JEREMIAH 6:1 - DAÜLANGPÜ LAIHING (BSI)

¹ Oh Benjamin nanglakthü! Jerusalem leipü yanglem yemei nyaidaituh! Tekoalei amit vüngtuh, Beth-Hakkeremlei nyangeihepü aw hük shuohtuh! Mehenangkü apshaphi leipü shanghah hük vamkünyüke, nyemshi mangtükhen hük peikünyüke.

JEREMIAH 6:1 Referans Kwoze

NEHEMIAH 3:14

Nyüpshük Shaden thahshi Beth-Hakkerem district kü vanglem lempü Rekhabei cheha Malkijah-i ling. Büpai ha lingei leitü ha kü shaküp hatü pü mounghibhang kemei shih.

JEREMIAH 6:22

Shembüpai hapakei enyüke: Veituh, apshaphi kahdok leipü shennyakthü peikünyüke; tailu kahdok leipü longpü jat hük layaongkünyüke.

2 SHÜPPÜKENGPÜ 11:6

Büpai Bethlehem, Etam, Tekoa,

2 SAMUEL 14:2

Joabi Tekoalei shomei kon kohpü nyüha hük müei lei. Büpai pinnyü kü, “Mahng theppü ashak ümtü mahng theppükei lingtuh; melivungla meheyao tenyio, shejao dipü am kü nyih longi mahng thepei nyupükei lingtü,

SHAHPHENBÜTHÜ 1:21

Shejao Benjamin ami Jerusalemei nyupü Jebus shennyakthü nechangtük; hanangkü ha nyih mebü Benjamin amü Jebus shennyakthü mü shinnyih ngoishi chemi nyunyüke.

AMOS 1:1

Hapayü Judah kü Uzziah ongpa hatü Israel kü Joashlei cheha, Jeroboam ong vaipü hepak kü pedi vükhen bong nyi shekü Israel am nangkü Tekoa am miyombü Amos-i eepü manghkhang nyüke.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 10:22

Bangtuh! Shahjang peikünyüke– Apshaphi kahdok leipü mophicheü longpü hük Judah kahdok lavüngtoiyei mahu nyuishing vaiyei tuhphonghen peikünyüke.

JEREMIAH 4:29

Koyei veshan hatü phung nopüthülei ngeü kü jilathü kemei nyaidainyüke; jom phaüyingei shüdaikemnyüke, yaongnyü kü bakei aongnyüke; jilathü kemei tuhphongteke, üpayao halei nenyu.

JOSHUA 15:63

Shejao Judah nanglakthüi Jerusalemei nyupü Jebus am nechangtükaok; hanangkü shinnyih thahshi Jubus am Judah am mü Jerusalemei nyunyüpeih.

AMOS 3:6

Mechem vebaong shemm kaonghenshang, nanglakthü nenyemnyu hiang? Shembüpai neshompheikü chingnyü hük kü vongshüh peinyu hiang?

ZEKHARIAH 6:6

Koyei nyakla-i müpeyü apsha philei daiteke; koyei shola-i müpeyü heshü philei, hatü ampüshangpü koyei-i müpeyü pehe philei daiteke.

NEHEMIAH 3:5

Jom mü dheanei Tekoa ami ling, shejao jomei mübüthüi epü dou kü jomei behethüi lakjaangiyao nehong.