JEREMIAH 52:4 - DAÜLANGPÜ LAIHING (BSI)

⁴ Hanangkü Zedekiah ong vaipü bong shü mü lenyang an mü nyih anpabü kü Babylon ongpa Nebukadnezzar Jerusalem khüei büpalei veshanthü peü mütü pei. Jomi chingnyü haolei baümtap ve, hatü hapa kü shinei ching shümhen douthü dükteke,

JEREMIAH 52:4 Referans Kwoze

JEREMIAH 39:1

Zedekiah ongpai Judah kü ong vaipü bong shü mü lenyang anpabü kü Babylon am Nebukadnezzar ongpa hatü büpalei veshanthü Jerusalem khüei peiyei shümteke.

ZEKHARIAH 8:19

Jeiyong Shembüpai hapakei enyüke: “Len alipabü, ngapabü, nyetpabü hatü anpabü shüaeiyunglepeyü Judah am shingvaishi mongongbenüng hepak hatü mongongpü mohitap vaikahen. Hanangkü shahhing hatü chingmeivangmei kü bamtuh.”

JEREMIAH 52:7

Hahepak kü hapa chingnyü bham mangtüktü veshanthü peü nyaidaikem. Chingnyü kü Babylon am shinei nyujao ongpalei pe yopailei bham nyi aa kübü shaden homei yanüng nyak kü jomi chingnyü tuhtü lüdaikem. Jom Arabah lemei nyaidai,

JEREMIAH 32:24

Veituh, Babylon ami hapa chingnyü shümhen dü daknyüke. Yan, münghishaü hatü chamhilemi hapa hahhen nyupü Babylon am kü shuohtükhen. Nüngi mehe etepa, ha vampü shaang nüngi eenyüke.

LUK SHAHSHA APPÜ 21:20

Mechem ammi Jerusalem shinei veshanthü eehenshang, hapa lavüngtoiyei tuhhen hepak ngoiteke shei nyingtuh.

LUK SHAHSHA APPÜ 19:43

Hingmei, ammei vepathüi kahdok shaokei bham linghen, hatü am kü shontü shing peü philei lünglei nemei-i khüamhen.

EZEKIEL 21:22

Büpalei lakdah philei Jerusalemei lashüh jung penyü laamhen pülu temhen, jühen nangkü nyükhen, thep nyükhen, penyüshathü khüei penyü laamhen pülu temhen, lateen lingei ching hahhen shangdü linghen noshi nyüke.

ISAIAH 29:3

Ngei nüng khüei baümtap shinei vehen; Ngei nüng shonei shangdü linghen hatü nüng shümlanghen.

LEVI 26:25

Vangpüshuwpü mangtükpü shingvaishi bhüh hahhen ngei vehok koei peikahen, hatü ammei chingnyüthü mongei yanglem yemei thaiyei küpshi nyulangmao ngei am touei nemeiaokbenüng dinten shuohhen, hatü ammei vepathülei lak kü lanei shuohtükhen.

JEREMIAH 34:1

Mechem Babylon ongpa Nebukadnezzar hatü büpalei veshanthü hatü büpalei ongching phang kübü nanglakthüi Jerusalem hatü hapa kü shonpü jilathü khüei hokei nyupa, Shembüpa leipü hapa shah Jeremiah touei peiteke:

EZEKIEL 26:8

Büpalei yani ammei kahdok jilathü hahhen; büpai am shümei yahhen, vepathü kahsha shoei, bham shangkü thai chanei anhen hatü am khüei inyüshung shonghen.

EZEKIEL 33:21

Wüpküpei nyupü bong anpünyi, lenyang an, mü nyih ngapabü kü Jerusalem leipü yangei daipü shennyak hüki ngei touei peiyei, “Chingnyü dodaiteke” shei ephüteke.

EZEKIEL 40:1

Hapayü wüpküpei nyupü vangbong hapüngapabü chongpangpü len nyih anpabü kü hatü Jerusalem chingnyü dophei kü vangbong anpüalipabü ha nyih Shembüpalei laki ngei kü düktü büpai ngei halei müei dei.

JEREMIAH 4:17

Jomü kah yompü am kei shinei thainyüke; mehenangkü pinnyüi ngei khüei yaongteke, shei Shembüpai enyüke.

JEREMIAH 21:2

“Chingmeilemlingei hamei men kü Shembüpa kü phekütuh; mehenangkü Babylon ongpa Nebukadnezzari ham khüei vehok pangkünyüke. Üpai nying, Shembüpai peihdaipü hepak kü dükpükei, shaangao yashanyale dou dükjü büpa ham toueipü leidaiphahen aokpeih” shei e.

EZEKIEL 21:27

Mangtükhen! mangtükhen! ngei hapa chingnyü mangtükhen! Shejao hapa chingnyü hanghihühen nangkü ngei jepü shennyak mangpei thahshi ha nevamhen. Hapa pheikü mon ngei büpa kü hapa shuohhen.”