JEREMIAH 51:15 - DAÜLANGPÜ LAIHING (BSI)

¹⁵ Büpai laophülei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

JEREMIAH 51:15 Referans Kwoze

SHAKEI VAMPÜ 4:11

“Nüngü müknyinshekhang, dhüm hatü wong yahhen shangpüba, hamei Shembüpa hatü Kahvang; mehenangkü nüngi dou peü ling, hatü nüngi mongpü nangkü hathü nyuteke hatü lingteke.”

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

ROM SHAHSHA APPÜ 1:20

Kahvangi kahdoknyü linghinüng müki ne-eeaokjao büpalei nedohnetenpü ngan hatü Kahvang nyingnyoi büpai lingpü douthü homei lekei nyingteke hatü eeteke. Hanangkü ha shennyakthü shingvaishi yanglem neshiü;

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

KANDOK 3:19

Kihikoni Shembüpai kahdoknyü chongnyiam lingteke, danaokpü koni büpai vangshothü hathülei shing kü tuhpeih.

JOB SHAHSHA APPÜ 9:8

Büpa monhai vangshothü paanei deishihnyeih, hatü yungching yungmokao shouptüknyeih.

ROM SHAHSHA APPÜ 11:33

Oh Kahvangei mop meshük longpa! Büpalei kihikon hatü nyingpühingpü meshük chüpa! Büpa shahphenpü mekei yemei neaokbenüng, hatü büpalei lemthü mekei neyaobenüngang!

ISAIAH 45:12

Kahdoknyü hatü halei nyupü hangku ngei lingpeih. Ngelei laki mon vangshothü paanei deishihpeih; hatü haleipü lithathü peü ngelei lakmongei tuhnyüpeih.

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

ISAIAH 40:26

Vangsho philei ngangei veituh: Üpai hathü lingpa? Büpai lithathü hük hük ieyei kü men menei nyüke. Büpalei ngan hatü wong longpü homei hathü hükao nemahtüki nyüke.

ISAIAH 40:22

Büpai kahdoknyü toilangpü shangkü ong uoshing kü uoshi nyüke, hatü haleipü shennyakthüyü shoukha melaü kei nyüke. Ashak paanpü keiha büpai vangshothü paanhüpeih, hatü nyuhen shingvaishi ashakshem paanei vepü keiha büpai hathü paanhüpeih.

MENVIH KESHO 136:5

Büpalei kihikoni vangshothü lingpeih, büpa bampü den kü nyunyeih.

MENVIH KESHO 104:2

Ashak ümpü keiha vangngai-i jümshi nyüke. Nüngi ashakshem paanpü keiha vangshothü paanei deishih;

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

ISAIAH 51:13

Amü am Lingbü Shembüpa, vangshothü paanei deishihpü, kahdoknyü chongnyiam yaong haübü betükteke. Amü am kü shüveipüthülei mongshih eeyei, am mahtükhen khih shei nyihjeih nyempü vüngpai maei nyunyüke. Shejao am kü shüveipüthülei mongshih melei nyüpa?

ISAIAH 48:13

Ngelei laki kahdoknyü chongnyiam yaong sheipeih, ngelei lakdah-i vangshothü paanei deishihpeih; Mechem ngei hathü kü nyükhen, jom peü chemi yaongnyüpeih.

MENVIH KESHO 107:25

Büpai ngeükhüam shuohtü yinglükpalei vamhü, hapai yungching yungmok domei anshih.

MENVIH KESHO 104:24

Oh Shembüpa, nüngi douthü longi lingteke! Kihikon kü nüngi hathü peü ling; kahdoknyü-ü nüngei yemhimakthüi maei nyüke.

JEREMIAH 27:5

Ngelei ngan longpai hatü ngelei laklu wong longpai ngei kahdoknyü hatü halei nyupü hangku hatü yemhimakthü lingpeih, hatü ngei monghahpü shennyakthü kü shuohpeih.

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke: