JEREMIAH 5:21 - DAÜLANGPÜ LAIHING (BSI)

²¹ Oh ngapa hatü sholi neshiüpü nanglakthü; am kü mük nyüke, shejao ne-eenyu; am kü dhaong nyüke, shejao nedannyu.

JEREMIAH 5:21 Referans Kwoze

EZEKIEL 12:2

Shennyak ha, nüngü dokteikhaungkheipü nanglak chi kü nyunyüke. Jom kü veihen mük nyüke, shejao ne-eenyu; banghen dhaong nyüke shejao nedannyu.

PHONGSHANTHÜ DOU 28:26

“Hapa nanglakthü touei daiyei etuh: Ammi banghen shejao nedanaokhen, hatü ammi veihen shejao ne-eehen.

ROM SHAHSHA APPÜ 11:8

Hapa nyangei nyüke: “Kahvangi jomphong kü vaükpü laangha, ne-eehen mük, nedanhen dhaong shinnyih thahshi shuohtük.”

JOHAN 12:40

“Büpai jomei mük phüngtük, hatü jomei mong vaantük, hanangkü jomei müki neveiaok, hatü jomei mongi nenyingaoki lepdai– hatü ngei jom meitükhen.”

JEREMIAH 4:22

Ngelei nanglakthüyü ngapathü khih; jomi ngei nenyingnyu. Jomü sholi neshiüpü hashihthü; jom kü danaokpü neshiü. Jomü ten dükhen longi manpüthü, shejao mei dükhen nenyingnyu.

MARK 8:18

Amphongü mük kohtü ne-eeaoknyu je? Dhaong tuhtü nedanaoknyu je? Amphong kü nedeihkünyu je?

JEREMIAH 8:7

Yungou-i dangkao mechem om leihen nyingnyüpeih, athuba, khihmang ouha, hatü ouhathüi om leihen nyingnyüpeih, shejao ngelei nanglakthüi Shembüpalei vanglem nenyingnyu.

JEREMIAH 5:4

Hahepak kü ngei, “Hathüyü taopathü, jomphong kü sholi neshiü; mehenangkü jomi Shembüpalei lem, hatü Kahvangei shahkung nenying.

ISAIAH 44:18

Hapa keipü shennyakthüi hapa nenyingnyu, nevaijü nedannyu; jomei mük phüngdaipü nangkü jomi ha ne-eenyu, hatü jomei mongdang küplangpü nangkü jomi ha nedanaoknyu.

MENVIH KESHO 94:8

Hangku khongkü sholi neshiüpüthü ha nyingtuh; am mechem kon koh-ei leihen Oh ngapathü.

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

KANDOK 17:16

Ngapa hüki kihikon nyinghen mong neshiüshiüi, hapa shakhen lop noshi longteipü kü mehe nangleinyüpa?

SHAHKÜP 32:6

Ammi Shembüpa kü hapa keiha düknyu je? Oh ngapa, hatü sholi neshiüpü nanglakthü. Büpayü ammei pa hatü am lingbü nevaipü je?

SHAHKÜP 29:4

Shejao shinnyih thahshi Shembüpai am kü danaokhen mongdang, eehen mük hatü danhen dhaong mangshuoh.

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

JEREMIAH 10:8

Jom peü sholi neshiüpü ngapathü; jom keyü yahlak neshiüpü pü lajeithüi nyuhpeih.

MARK 4:12

shejüang jomi veihen shejao ne-eehen, banghen shejao nedanaokhen; hei nevaijema jom Kahvang philei lephen hatü mang tükpü danghen” shei e.

ROM SHAHSHA APPÜ 1:20

Kahvangi kahdoknyü linghinüng müki ne-eeaokjao büpalei nedohnetenpü ngan hatü Kahvang nyingnyoi büpai lingpü douthü homei lekei nyingteke hatü eeteke. Hanangkü ha shennyakthü shingvaishi yanglem neshiü;

ISAIAH 43:8

Nanglakthü üam mük nyu, shejao mük phüngdai, üam kü dhaong nyu, shejao aangdai hathü leituh.

JEREMIAH 5:20

Hapayü Israel am phang kü eyeishuoh, hapa Judah am kü baongeishuoh.

JEREMIAH 6:10

Jomi danhen ngei üpa kü ehen, hatü shahvüng shuohhen? Veituh, jomei dhaong dhühlang, jomi nedanaoknyu. Jom kü Shembüpalei shah-ü nyipüwapü dou keiha leidai; jomi ha kü mongong neshiü.

ZEKHARIAH 7:11

Shejao jomi ha kü mong neshuoh; ngaümphei lepdai hatü dhaong neno.

SHAHKÜP 29:3

Shembüpai nyembenüng cham, yashanyale hatü thamapü dou longi dükshuohpü ammei müki eeteke.

JEREMIAH 7:13

Shaang, ammi hathü dou peü dükpü nangkü, shei Shembüpai enyüke, hatü ngei nedoh-i am kü eteke, shejao ammi ha nebang; mechem ngei am kü nyük, ammi nejangpeih;