü büpa monglepei neleijema, büpa laophülei mang homei mahhen, shejao nüngei yangnyu ha kübü yangdaihen.

EZEKIEL 33:3

hatü büpai vepa peijapü eeyei nanglakthü hakahen shingvaishi amit vüngjema,

JEREMIAH 4:4

Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

MENVIH KESHO 119:174

Ngei nüngei yemleipü ongyangnyeih, Oh Shembüpa, hatü nüngei shahkungü ngelei mongong.

MENVIH KESHO 119:77

Ngei yemmü nyuhen shingvaishi nüngei phahji ngei kü peihütuh; mehenangkü nüngei shahkungü ngelei mongong.

MENVIH KESHO 119:70

Jomei mongdangü chetshi, hatü danaokpü neshiü; shejao ngeiyü nüngei shahkungthü kü mongongnyeih.

MENVIH KESHO 119:35

Nüngei shahkungnyü lem kü ngei mütuh; mehenangkü ngei ha kü mongongnyeih.

MENVIH KESHO 119:24

Nüngei shahkungü ngelei mongong, hathüyü ngelei shahnying venbüthü.

MENVIH KESHO 119:16

Ngei nüngei shahkungthü kü mongongnyeih, ngei nüngei shahthü nebepih.

MENVIH KESHO 40:8

Ngei nüngi mongpü dükhünyeih, Oh ngelei Kahvang; nüngei shahkungnyü ngelei mongdang mongei nyüpeih” shei eteke.

MENVIH KESHO 1:2

Shejao jomi Shembüpalei shahkung, hatü büpalei vanglem nyihjeih yajeih phopei yempü kü mongong dangnyüke.

SHAHKÜP 29:4

Shejao shinnyih thahshi Shembüpai am kü danaokhen mongdang, eehen mük hatü danhen dhaong mangshuoh.

JEREMIAH 5:21

Oh ngapa hatü sholi neshiüpü nanglakthü; am kü mük nyüke, shejao ne-eenyu; am kü dhaong nyüke, shejao nedannyu.

JEREMIAH 9:26

Hathüyü Ijip, Judah, Edom, Ammon, Moab hatü jomei sho shohloh-i jappüthü peü. Mehenangkü bhih kahdokei nyupü jatthü peü, hatü Israel am kemei jomei mongdang shuw nejapi nyüke.

ISAIAH 42:20

Amphongi douthü longi eeteke, shejao ha nyingei neyahnyu; danhen dhaong kohshi nyüke, shejao meheyao nedannyu.

JEREMIAH 7:13

Shaang, ammi hathü dou peü dükpü nangkü, shei Shembüpai enyüke, hatü ngei nedoh-i am kü eteke, shejao ammi ha nebang; mechem ngei am kü nyük, ammi nejangpeih;

JEREMIAH 35:13

“Jeiyong Shembüpa, Israel Kahvangi hapakei enyüke: Daituh hatü Judah hatü Jerusalem nanglakthü kü hapakei etuh: ‘Amphongi ngei nyuhpü hatü ngei epü nebanghen je?’ shei Shembüpai enyüke.

EZEKIEL 3:7

Shejao Israel am phangi nüngi epü kü nebangküpih; mehenangkü ngei epü kü nebanghünyu; mehenangkü Israel am phang kemei mong vaanshi hatü laophüi lümpü mon düknyüke.