JEREMIAH 5:3 - DAÜLANGPÜ LAIHING (BSI)

³ Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

JEREMIAH 5:3 Referans Kwoze

JEREMIAH 7:28

Nüngi jom kü ha etuh: Hapayü Shembüpa, jomei Kahvangei ven nedanpü, hatü ungei-aeipü neyahpü jathili; shahhing mahdai; hapayü jomei juben kübü mahdaiteke.

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

ZEPHANIAH 3:7

Ngei hapa chingnyü kü, “Hingmei, ammi ngei kü nyemtuh, hatü ngei yeanpü shah yahtuh. Shejema am nyushing nemahtükhen, nevaijü ngelei hanghi am kü nepeiküpih” shei etepih. Shejao jomi dükpü lemphüli kü nyeinya nemeipü düknyüke.

ISAIAH 9:13

Shembüpai hajük Israel am kü hanghi shuohjao, mong lepei nelei, nevaijü büpa neyemnyu.

2 SHÜPPÜKENGPÜ 16:9

Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.

ISAIAH 42:25

Hanangkü büpa mongshihpü jom kü khüppeih, hatü vehok mangpü heüpeih. Awlomi jom jümlangjao, jomi hapa nenyingaok; awi jom jangtükjao, jomi hapa mongdangei neyah.

HEBREW 12:9

Anyei vaishi jen kü ungei-aeihen jenü hangku nyühipa nyüpeih, hatü jeni jom kü dhüm shuohnyeih. Shejema jeni laanghathülei Pa kü nyeinya dhüm shuoh-ei nenyuhen je?

ROM SHAHSHA APPÜ 2:2

“Hapa keipü dou dükpüthü kü Kahvang shahphenpeyü shahhing kü jiüpü aimü nyüke shei hami nyingnyeih shei ammi enyüke.”

EZEKIEL 24:13

Ngei nüngei iyjeiphaileipü ngei daüphüjao, nüngi nüngei nühinam kübü daüei nenyu. Hanangkü ngei nüng kü mongshihpü hüshemei mangdük thahshi sheyü nüng nedaühühen.

JEREMIAH 32:19

nüngi kon kohpü hatü nüngei dou peü yashanshi; nüngei müki hangkulei lemthü peü kü veishi nyüke, hatü peü kü laophülei lem hatü laophüi dükpü kübü betjük shangshi nüngi laklei shuohnyüke.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

JEREMIAH 7:26

shejao jomi ngei epü nebang, nevaijü mong neshuoh; shejao jomei ngaümvang vaanei nyupeih. Jomei chebü chepa mao jom-üng nyeinya nemei-i dükpeih.

ISAIAH 48:4

Am meshük mong vaanshi nyu, hatü nyiam keiha ngaümchong haüshi, hatü melangnyiam keiha ammei shangba vaanshi nyupa, ha ngei nyinghampeih.

KANDOK 27:22

Ngapa hük kü hah shüpükei shemshak kü shihtü shüshuohlangmao, büpa kü nyupü nga hapa netükaokpih.

KANDOK 23:35

“Jomi ngei kü bheiteke, shejao ngei kü nesheüpha; jomi ngei kü üpteke, shejao ngei kü ha leyei nepeinyu. Ngei mechem paohenshang shao-üng yiü danghen” shei nüngi ehen.

KANDOK 22:12

Nyingpühingpü kü Shembüpalei mük chishi nyunyeih, shejao hingnelempüthülei shah büpai yaktüknyeih.

KANDOK 21:29

Nemeipü shennyaki mahmong longtü dainyeih, shejao daülangpü shennyaki laophülei lem kü kenhingnyeih.

MENVIH KESHO 51:6

Hingmei nüngi mongei shahhing nyupü ha lümnyüke; hanangkü ngelei mongdang mongpalei nüngei kihikonnyuhshih.

2 SHÜPPÜKENGPÜ 28:22

Ahaz ongpa longi ponghahpü hepak kao nyeinya büpai Shembüpa touei mang thah.

LEVI 26:23

Hathü peü dükphei küong, ammi ngei touei nyokei neleijema, hatü nedoh-i ngei mü ve sheüsheü shei nyujema,

2 ONGPATHÜ 1:13

Hanangkü ongpai jempabü veshan mübü, hatü büpalei veshan jom pinyipüan shom. Jempabü veshan mübüi aongei Elijah touei aümei shatü, “Oh Kahvang shennyak, chingmeilemlingei ngei hatü nüngei chongphobü jom pinyipüanei yangnyu kü phahjishih.

JEREMIAH 8:5

Shejema düngei vaishi mehekei hapa nanglakthü ngaümpheilei leidainya? Jomü lueilempü kü wongshongi shongshi nyüke, jom nyokei leihen nemongnyu.

JEREMIAH 35:13

“Jeiyong Shembüpa, Israel Kahvangi hapakei enyüke: Daituh hatü Judah hatü Jerusalem nanglakthü kü hapakei etuh: ‘Amphongi ngei nyuhpü hatü ngei epü nebanghen je?’ shei Shembüpai enyüke.

EZEKIEL 2:4

Nanglak üam touei ngei nüng shomnya, jomphongü mong vaanpü hatü laophüi deihpü mon dükpüthü khih; jom touei ngei nüng shomnyeih hatü nüngi hathü kü Shembüpai hapakei enyüke” shei etuh.

DANIEL 9:13

Mosa shahkungnyü kü nyangei nyupü hanghi kemei ham kü hetteke, shejao hamei mang kübü mong lepei, nüngei shahhing phei müei Shembüpa, hamei Kahvang bampü yemei nelei.

AMOS 4:6

Ngei ammei chingnyü peü kü vomkong nyuhen shuohteke, hatü jila peü kü hahyingi taohü, shejao ngei touei am mong nelep shei Shembüpai enyüke.

KAHBHAO 19:34

Nyihphei hashongnyüi chenaü kü, “Veituh, meya ngei büpa mü shipeih; sheya-ao ji-i büpa kü yiü yingshuohshah, hatü jenei palei li tuhhen shangmü nüngi büpa mü shituh” shei e.

1 ONGPATHÜ 13:33

Haphei küong Jeroboami nemeipü mang lemthü kübü mong nelep, shejao nanglak jat peü kübü jiüjiü yah-ei khümshingthülei ngongpathü jeyei tuh. Ngongpa vaihüpüthü peü büpai khümshingthülei chongphohen jeyei tuh.

MENVIH KESHO 51:8

Ngei mongongmonglepü jung bangshah; nüngi ngümtükpü vangtaothüao mongonghütuh.

MENVIH KESHO 55:20

Ngelei küphü hüki büpalei küphü hük kü lak shihteke, hatü büpai vangtükpü shaitük.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

JEREMIAH 3:3

Hanangkü vang nekei-i shümlang, hatü ünyü vang nekeinyu; shejao am veüao neveüi büm yuei longteihen dhehilaü kohtü nyüke.

JEREMIAH 15:7

Ngei hapa kahdok chingnyü penyüshalei om noshi jom shaaptükhen. Jomei lemthü neyeiyapü nangkü dipü, hatü mahpüchahpü koei peihen.

JEREMIAH 17:23

Shejao jomi ha nebang hatü mong neshuoh; jomphong ngaümchong haüshi hatü ngei nyuhpüvenpü kü jomi nebangpeih.

JEREMIAH 44:10

Shinnyih thahshi jom nyingi maanpü nelei nevaijü dhüm nehunyu, nevaijü ngei am hatü ambü ampa mü tuhpü ngelei shahkung hatü vanglem kü nemünyu.

AMOS 4:8

Hanangkü jila nyi jem kübü jila hükei yung yemei longtei, shejao yungle meishi yinghen nedang, hapaiyao am ngei touei mong nelep shei Shembüpai enyüke.

AMOS 4:9

Ngei ammei pe hatü nyalingngupai kahthü chami jütükteke; shoukhanbaongi ammei adhapü, hatü olive püthü hahtükteke, shejao am ngei touei mong nelep shei Shembüpai enyüke.

AMOS 4:10

Ngei Ijip am kü shompükei am kü cham shom, ngei ammei nethethü vehok kü jütük, hatü koyeithü yah-ei lüdai; Ammei shemei mahngshie ngü püpai ammei shongsha mahü, shejao am ngei touei mong nelep shei Shembüpai enyüke.

AMOS 4:11

Ngei Sodom hatü Gomorrah mahtükpükei, ngei am hanei mahtük. Amü awbhaong leipü leppü awjung kei nyuteke, shejao am ngei touei mong nelep shei Shembüpai enyüke.