JEREMIAH 51:8 - DAÜLANGPÜ LAIHING (BSI)

⁸ Babylon lomi dohen hatü khih mü nihdaihen. Pinnyü deih-ei mahng theptuh! Pinnyü tüngpü kü meli shihtuh; Üpai nying, pinnyü meihenao aokpeih.

JEREMIAH 51:8 Referans Kwoze

JEREMIAH 46:11

Gileadei aongtuh, hatü halei melivungla yemtuh, Oh pai mü ngühpü nela Ijip. Angsha kü nüngi meli longi noteiteke; nüng meihen lem neshiü.

ISAIAH 21:9

Veituh, shennyakthü koyei khari kü uotü, koyei kü shennyak nyi nyi uotü peikünyüke, hatü büpai jangei, “Doteke, Babylon doteke! hatü jomei kahvang lajeithü kemei kahdokei bhaoei yaüshi nyüke” shei e.

SHAKEI VAMPÜ 14:8

Hapheikü nyipabü vangsho phongshan, shongpüba phei müshi, “Doteke, doteke longpü Babylon! Pinnyü iyjeiphaileipü mongshihpü yiüi kahmük peü kü yingteke” shei eteke.

SHAKEI VAMPÜ 18:2

Büpai ngeü longpai nyükei e: “Doteke, doteke longpü Babylon! Hapayü kahshihthü nyushing leidaiteke, mang laangha hatü jiühitbenüng outhü nyushing, mang laangha hatü jiühitbenüng yemhathü nyushing.

JEREMIAH 50:2

Jatthü kü etuh hatü baongtuh, khüamlung haongtuh hatü baongtuh, Ami nejo-i, “Babylon doteke! Bel kahvang veü dangteke, Marduk kahvang mong laaiyei nyüke, pinnyülei lajeithü veüpai hatü nyempai maei nyüke.”

JEREMIAH 48:20

Moab am veü dangteke, mehenangkü ha mangtükteke; Thepeiyoungtuh! Moab am mahtükteke shei Arnon yungyen phungei baongtuh.

NAHUM 3:19

Nüngi ma yahpü meihen mü meheyao neshiü; nüngei makaw nemeiaokpih. Üami nüng lomohdaipü shahjang danpa, jomi mongongpai lak apnyüke; mehenangkü üpai nüngi nemei-i dükshuohpü nepongi nyüpa?

DANIEL 5:31

hatü Media am Darius ongpai nyübüh vangbong pejempünyi nyushi hapa ongching aetlangteke.

DANIEL 5:24

Hanangkü Kahvangi hathü shah nyanghen büpalei lak yiüpeih.

EZEKIEL 30:2

“Shennyak ha, Shembüpa Kahvangi hapakei enyüke” shei teteivanei etuh: “Onyükei, hapa nyempühanpü nyih!”

JEREMIAH 51:41

Kahdoknyü peüi vihpülüpü Sheshakh mekei etü shümlangpa! Jatthü touei Babylonü mekei jiühitbenüng leidaipa!

JEREMIAH 48:31

Hanangkü ngei Moab am nangkü thepnyeih, Ngei Moab am peü shingvaishi lennyüpeih; mehenangkü Kir-Heres nanglakthü nangkü ngei mahng thepnyeih.

JEREMIAH 8:22

Gileadei meli neshiüpü je? halei meli nobü neshiüpü je? Mehekei ngelei nanglakthüi büm yangei neleinya?

ISAIAH 47:9

Shejao shaang-üng nyihcha mong aa kü hapa dou nyiphen vamkahen; Amphongi thihivam kü pheyeiyuei phongyomjao hathü nekomi peikahen.

ISAIAH 47:11

Amphongei thihivam doui nekatiaokhen mü vongshüh peikahen. Amphongi nekeütükaokhen mü shanghah peikahen, Amphongi nenyingpü kü ngangahük kü lomoh aühaü peikahen.