JEREMIAH 50:6 - DAÜLANGPÜ LAIHING (BSI)

⁶ Ngelei nanglakthüyü mah-ei nyupü mithü; jomei mi yombüthüi jom lemnyong kü mülangpeih, hatü vakhivien kü longteihüei angpeih. Jomphongi mikhaok betüktü kahshangei longteiyei nyupeih.

JEREMIAH 50:6 Referans Kwoze

ISAIAH 53:6

Jen peü mi keiha lemnyongei dai, jen peü laophüi mongpü lem kü lüdaikem; hatü Shembüpai jen peüei mang büpai kolang.

MATHI 9:36

Mechem büpai khongnyü eepa, büpai jomphong kü shinshangei deih; mehenangkü jomphongü ponghahpü hatü sheühbü neshiüi mi yombü neshiüpü mithü kei nyuteke.

MATHI 10:6

shejao Israel am phang mahdaipü mithü touei daituh.

EZEKIEL 34:14

Ngei jomphong kü thüngkon meipü shingei ühyinghen, hatü Israel kahshang shaopüthü peü jomei het hahshing leihühen; halei jom het hahshing meipülei lemlemleyei tuhhen, hatü jomi Israel kahshang leipü thüngkon meipülei hahyinghen.

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

MENVIH KESHO 119:176

Ngeiyü mahdaipü mi keiha lembien kü daipeih; nüngei chongphobü yemtuh; mehenangkü ngei nüngei shahkungthü nebetüknyih.

JEREMIAH 50:19

Shejao Israel am jomei kahdokei nyokei leihühen, hatü büpai Karmel hatü Bashan kü vampü hahying hahshi nyuhen, hatü Ephraim hatü Gilead shangtaothülei hüshemei hahhen.

JEREMIAH 3:6

Josiah ongpalei nyih kü Shembüpai ngei kü eteke: Hingnelempü Israel, pinnyüi mehe dük, mekei pinnyü shangtao shaopü peülei aongei, hatü püdhüm peülei büm yuei kamteipü nüngi eela?

MENVIH KESHO 116:7

Leptuh, ngelei laangha, nüng nyiushemmei kü nyukei; mehenangkü Shembüpai nüng kü meishi dükteke.

MENVIH KESHO 91:1

Am üami Jaipüba kü loishi nyunya, üami Jeiyong Kahvangei vangdhüm phangkü nyunya,

1 PETER 2:25

Mehenangkü amphongü mi keiha lemnyongei daiyei nyuteke, shejao shaang mi yombü hatü ammei laangha yombü touei nyokei leiteke.

MATHI 15:24

Büpai, “Ngeiyü Israel am phang mahdaipü mithü touei shompeih” shei jangei e.

JEREMIAH 10:21

Mi yombüthüyü sholi neshiü, hatü Shembüpa kü nephenyu. Hanangkü jom nedaneshe hatü jomei yemhimak kemei haidaipeih.

JEREMIAH 3:23

Hingmei, shangtaolei aongei lebü kahvang khümpeyao sheühpü nedang; kahshangthülei aongpaiyao lueilempü mon. Hingmei, Shembüpa, hamei Kahvang monha Israel amyemleipüba khih.”

JEREMIAH 2:32

Nela hüki laophülei chühiyük, hatü doidaila hüki laophülei owhiai be-aokhen je? Shejao ngelei nanglakthüi nyih longi ieyei neaoki ngei betükteke.

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

ISAIAH 30:15

Jeiyong Shembüpa, Israel Kahvangi, “Ngei touei mong lepei leikei; nenmü ngei kü hinglemtuh, shejüang ammi wong danghen” shei enyüke. Shejao hapa nedükhüi;

MENVIH KESHO 90:1

Shembüpa, nüngü denshem peü kü ham nyushing nyuhampeih;

MENVIH KESHO 32:7

Nüngü ngei joshing, nüngi ngei shanghah kübü yangei tuhnyeih; hatü yanglanghen kesho lokei shonnyüpeih.

MENVIH KESHO 23:2

Büpai ngei thüngkon shangkü lemhünyeih; büpai ngei nenmü nyupü yung touei münyeih;

JEREMIAH 13:16

Büpai vangnyak koei peikü shekü, hatü vangngai pibom kü nüngei la-i kahshangthü kü huluh shuohhü shekü, Shembüpa, ammei Kahvang kü müknyinshekhang shuohtuh. Mechem nüngi vangngai kü veihen, büpai shangmang hatü vangnyak leitüknyeih.

JEREMIAH 23:1

Ngelei mithü het hahshing leipü mahtükpü hatü haitükpü mi yombüthü onyükei! shei Shembüpai enyüke.

JEREMIAH 33:12

Jeiyong Shembüpai hapa enyüke: “Shennyak nevaijü yemhimak neshiüi lavüngtoiyei nyupü hapa shing kü jilathü peü kü mi yombüthü jomei mithü deiyei het ühhen thüngkon danghen.

EZEKIEL 13:10

Chingmeivangmei neshiüshiüi, “Chingmeivangmei nyüpeih” shei eyei ngelei nanglakthü lemnyongei mülangpü nangkü, hatü mechem nanglakthüi bham linghenshang, hathüi hapa kü dhoni nyiotüknyüke,

EZEKIEL 34:15

Ngei laophülei mithü kü mi yombü vaihen, hatü ngei jomphongü lemlemleyei tuhhen shei Shembüpa Kahvangi enyüke.

EZEKIEL 34:16

Ngei mahdaipüthü yemhen, paüdaipüthü yemei leihen, hatü ngei jomei makaw thünghen, hatü ngei wong nekohpüthü wong kohhühen, shejao nitshüpü hatü wong kohpüthü mahtükhen. Ngei shahhingi jom kü ühyinghen.

ISAIAH 1:3

Mohoh-i laophülei shembü, gadui laophülei shembüi het ühshing nyingnyüke, shejao Israel ami ha nenyingnyu, ngelei nanglaki ha nedanaoknyu.