JEREMIAH 5:6 - DAÜLANGPÜ LAIHING (BSI)

⁶ Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

JEREMIAH 5:6 Referans Kwoze

ZEPHANIAH 3:3

Pinnyülei lakchongbüthüyü ngüngpü mailangthü khih; pinnyülei shahphenbüthüyü phu-ao neao-i hahteipü shuwthü khih.

HABAKKUK 1:8

Jomei koyeithüyü shahnyü mao shangshi moknyüke, het aeipü shuw mao mangpüba nyüke. Jomei koyei veshanthü tailu kahdok leipü peinyüke, jomü alang hahying kü laongpükei laongnyüke.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

EZEKIEL 22:27

Jomei lakchongbüthüyü shahhing ne-epü mop danghen shingvaishi shuwi yemhimak jüei shaakpükei nyüke, iy yenhüei jünyüke.

SHAKEI VAMPÜ 13:2

Hatü ngei eepü yemhayü shahnyü kei, hapalei layü sheptaolei la kei, hatü hapalei ju mailangei ju kei nyuteke. Dragoni hapa kü büpalei ngan, büpalei ong uoshing hatü wong longpü shuoh.

HOSEA 5:14

Mehenangkü ngeiyü Ephraim am tou kü mailang hük keiha, hatü Judah am touei mailang longpü kei nyuhen. Ngei jom khih mü shaaktüktü lüdaihen, Mechem ngei jom shüei daihen, üpaiyao jom neyangaokhen.

DANIEL 7:6

Hapheikü ngei veishi nyushingkü, lebü yemha hük veiheni shangpi shahnyü kei vamteke; hapa yemha kü dok kü yang ali hatü shangjing ali kohshi nyuteke, hatü vanglem lemhen büpa kü shuohteke.

DANIEL 7:4

Shongpü yemhayü mailang leshi shejao alang kü kei yang kohshi shiüteke. Ngei veishi nyushingkü yangthü bhagtük, hatü hangku kei la nyi-i kahdok leipü yaonghüteke, hatü hapa kü hangkulei thentoimongdang shuohteke.

EZEKIEL 23:19

Shejao pinnyü nela hepak kü Ijiplei büm yuei nyupü nyihthü deih-ei pinnyü nyeinya nyeinya büm yupü am leidaipeih.

EZEKIEL 16:25

Lemnyüshong ieyei kü ammi lajei khümshing ling, hatü ammei dhemeilaüma yuhahteke; peihpü leipü peü kü laophülei büm yuhahteke.

YOUNG LAI 1:5

Pinnyülei vepathüang shembü leidai, pinnyü kü khüpüthüang daeishenyüke; Mehenangkü pinnyülei mang ahshi longpü nangkü, Shembüpai pinnyü shangponghü, pinnyülei moihiyangthü sheteishangei wüpküpei deilangteke.

JEREMIAH 49:19

Jordan yingnyü leipü mailang hük vamei phenha nipü shing yemei daipü keiha, ngei Edom am ngangahük kü haleipü changtükhen; ngei hapa shak kü ngei üam jehenshang hathü tuhhen. Ngei lepü üpa nyüpa hatü üpai ngei kü chengaokhen? Ngei khüei yaongaokhen mi yombü üpa nyüpa?

JEREMIAH 30:24

Büpai deihpü mangdük thahshi, hatü ha mangjiü thahshi Shembüpalei mongshih nyokei neleidaihen. Shompülei ammi ha nyinghen.”

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

JEREMIAH 25:38

Mailangi laophülei yaongsha tuhphongpü keiha, Shembüpai laophülei nanglak tuhphonghen, hatü jomei kahdok lavüngtoiyei leitükhen, hatü hapayü vepathülei yan, hatü Shembüpalei mongshih homei ha vamhen.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

JEREMIAH 2:17

Büpai nüng müyaki nüngi Shembüpa, nüngei Kahvang yakphongpü nangkü laophü nyingi koei leihahpü nevaipü je?

JEREMIAH 2:15

Mailangthüi jom kü ngüngnyüke, jomi wongmü ngüngteke. Jomi büpalei kahdok hatü chingnyüthü shennyak neshiüi lavüngtoiyei leitükteke.

ISAIAH 59:12

Mehenangkü nüng touei hamei mang longi, hatü hamei mangi ham khüei denpü shuohnyüke. Hamei mangü ham mü nyüke, hatü hami hamei mang nyingnyüke.

MENVIH KESHO 104:20

Nüngi vangnyak ling, hatü nyak kü phaüyemthü kemei het yemhah dainyeih.

EZRA 10:10

Hahepak kü Ezra ngongpa yaongei jomphong kü, “Am mang thahteke; ammi kungyiük yahpai Israel kü mang nyeinya dahüteke.

EZRA 9:6

“Oh ngelei Kahvang, ngei ahshi-üng veüangke, hatü ngelei dhe nüng kü ngangei veihen neaoknyu; ngelei Kahvang; mehenangkü hamei mangi hamei shangjing lümlangteke, hatü pungpü shaipai vangsho thahshi aongdaiteke.

BHEI-IE 32:14

hatü shaang, hamü, amphong mangei hühihathü, Israel am shangkü Shembüpalei mongshih nyeinya koei peihen mü ambü ampa amei shing kü yaongshi nyüke.

MENVIH KESHO 80:13

Meilathüi ha kü shouptüknyüke, hatü phaüyemthü peüi ha hahnyüke.

JEREMIAH 8:5

Shejema düngei vaishi mehekei hapa nanglakthü ngaümpheilei leidainya? Jomü lueilempü kü wongshongi shongshi nyüke, jom nyokei leihen nemongnyu.

JEREMIAH 30:15

Ammi ma yahpü nangkü mehekei eelanya? Nüng kü tüngpü nemeiaokpih. Mehenangkü ami pungpü hatü ammei mang ahshi longpü nangkü ngei ha dükpeih.

2 SHÜPPÜKENGPÜ 36:14

Anyei vaishi ngongpa mübüthü peü hatü nanglakthü nyeinya hingnelemi jatthüi dükpü jiühitnalai douthü dükei Shembüpai Jerusalemei daüei tuhpü phopshemao sheihtük.

JOB SHAHSHA APPÜ 10:16

Ngei lemhük kü-üng aokpü dangjema, nüngi ngei kü mailangi kei shükphünyüke, hatü ngei khüei nüngei ngan huphünyüke.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

JEREMIAH 8:7

Yungou-i dangkao mechem om leihen nyingnyüpeih, athuba, khihmang ouha, hatü ouhathüi om leihen nyingnyüpeih, shejao ngelei nanglakthüi Shembüpalei vanglem nenyingnyu.