JEREMIAH 51:9 - DAÜLANGPÜ LAIHING (BSI)

⁹ Hami Babylon meitükhen kheteke, shejao pinnyü nemeiaokpeih. Pinnyü tuhphongtü jen peüi laophülei kahdok yemei leidaishah; Mehenangkü pinnyü kü shahphenpü vangshang ngoishi aongteke, hatü vangsho ngoiteke.

JEREMIAH 51:9 Referans Kwoze

SHAKEI VAMPÜ 18:5

mehenangkü pinnyülei mangü vangsho kei shaoshi shüngshi nyüke, hatü Kahvangi pinnyülei mang deih-ei dangteke.

JEREMIAH 50:16

Babylon kü sheili sheipüthü hatü hahvetpü amei hahvet longkhoih dohtükhütuh. Veshanthülei yanlu kü nyempai peüi laophülei kahdokei nyokei leikemhen.

ISAIAH 13:14

Kaw sheütükpü mei keiha, müei leihen shembü neshiüpü mi keiha, peüi laophülei nanglak yemei, hatü laophülei kahmük yemei leidaikemhen.

JEREMIAH 46:16

Jomphong huluh shuohtü doteke, hatü jom hüki hük kü, “Paotuh, jen kü shüveipü am toueipü nyokei jenei nanglak, hatü nyübüh kahdokei leishah” shei eteke.

EZRA 9:6

“Oh ngelei Kahvang, ngei ahshi-üng veüangke, hatü ngelei dhe nüng kü ngangei veihen neaoknyu; ngelei Kahvang; mehenangkü hamei mangi hamei shangjing lümlangteke, hatü pungpü shaipai vangsho thahshi aongdaiteke.

JEREMIAH 46:21

Jomi leihahpü kung am veshanthüyü mohoh cheha nitshüpü kei nyüke. Jomao dok lepei chemi nyaidaiteke, jom vepa düngei neyaongaok; mehenangkü jom shanghahhen nyih hük, hatü jom hanghihen hepak hük peikünyüke.

JEREMIAH 8:20

“Hahvet hepak peihdai, shao hepak dohdai, shejao jen yemnelei” shei nanglakthüi lennyüke.

ISAIAH 47:15

Jomi am kü dükphahenü ha mon: Am hashih mebü hapa notei dükteiyei heihpeih. Am tuhphongtü jom peü jomei lem kü lüdaiphahen, üpaiyao am neyangphahen.

2 SHÜPPÜKENGPÜ 28:9

Shejao Shembüpalei thibü hük meni, Oded shei nyu, hatü büpai Samarialei leijapü veshanthü mü pongteinüng heih-ei büpai jomphong kü, “Shembüpa, ambü ampalei Kahvangi Judah kü mongshihpü nangkü büpai jom ammei lak kü shuohpeih, shejao ammi nemei-i hokei jüpai vangsho thahteke.

SHAKEI VAMPÜ 18:4

Hapheikü ngei vangsho leipü lebü ngeü hük hapakei eyei dan: “Ammi pinnyülei mang kü hean neyahhen shingvaishi, hatü pinnyülei cham nehanhahhen shingvaishi pinnyü leipü vamdaikei ngelei nanglak;

HOSEA 7:13

Jomi ngei toueipü lemnyongei lüdaipü nangkü onyükei! Jomi ngei khüei yaongpü nangkü jom mahtükhen! Ngei jom yanghüjao, jomi ngei khüei shahshem enyüke.