JEREMIAH 50:7 - DAÜLANGPÜ LAIHING (BSI)

⁷ Üami jom heü, hathüi jom lühtükpeih; jomei vepathüi, “Hami pungpü nevai; mehenangkü jomü Shembüpa, hingshangpü jomei phenni, jomei bühipai monglempü Shembüpa khüei mang thahpeih” shei eteke.

JEREMIAH 50:7 Referans Kwoze

JEREMIAH 14:8

Oh Israel amei Monglem, shanghah hepak kü Yangbü, Mehekei nüngü hapa kahdokei yenthüng kei, ya hük mon paümpü yenpa kei nyudainya?

JEREMIAH 2:3

Israel amü Shembüpa kü daülangpü, shongpü betjük nyuhampeih. Üami hapa hah, mang thahteke, hatü jom kü shanghah peihampeih shei Shembüpai enyüke.

ZEKHARIAH 11:5

Shakpü ami jom jünyüke, hatü nehanghihünyu. Jomi phai yunyüke hatü enyüke, “Shembüpa men longtuh! Mehenangkü ham shemmei leiteke,” hatü jomei mi yombüthüiyao jom kü nephahji.

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

1 TIMOTI 1:1

Paul, jen Yemleipüba Kahvang hatü jenei monglem Khrista Jisulei shahkung homei Khrista Jisulei phongshan toueipü,

ZEKHARIAH 1:15

Shejao ngei nyüshulüki nyupü jatthü kü ahshi-üng mongshihnyüke. Mechem ngei maani mon mongshih-ei nyupa, jomi hanghi nyeinya nemeipüba vamhüpeih.”

DANIEL 9:16

Oh Shembüpa, peihdaipü hepak kü nüngi dükpü daülangpü douthü keiha, nüngi Jerusalem chingnyü kü, nüngei daülangpü kahshang kü hamei mang hatü bühipa ami pungpü nangkü nüng mongshihpü yahlangshihma. Mehenangkü hami mang thahpü nangkü chingyowyüpi jatthü touei ham hai dangteke.

DANIEL 9:6

Nüngei men kü hamei ongthü, hamei longthü hatü hamei bühipathü hatü kahmük kü nyupü nanglakthü kü nüng chongphopü thibüthüi epü shah hami nebang.”

JEREMIAH 50:33

Jeiyong Shembüpai hapakei enyüke: Israel nanglak hatü Judah amao longi shüveihahteke; jom yeppüthüi wongmü shatü jom nedeishih-i angteke.

ISAIAH 56:9

Peikei, Oh amphong phaüyemthü, amphong phaümong leipü yemhathü, peikei hatü lühtüktuh!

ISAIAH 47:6

Ngei ngelei nanglakthü kü mongshih-ei nyupeih; Ngelei mükjüpao nevaipükei ngei jom yakphongpeih; Ngei ammei lak kü jom shuohpeih, shejao amphongi jom kü phahji nehu; Viünyü viüpa kao ammi hanggovih kohüpeih.

ISAIAH 9:12

Aram am heongphi leipü, hatü Philistia am heshüphi leipü peiyei ju katü Israel am lühtükteke. Hapaiyao büpa mongshihpü nemeinyu; büpalei lak shaang thahshi noshi nyüke.

MENVIH KESHO 91:1

Am üami Jaipüba kü loishi nyunya, üami Jeiyong Kahvangei vangdhüm phangkü nyunya,

MENVIH KESHO 90:1

Shembüpa, nüngü denshem peü kü ham nyushing nyuhampeih;

MENVIH KESHO 79:7

Mehenangkü jomi Jakob lühtük, hatü büpa nyushing vüngmaki yakphongteke.

MENVIH KESHO 71:5

Oh Shembüpa, nüngü ngelei monglem shing, Oh Shembüpa, nüngü ngei hashih mebü ngei hinglempüba.

JEREMIAH 5:17

Jomi ammei hah hatü hahying hahtükhen, jomi ammei hahimoithü jütükhen; jomi ammei yemhimakthü hahtükhen; jomi ammei nyalingngupai, hatü adhajük hahtükhen. Ammi mongnyangpü penyü showtükpü chingnyü jomei yani mangtükhen.

JEREMIAH 10:25

Nüng nenyingpü jatthü kü, nüngei men kü nenyükpü nanglakthü kü nüngei mongshih khüpeishuoh. Mehenangkü jomi Jakob lühtük; jomi büpa chemjalak kü lühtüktü büpalei kahdok mangtükpeih.

JEREMIAH 17:13

Oh Shembüpa, Israel amei monglemshing, nüng yakphongpüthü peü veü ponghen. Nüng toueipü yanei lüdaipüthü kübhih kü men nyangpükei nyuhen, mehenangkü jomi Shembüpa, yangnyu yunglok tuhphongteke.”

EZEKIEL 34:5

Mi yombü neshiüpü nangkü jom haidai, hatü paüei daijapü nangkü phaüyemthüi hathü jüei hahtükkem.

EZEKIEL 35:12

Shejüang ammi Israel kahshangthü vüshih-ei epü ngei, Shembüpai danteke shei ammi nyinghen. “Jomü lavüngtoiyei nyupeih, hatü jeni jom lühtükhen shuohpeih” shei ammi eteke.

JEREMIAH 33:15

Hathü nyih kü hatü hapa hepak kü ngei Davidei hühiha kübü daülangpü Pükao hük vamhühen hatü büpai kahmük kü shahhing hatü daülangshemshepü dükhen.

JEREMIAH 33:16

Hathü nyih kü Judah hatü Jerusalem am yangei nyuhen. Hapa chingnyü kü, “Shembüpayü jenei Yemleipüba” shei nyükhen.

JEREMIAH 50:14

Lahhilaong nopüthü peüi Babylon khüei hokhen show lingtuh. Lahhan hükao ne-ao-i pinnyü kü kaptuh; mehenangkü pinnyüi Shembüpa khüei mang thahteke.