JEREMIAH 5:22 - DAÜLANGPÜ LAIHING (BSI)

²² Ngei kü nenyemnyu je? shei Shembüpai enyüke. Nüngi ngei touei nekheünyu je? Ngei yungching kü viongü bhih moni kungtü tuhpeih; lenei neheihhen mü denshing viong lingpeih; yungmoki yung lemei heihjao hapai neaoknyu; jom ngüngjao jomi ha peih-ei neheih-aoknyu.

JEREMIAH 5:22 Referans Kwoze

MENVIH KESHO 104:9

Jomi shao kahdoknyü kü nejümhen, hatü ha lenei neheihhen shingvaishi nüngi viong lingei shuoh.

JOB SHAHSHA APPÜ 26:10

Büpai yungching shangkü viong lingei vangnyak hi vangngai baong hannyüke.

KANDOK 8:29

Mechem yungching yungthü kü büpai epü viong mü lenei neaonghen ngeükhüam shuohpa; hatü mechem büpai kahdoknyü chongnyiam lingpa, ngei nyuhampeih.

MENVIH KESHO 119:120

Nüng kü nyempai ngelei büm kheünyüke, hatü ngei nüngei shahphenpü kü nyemnyeih.

SHAHKÜP 28:58

Amphongi hapa laitap kü nyangei nyupü shahkungthü kenhingei nemüjema, hatü müknyinshekhangpü hatü nyempühanpü Shembüpa, ammei Kahvangei men kü dhüm neshuohjema,

NAHUM 1:4

Büpai yungching kü lohnyeih, hatü ha ütüknyeih; büpai yungnyüthü ütüknyeih. Bashan hatü Karmel leipü kahthü vantüknyeih, hatü Lebanon chüthü kautüknyeih.

JEREMIAH 10:7

Üpai nüng kü dhüm neshuohhenang, Oh jatthü kü ongpa? Hapayü nüng kü shuohhen shangpü dhüm. Jatthü kü nahpülangpüthü peü khongkü, hatü ongchingthü peü khongkü nüng kei üpayao neshiü.

MARK 4:39

Büpa paoei vanglük kü loh, hatü yungching kü, “Nendaituh” shei e. Hahepak kü vanglük dohdai hatü peü nendai.

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

AMOS 9:6

Shembüpai büpa nyushing vangshothü kü lingnyeih, hatü chongnyiam shing kahdoknyü kü lingnyeih. Büpai yungching yung kü nyüknyeih, hatü kahdok shak kü langnyüpeih, Shembüpayü büpalei men nyüke.

MENVIH KESHO 99:1

Shembüpayü ongpa, nanglakthüi kheütuh! Büpa cherubim ong uoshingei uoshi nyüke; kahdoknyü jentuh.

MENVIH KESHO 33:7

Büpai dük kü shihpükei yungching yungthü thailangnyeih; büpai yungching ilangmong tuhshingei tuhlangnyeih.

MATHI 10:28

Üami büm mon jütü laangha nejüaok, hathü kü tenyem, shejao üpai laangha hatü büm nyiphen molo aw kü mahtükaok, büpa kü nyemtuh.

ISAIAH 50:2

Ngei leishingkü mehekei hükao nenyupa? Ngei nyükshingkü mehekei üpaiyao nejangpa? Am angei leihen ngelei lak shohdaipü je? Nevaijü am yanghen ngei wong neshiüpü je? Loh mon lohjü ngei yungchingao jeptüknyeih, ngei yungnyüthü bhih kahdok leitüknyeih; Haleipü nyahthü yung neshiüi, hatü yung lepai dinyüpeih.

LUK SHAHSHA APPÜ 12:5

Shejao üpa kü nyemhen, ha ngei shahvüng shuohnyeih: Üpai jüpheikü molo awlei deishihhen wong nyu, büpa kü nyemtuh. Hih, ngei am kü enyeih, büpa kü nyemtuh!

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

KAHBHAO 1:9

Hapheikü Kahvangi, “Vangshang phang kübü yungthü shing hükei thaidaituh, hatü kahvan vamtuh” shei e, hatü ha vam.

JOB SHAHSHA APPÜ 38:8

nevaijü yungchingthü vom mong leipü bhaoei vamshingkü üpai sha küptü tuhpa?

MENVIH KESHO 46:3

yungching ngüngei yung-op vamjao, kahshangthü jenei bhaokeibhidaijao jen nenyemhen.

ISAIAH 64:2

Pü kü aw bah-ei yungdük laukpükei, nüngei men vepathü kü nyinghühen, hatü nüng touei jatthü kheühühen shingvaishi nüng yiükei!

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

AMOS 4:12

Hanangkü, Oh Israel am, ngei am hanghihühen, hatü ngei am kü hapakei dükhen vaipü nangkü ammei Kahvang mü pongteihen temtuh, Oh Israel!

1 ONGPATHÜ 13:28

Büpa heihjashingkü gadu hatü mailang nyi tou mü mahng shükshi chongjateke. Mailangi mahngao nehah, gadu kao neshüki nyu.

JOB SHAHSHA APPÜ 37:24

Hanangkü hangkui büpa kü nyemnyeih; üpalei mongkü ngei peü nyingnyeih shei deihnya, büpai henüng kü ieyeilemei nenyu.

JEREMIAH 31:35

Üpai nyihnüng vangngai shingvaishi vanghe, hatü yanüng vangngai shuohhen nangkü lennyü hatü lithathü kü shahkung shuohnya, yungching yungmok ngeü vamhen mü üpai yungching pheühünya, ha Shembüpai hapakei enyüke: Jeiyong Shembüpayü büpalei men:

JONAH 1:16

Hathü shennyakthüi nyeinya Shembüpa kü nyem, hatü jomi Shembüpa kü jakpü moila shuoh, hatü vangeishuwteke.