JEREMIAH 51:6 - DAÜLANGPÜ LAIHING (BSI)

⁶ Babylon leipü nyaidaituh! Am yanghen mokdaituh! Jomei mangi am temah. Hapayü Shembüpai bhüh yempü hepak; pinnyü kü shangpükei büpai jom kü nyokei shuohhen.

JEREMIAH 51:6 Referans Kwoze

JEREMIAH 50:8

Babylon leipü nyaidaituh; Babylon amei kahdok tuhphongtuh, hatü nüngü yumthü müpü yumbaong kei daituh.

JEREMIAH 50:28

Babylon kahdok leipü yangei leipü benha hatü lakeiloiyei nyupüthü Zionlei leiyei Shembüpa, jenei Kahvangi bhüh yempü, laophülei phopshem nangkü bhüh yempü kü bangtuh.

JEREMIAH 50:15

Shing peü lemei thep nyüktuh! Pinnyü vepathü touei shakei vamhen, jomei shangdü hatü bham dodaihen. Hapayü Shembüpai bhüh yempü vaipü nangkü pinnyü kü bhüh yemtuh; pinnyüi mih kü dükshuohpü keiha pinnyü kao dükeishuoh.

JEREMIAH 51:45

Haleipü vamdaikei, ngelei nanglakthü! Laophülei büm yanghen nangkü mokdaituh. Shembüpalei mangpü mongshih kübü mokdaituh.

JEREMIAH 25:14

Mehenangkü jatthü longi hatü longpü ongthüi jom aa leihühen; ngei jomei dou hatü lakdouthü aimü nyokei shuohhen.

BHEI-IE 16:26

Büpai nanglakthü kü, “Hapa nemeipü shennyakthülei ashakshem leipü lüdaikemtuh, hatü jomei doulem mepa kao laki tehong, hei nevaijema jomei mang tata kü amao jom mü maolanghen” shei e.

SHAKEI VAMPÜ 16:19

Hapa chingnyü jem anei handai, hatü jatthülei chingnyüthü dodai. Kahvangi longpü Babylon deih-ei dang, hatü büpa mongshihpü yiüshong pinnyü kü shuoh.

1 TIMOTI 5:22

Nüngi mih kü laki shünghen ahshi teshülang, hatü mih-ei mang kü hean teyah. Laophü nyingi daülangi nyutuh.

JEREMIAH 51:50

Am meshüki yan kübü yangei nyüpa, Pheiyei nenyu-i lüdaikemtuh! Tailu kahdok leiyao Shembüpa ngei deih-ei dangtuh, hatü Jerusalem ammei mongei deihtuh.

JEREMIAH 51:11

Lahhanthü daüptuh! Inyüshung paituh! Shembüpai Babylon am mahtükhen shei deihpü nangkü Media ongthü vamhüteke. Shembüpai laophülei phopshem nangkü bhüh yemhen.

JEREMIAH 51:9

Hami Babylon meitükhen kheteke, shejao pinnyü nemeiaokpeih. Pinnyü tuhphongtü jen peüi laophülei kahdok yemei leidaishah; Mehenangkü pinnyü kü shahphenpü vangshang ngoishi aongteke, hatü vangsho ngoiteke.

JEREMIAH 50:31

“Ngei nüng khüei nyüpeih, Oh changmeipü Babylon! Nüng hanghihen nyih hatü hepak ngoiteke” shei Shembüpai enyüke.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

JEREMIAH 46:10

Hapayü Shembüpa, Jeiyong Kahvangei nyih, hapayü bhüh yempü nyih, hapayü büpai vepathü kü bhüh yempü nyih hük. Büpalei yanlui mangmoh thahshi hahhen, hatü iy-i yungle mangmei thahshi ha yinghen. Mehenangkü Shembüpa, Jeiyong Kahvangi apshaphi kahdok kü Euphrates yungyenei moila hük shuohhen.

JEREMIAH 27:7

Büpalei kahdok dohen hepak mangngoi thahshi jatthü peüi büpa, hatü büpalei cheha hatü chehü chongphohühen; hapheikü mon jom jati wong kohpü jatthü hatü longpü ongthü chongphohühen.

JEREMIAH 25:16

Jomi ha yingtü yonteihen hatü ngei jom touei yan shomhen vaipü nangkü ngaei longteihen.”

KANDOK 13:20

Üami kon kohpüthü mü kamnya, nah-eilangei leidainyeih, shejao nemeipü am mü mongjem pongpai lomoh heünyüpeih.

SHAHKÜP 32:43

Büpalei nanglakthü mü mongongtuh, Oh jatthü; Mehenangkü büpai laophülei nanglak mahpü bhüh yemhen; Büpai vepathü kü bhüh yemhen, hatü büpai laophülei nanglakei mang tükhen.

SHAHKÜP 32:41

Mechem ngei ngelei nyangnyangpü yanlu yüühen, hatü ngelei laki shahhing kü shonghen, Ngelei vepathü kü bhüh yemhen, hatü ngei kü jiühitpüthü hanghihühen.

SHAHKÜP 32:25

Chingyangshong kü yannah-i jom hahimoi neshiüi leihühen, awdep shemong kü nyempü hanpai mahühen, nethe nela hatü amma naü, hatü shosho pungdaipü peü mahkemhen.

ISAIAH 63:4

Ngelei nanglakthülei bhüh yemhen, ngelei mongei nyüpeih, hatü ngei hathü yanghen dou dükhen vangbong ngoiteke.

JEREMIAH 48:6

Nyaidaituh! laophü nying yangdaituh; Bhih kahdok kübü phaü gadu kei moktuh.

JEREMIAH 51:36

Hanangkü Shembüpai hapakei enyüke: “Veituh, ngei nüng khüambakei yaonghen, hatü nüngei bhüh yemhen; Ngei jomei yungchingthü jeptükhen, hatü jomei yunglok ütükhen.

JEREMIAH 51:56

Babylon khüei vepathü peikahen; Pinnyülei veshanthü yepei lüdaihen, hatü jomei lahhan bhagdaihen. Mehenangkü Shembüpayü mang kü shüveipü Kahvang; büpai lomei ha kü shemhen.

YOUNG LAI 3:64

Jomei doui shangpükei, jomei lakdou aimü yah-eishuoh, Oh Shembüpa.

MENVIH KESHO 94:1

Oh Shembüpa, nüngü bhühyempü Kahvang, nüngü bhüh yempü Kahvang, nüngei müknyinshekhang nyahütuh.