JEREMIAH 5:5 - DAÜLANGPÜ LAIHING (BSI)

⁵ Ngei shemmeithü touei heihshah, hatü jom mü eteishah. Shejao jom peü aihük mü Shembüpalei shahkung mangtük, hatü jom kü shapü laitükteke.

JEREMIAH 5:5 Referans Kwoze

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

LUK SHAHSHA APPÜ 19:14

Shejao laophülei nanglaki büpa kü jiühit, hatü büpa pheikü phongmokbüthü shomei, ‘Hami hapa shennyak ham shak kü vanglem lemkahen nenanyih’ ” shei e.

LUK SHAHSHA APPÜ 18:24

Jisui büpa kü veitü, “Mop angpüthü shingvaishi Kahvang ongchingei shühenü meshük wongpüang!

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

MÜLANGPÜ 32:25

Aaroni nanglakthü ungei neaoki mangtükpü khih shei Mosai eeaokteke, hatü jomi vepathü tou kü mihnyiyangnyai leihüteke.

JEREMIAH 9:3

Jomi jomei yei pülah kei komaoknyüke, Jomü shahhing shing nevai, shahshem kü wong kohshi longnyüke; mehenangkü jom ten kübü ten dükei dainyüke, hatü jomi ngei nenyingnyu shei Shembüpai enyüke.

EZEKIEL 11:2

Shembüpai ngei kü, “Shennyak ha, henyiyü ten dükhen küpjan temteipü hatü hapa chingnyü kü nemeipü venteipü nyi hih.

2 SHÜPPÜKENGPÜ 36:14

Anyei vaishi ngongpa mübüthü peü hatü nanglakthü nyeinya hingnelemi jatthüi dükpü jiühitnalai douthü dükei Shembüpai Jerusalemei daüei tuhpü phopshemao sheihtük.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

JEREMIAH 8:7

Yungou-i dangkao mechem om leihen nyingnyüpeih, athuba, khihmang ouha, hatü ouhathüi om leihen nyingnyüpeih, shejao ngelei nanglakthüi Shembüpalei vanglem nenyingnyu.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!