JEREMIAH 5:7 - DAÜLANGPÜ LAIHING (BSI)

⁷ Mekei etü ngei am kü mang tükaokhen? Ammei hapeüthüi ngei yakphongteke, hatü Kahvang nevaipü kü khümnyüke. Mechem ngei jom kü moh-ei ühshuohhen, jomi mükbungjuyung düknyüke, hatü büm yupü amei shemei küpshi nyunyüke.

JEREMIAH 5:7 Referans Kwoze

GALATIA 4:8

Shelei mechem ammi Kahvang nenyingi nyupa, amphongü nyingnyoi kü-üng Kahvang nevaipü kahvangthülei aa vaihampeih.

JEREMIAH 2:11

Kahvang nevaijao üam jatiyao laophülei kahvang jeipü eela? Shejao ngelei nanglakthüi yahlak neshiüpü lajei kü ngelei müknyinshekhang jeiteitükteke.

JOSHUA 23:7

am mü nyupü jatthü mü tejemtei; jomei kahvangei men tenotei nevaijü vangeishuwei te-e. Ammi hapa kü chongtepho nevaijü tekhüm.

SHAHKÜP 32:21

Jomi kahvang nevaipü dou hüki ngei mükhühhüteke, jomei yahlak neshiüpü lajei-i ngei mongshihhüteke. Nanglak nevaipü jatthü ngei noteihen, hatü jomi ha kü mong yunghühen. Ngapa jatthü ngei noteihen, hatü ha kü jom mongshihhühen.

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

JEREMIAH 23:10

Kahdokü mükbongjuyungpüthüi maei nyüke; thaüvaüpü nangkü kahdoki mahng thepnyüke, hatü jahpan kübü phenha vandaiteke. Thibüthülei lem nemei, hatü jomei wong nejiüi nonyüke.

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

1 KORINT 6:9

Ten dükpüthü Kahvang ongching nedangaokpih shei ammi nenyingpü je? Am telutelemhah! Iyjeiphailei, lajei khümpü, mükbongjuyung, baha büm yupüthü, bahai baha mü, nyühai nyüha mü mükbongjuyungpü,

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

AMOS 8:14

Üami Samaria amei lajei kü, hatü Dan amei kahvang kü, nevaijü Beer-sheba amei kahvang men kü shei vangeishuwnya, jom dohen, hatü haleipü hajük kü nepao-aokhen.”

HOSEA 13:6

Mechem ngei jom kü ühyingpa, jom mohteke, mechem mohpa, jom changmei, hatü ngei betük.

HOSEA 11:8

“Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

HOSEA 7:4

Jom peüi mükbongjuyung düknyüke; Aan oukbüi aanthüng nyetpü kübü aan mangouk thahshi awdep kü aw jakei angpükei nyüke.

HOSEA 4:2

Jomi lahtü mangtüknyüke, shahshem enyüke, jüteinyüke, gühnyüke, mükbongjuyung düknyüke. Iythüng anpü hük pheikü hük vamnyüke.

EZEKIEL 22:11

Hüki chingyowpalei nyüha mü mükbongjuyungnyüke hatü lebü hüki laophülei hapeülei nyühathü mü hatü laophülei naüpeü mü douten düknyüke.

JEREMIAH 13:27

Shangchingthülei ammei jiühitnalai, mükbongjuyung, vaüpü eepü, neveüi büm yupü ngei eetepih. Onyükei, Oh Jerusalem! Nedaünelangi meshük lushi nyuhenang?”

JEREMIAH 9:2

Oh ngei paoh bhih kahdokei yendai am paümhen shing nyulangmeyü, ngei ngelei nanglakthü tuhphongtü lüdaihah shepeih. Jom peü mükbungjuyungpüthü, hatü peileipüthü mon nyüke.

JEREMIAH 3:19

Ngei nüngü ngelei hapeü vaishi yahhen, hatü kahdoknyü kü peü mü meipü hapa mongongpü kahdok nüng kü shuohhen shei deihpeih. Nüngi ngei kü “Opa” shei nyükphahen; hatü ngei toueipü yanei nedaikahen shei deihpeih.

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

MENVIH KESHO 50:18

Gühpa eejü nüngi büpa mü dhaonyüke, hatü mükbongjuyungpüthü mü jemnyüke.

LEVI 20:10

Shennyak hanei-i laophülei chingyowpalei nyüha mü mükbongjuyungjema, jijiphen jütükhen.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

2 SHÜPPÜKENGPÜ 13:9

Shejao nüngi Shembüpalei ngongpathü, Aaronei hühihathü hatü Levi am changtüktü lebü kahdokei dükteipükei nüng nyingi ngongpathü neje-angpü je? Üam mohoh cheha hük hatü mi chebaongha nyet mütü ngongpa vaihen shei peinya, hathü kemei kahvang nevaipülei ngongpa leihünyüke.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

JEREMIAH 16:11

nüngi jomphong kü hapa etuh: Mehenangkü shejema ambü ampai ngei yakphongtü lebü kahvangthü phei müei, chongphoei hatü khümpü nangkü ha vampeih shei Shembüpai enyüke. Jomi ngei yakphong hatü ngelei shahkung nebang.

JEREMIAH 16:20

Shennyaki laophülei kahvang lingnyu je? Hih, shejao hathüyü kahvang nevai!

YOUNG LAI 3:42

“Hami mang thahteke, hatü nüng khüei yaongteke; hatü nüngi ham kü mang netükpha.

JOB SHAHSHA APPÜ 31:12

Mehenangkü hayü dipü awi shamtükhen, hatü ngei angpü kemei hahtükhen mon nyüke.

JEREMIAH 3:8

Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.