JEREMIAH 50:2 - DAÜLANGPÜ LAIHING (BSI)

² Jatthü kü etuh hatü baongtuh, khüamlung haongtuh hatü baongtuh, Ami nejo-i, “Babylon doteke! Bel kahvang veü dangteke, Marduk kahvang mong laaiyei nyüke, pinnyülei lajeithü veüpai hatü nyempai maei nyüke.”

JEREMIAH 50:2 Referans Kwoze

ISAIAH 46:1

Bel kü aümei shatü, Nebo kü lashüh-i shüngei khümhamteke, shejao shaangü gadu hatü mohoh dok shangei haütü yemhimak kü hanggovih vaishi koshi nyüke.

ISAIAH 21:9

Veituh, shennyakthü koyei khari kü uotü, koyei kü shennyak nyi nyi uotü peikünyüke, hatü büpai jangei, “Doteke, Babylon doteke! hatü jomei kahvang lajeithü kemei kahdokei bhaoei yaüshi nyüke” shei e.

JEREMIAH 51:47

Ngei Babylon lajeithü kü shüveihen hepak hük hingmei peikahen; Jomei kahmük kemei mongmanghen, hatü jomei mahmahng jom touei nyuhen.

JEREMIAH 51:44

Ngei Babylon leipü Bel kahvang kü hanghi shuohhen, hatü pinnyüi mehe lühtükpa ha bhaitükhühen. Jatthüi hajük kü pinnyü kü nekhümhen, Babylon amei bham laamdaiteke.

SHAKEI VAMPÜ 18:2

Büpai ngeü longpai nyükei e: “Doteke, doteke longpü Babylon! Hapayü kahshihthü nyushing leidaiteke, mang laangha hatü jiühitbenüng outhü nyushing, mang laangha hatü jiühitbenüng yemhathü nyushing.

ZEPHANIAH 2:11

Shembüpai jomphong nyemhühen, büpai kahdoknyü kahvangthü kong leihühen; Yungkung kübü chingthü peüha, hatü shübaong kübü jatthü peüha, laophü laophü nyushingei aümei büpa kü khümhen.

JEREMIAH 52:31

Judah am Jehoiakin ongpa wüpküpei nyupü bong hapüanpünyetpabü kü Babylon kü Evil-Merodakh ong vaiteke. Büpai Judah ong Jehoiakin kü bamei deih hatü len anpünyi mü nyih hapüngapabü kü khoklat leipü veshuohteke.

JEREMIAH 51:52

Shejao ngei pinnyülei lajeithü, hatü kahdok kempü kü hanghi shuohhen, hatü ma yahtü thephen hepak ngoikünyüke shei Shembüpai enyüke.

JEREMIAH 51:31

Shahjang kobü hük phei kü hük, phongmokbü hük phei kü hük shei Babylon ongpa kü nüngei chingnyü peü lemei shümlangteke shei ehen dainyüke,

JEREMIAH 51:8

Babylon lomi dohen hatü khih mü nihdaihen. Pinnyü deih-ei mahng theptuh! Pinnyü tüngpü kü meli shihtuh; Üpai nying, pinnyü meihenao aokpeih.

JEREMIAH 50:46

Babylon hahpü ngeü kü kahdoknyü kheühen, hatü pinnyüi vaüpü eepü jatthüi danhen.

JEREMIAH 46:14

Hapayü Ijip am kü etuh, hapayü Migdolei baongeishuoh. Hapayü Memphis hatü Tahpanhes leiyao baongeishuoh. Show lingei temtuh, mehenangkü am shinei nyupüthü peü yanlui lühtükkemhen.

JEREMIAH 31:10

Shembüpalei shah bangtuh, Oh jatthü; hapayü tailu yungkung kahdok thahshi baongtuh; “Üpai Israel am haitük, büpai jom thailanghen, hatü mi yombüi keiha büpai laophülei mi yomhen.

JEREMIAH 6:18

Hanangkü bangtuh, Oh jatthü, hatü jom kü mehe vamkahen ha nyingtuh, Oh denbüthü.

JEREMIAH 4:16

“Jom halei nyüke!” shei jatthü kü etuh; Shümei yahhen am tailu kahdok leipü peikünyüke shei Jerusalem kü baongeishuoh; jomü Judah chingnyüthü khüei lennyüke.

ISAIAH 48:6

Ammi danei heihteke, shaang ha peü eenyüke; ammi ha kü vaiteke shei ne-ehen je? Shaang mü leitü ngei am kü douja, ammi mangnyingpü doujothü ephahen.

ISAIAH 39:1

Hahepak kü Babylon am Baladanei cheha Merodakh-Baladan ongpai Hezekiah kü lai nyangei thintho hük kotü phongmokbüthü shomteke; mehenangkü büpa tüngei nyupü meitekeja shei dan.

ISAIAH 37:19

hatü Kahvang nevai, hangkui pü hatü yaong yah-ei laki lingpü kahvang vaipü nangkü ha kahvangthü aw kü jakei mangtükteke.

ISAIAH 13:2

Meheyao neshiüpü shangtao hük kü khüamlung haongtuh; changmeipü longhiong nyupü penyüsha homei chinghah shühen baongeishuoh.

ISAIAH 12:4

Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

MENVIH KESHO 96:3

Jatthü kü büpalei müknyinshekhang jung baongeishuoh; nanglak peü kü büpalei yashanyalepü douthü nyinghütuh.

MENVIH KESHO 64:9

Hahepak kü peüi nyemhen; Kahvangi mehe koei pei, jom peüi ha jung ehen, hatü büpai mehe dük, ha kü deih-ei veihen.

MENVIH KESHO 97:7

Yaongnaüyathü kü khümpüthü peü, hatü yahlak neshiüpü lajeithü kü khümpüthü peü veühühen; kahvangthü peü büpa kü aümei khümtuh.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

JEREMIAH 4:6

Zion lemei dailem hueishuoh, nepheidai-i yanglem yemei nyaidaituh, mehenangkü ngei apshaphi leipü shanghah, hatü benpülangpü koei peikünyeih.

JEREMIAH 51:12

Babylon penyüsha khüei khüamlung haongtuh! Veshanthü nyeinya wong kohhütuh! Veihen shennyakthü tuhtuh, show uohen temtuh! Shembüpai Babylon am khüei tempü laophülei küpjan dükhen.

JEREMIAH 51:27

Kahdok kü khüamlung haongtuh! jatthü kü amit vüngeishuoh! Pinnyü khüei hokhen jatthü temhütuh; Pinnyü khüei Ararat, Minni hatü Ashkenaz ongchingthü nyüktuh. Pinnyü khüei veshan mübü hük jetuh; Shoukhanbaongthü kei koyeithü shomtuh.

DANIEL 1:2

Shembüpai Judah ongpa Jehoiakim büpalei lak kü shuoh, hatü Kahvangei Phopshem leipü douhinangthüao shuohteke. Büpai hathü koei Babylonei leiyei büpalei kahvang khümshem dou tuhshingei tuhteke.

DANIEL 3:14

hatü Nebukadnezzari jomphong kü, “Shadrakh, Meshakh hatü Abednego, amphongi ngelei kahvangthü chongnephonyu hatü ngei-i lingpü hon lajei kü nekhümnyu shei epeyü hingmei je? shei pheteke.

JEREMIAH 10:11

Nüngi hathü kü hapakei etuh: Kahvangthü mepai kahdok hatü vangshothü neling, lomi hapa kahdok hatü vangsho phang kübü mahdaihen.

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.