JEREMIAH 50:5 - DAÜLANGPÜ LAIHING (BSI)

⁵ Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

JEREMIAH 50:5 Referans Kwoze

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

2 KORINT 8:5

hatü hapayü hami eema shei deihshi nyupü kü nevai, shongei jom nyingi Shembüpa kü shuoh, hatü Kahvangi mongpü homei ham kü yahphopeih.

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

MENVIH KESHO 84:7

Jomü wong kübü wong dangei dainyüke, Jomi Zionlei kahvangthü khongkü Kahvang eehen.

1 ONGPATHÜ 19:14

Büpai jangei, “Ngeiyü Shembüpa Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük, nüngei moidüthü benei yaktük, hatü nüngei thibüthü peü jütükteke. Shaangü ngei mon aopü khih, hatü shaang jomphongi ngeiyao jütüknüng yemnyüke” shei e.

1 ONGPATHÜ 19:10

Büpai jangei, “Ngeiyü Shembüpa, Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük; nüngei moidüthü benei yaktük, hatü nüngei thibüthü peü jütük, shaangü ngei mon aopü khih, hatü shaang jomi ngeiyao jütüknüng yemnyüke” shei e.

2 SAMUEL 23:5

Ngelei mong Kahvang mü hapakei nenyupü je? Lemphü kü shüpeikengei, yangei, büpai ngei mü nedohnetenpü vangpüshuwpü nelingangpü je? Büpai ngei napü peü kü betjük nejükhühen je?

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

JEREMIAH 31:6

Ephraim phaüshang kahmük leipü veyompüthüi nyükhen nyih hük vamkahen.” “Kei, jeni Zionlei jenei Shembüpa Kahvang touei aongshah.”

JEREMIAH 31:21

Lemnyü kü maiyaong hatü phu haongtuh. Am mepa lem kü daipa, hapa lemnyü meishi deihtuh. Nyokei leikei, Oh Israel nanglak; ammei chingnyüthülei nyokei leikei.

EZEKIEL 16:61

Shejüang ammei lemthü deih-ei danghen, hatü mechem ammi ammei anya anaü am nyokei yahhenshang veü-ei deihkahen. Hapayü ngei am mü vangpüshuwpü kübü phaihan nevaijao, ngei jomü am kü yiükhathü keiha yahphahen.

EZEKIEL 37:22

Ngei hapa kahdok Israel kahshangthülei jomphongü jat hük leiyei mongjemhühen. Jom shak kü ong hüki mon vanglem lemhen, hatü jom hajük kü ongching nyi nenyuhen, nevaijü ongching nyi vaishi nehanhen.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.