JEREMIAH 51:12 - DAÜLANGPÜ LAIHING (BSI)

¹² Babylon penyüsha khüei khüamlung haongtuh! Veshanthü nyeinya wong kohhütuh! Veihen shennyakthü tuhtuh, show uohen temtuh! Shembüpai Babylon am khüei tempü laophülei küpjan dükhen.

JEREMIAH 51:12 Referans Kwoze

JEREMIAH 51:11

Lahhanthü daüptuh! Inyüshung paituh! Shembüpai Babylon am mahtükhen shei deihpü nangkü Media ongthü vamhüteke. Shembüpai laophülei phopshem nangkü bhüh yemhen.

ISAIAH 13:2

Meheyao neshiüpü shangtao hük kü khüamlung haongtuh; changmeipü longhiong nyupü penyüsha homei chinghah shühen baongeishuoh.

NAHUM 2:1

Oh Nineveh am, am hahtükhen vepa hük vamteke; Penyüsha kü veshanthüi yomhütuh, lemnyüshong yomhütuh, shünglok loktuh; nüngei wong kemei antuh.

JEREMIAH 51:29

Üpayao halei nenyuhen shingvaishi Babylon kahdok lavüngtoiyei tuhhen shei Shembüpai tempü küpjan eeyei kahdok kheünyüke hatü jennyüke.

JOEL 3:2

Ngei jatthü peü thaihen, hatü Shahphenpü Kahjilei müei deihen. Halei jomi ngelei nanglakthü khüei lemphü nemeipü dükpü nangkü ngei jom kü shahphenhen; Mehenangkü jomi ngelei nanglakthü jatthü touei haitükpeih, hatü ngelei kahdok hantükpeih.

YOUNG LAI 2:17

Shembüpai mehe dükhen shei tem, büpai ha dükteke; Büpai shelei mebü epü keiha, phahji neshiüi am mahtükteke. Büpai ammei vepathü kü aokpü danghüteke; Am dopü nangkü jom kü mongong shuohteke.

JEREMIAH 51:27

Kahdok kü khüamlung haongtuh! jatthü kü amit vüngeishuoh! Pinnyü khüei hokhen jatthü temhütuh; Pinnyü khüei Ararat, Minni hatü Ashkenaz ongchingthü nyüktuh. Pinnyü khüei veshan mübü hük jetuh; Shoukhanbaongthü kei koyeithü shomtuh.

JEREMIAH 50:2

Jatthü kü etuh hatü baongtuh, khüamlung haongtuh hatü baongtuh, Ami nejo-i, “Babylon doteke! Bel kahvang veü dangteke, Marduk kahvang mong laaiyei nyüke, pinnyülei lajeithü veüpai hatü nyempai maei nyüke.”

KANDOK 21:30

Shembüpa khüei neüaokhen mü kihikon, yao-aokpü, hatü küpjan meleiyao neshiü.

JOSHUA 8:14

Mechem Ai ongpai ha eepa, büpa hatü ching kü nyupü shennyakthü peü nepnüng lomi Israel am mü thep ponghen Arabah shei epü shingei heih, shejao ngaümphei lemeipü ve vamei jüshuohhen shei büpai nenying.

JEREMIAH 4:28

Hanangkü kahdoknyüi mahng thephen, vangsho shangpa mangh-ei leidaihen; mehenangkü ngei mehe etüktepa, ha kübü neyeiyahen; ngei mehe temtük, ha nyokei neleilanghen.

JEREMIAH 23:20

Büpalei mongei tempü peü mangjiü thahshi Shembüpalei mongshih nyokei neyahlanghen. Ngoikahen nyihthü kü nüngi ha lekei nyinghen.

JEREMIAH 50:25

Shembüpai lahhilaong tuhshing apteke, hatü büpa mongshihpai vehok phunglang ngaiteke; mehenangkü Jeiyong Shembüpa Kahvangi Babylon kahdok kü dou hük dükhen nyüke.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.