JEREMIAH 5:17 - DAÜLANGPÜ LAIHING (BSI)

¹⁷ Jomi ammei hah hatü hahying hahtükhen, jomi ammei hahimoithü jütükhen; jomi ammei yemhimakthü hahtükhen; jomi ammei nyalingngupai, hatü adhajük hahtükhen. Ammi mongnyangpü penyü showtükpü chingnyü jomei yani mangtükhen.

JEREMIAH 5:17 Referans Kwoze

SHAHKÜP 28:33

Ammi nenyingpü shennyaki ammei kahdok kü ammei laki ngaihahpü peü hahtükhen; ammi meheyao nedanghen shejao den kemei hanghi danghen.

LEVI 26:16

ngei am kü hapakei dükhen: Ngei am kü nyempühanpü, nemeiaokbenüng dinten, pheühileü homei mükhina tenei yangnyu lomohhen koei peikahen; ammi sheipü sheili angsha vaitükhen; mehenangkü ammei vepathüi hapa hahtükhen.

ZEPHANIAH 3:6

Shembüpai enyüke, ngei jatthü peü mahtükkemtepih, jomei veyomdü bentükkemtepih. Üpaiyao nekamteihen mü ngei jomei chingyangshong vüngtüktih; Hangkuli chingchingei nenyuhen mü ngei jomei chingnyüthü vüngmaki yaktüktih.

HOSEA 8:14

Israel ami jom Lingbü betüktü ongshemthü veteke; hatü Judah ami jilathü kü pe showteke; Shejao ngei jomei chingnyüthü kü aw shomhen, hatü jomei penyüsha hahtükhen.

EZEKIEL 36:4

Hanangkü Oh Israel kahshangthü, Shembüpa Kahvangei ngeü bangtuh: Am shinei nyupü jatthüi mophimo yahlangtü ne-ienelemi lavüngtoiyei yakphongpü kahshang, kahji, shanghishong, shohinga, lavüngtoiyei yakphongpü shinghiphei hatü jilathü kü Shembüpa Kahvangi ha enyüke.

YOUNG LAI 2:2

Shembüpai phahji neshiüi Jakob nyushingao mangtük; Büpa mongshihpai Judah nelalei penyüsha-ao bentük. Büpai ongching hatü halei vanglem lempüthü dhüm neshiüi chongei vütük.

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

JEREMIAH 50:7

Üami jom heü, hathüi jom lühtükpeih; jomei vepathüi, “Hami pungpü nevai; mehenangkü jomü Shembüpa, hingshangpü jomei phenni, jomei bühipai monglempü Shembüpa khüei mang thahpeih” shei eteke.

JEREMIAH 8:16

Danlei koyeithü hekpü ngeü dannyüke; koyei chebaongthü ngoiküpü danei kahdok kemei jennyüke. Jom peiyei kahdok hatü halei nyupü peü, chingnyü hatü halei nyupüthü lühtüknyüke.

JEREMIAH 4:26

Ngei veishingkü kahcheü kohpü kahdokü bhih kahdok leidaitü nyuteke; Shembüpa touei, büpa mongshihpü touei haleipü chingnyüthü kemei bentüktü nyuteke.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

JEREMIAH 1:15

Shaang ngei apshaphi leipü ongching jatthü peü kü nyüknyüpeih shei Shembüpai enyüke, hatü jom peü peiyei Jerusalem penyüshalei jomei ong uoshing linghen, hatü Judah kü shinpü bhamthü hatü chingnyüthü peü khüei yaonghen.

ISAIAH 65:22

Hajük kü jomi vepü shem kü mih nenyuhen, nevaijü jomi sheipü mih-i nehahhen. Pü hükei den lupü keiha ngelei nanglakthü yangnyu shoshoshi nyuhen.

ISAIAH 62:9

Shejao üami vethahnya, hayü jomi hahhen, hatü Shembüpalei men longhen, Üami nyalingngupai vaümhahnya, hapayü ngelei Phopshem chingshelei jomi ha yinghen” shei lahteke.

ISAIAH 62:8

Shembüpai laophülei lakdah-i, hatü büpalei laklu wong longpai, “Hajük kü ammei mop ammei vepathü kü neshuohpih, ammi nyiueinangei linghahpü yiüja hajük kü kung am kü neshuohpih.

JEREMIAH 5:18

Shejao hathü nyih kü dangkao ngei chemjalak kü payü nedohtükhen shei Shembüpai enyüke.

JEREMIAH 8:13

Nyalingngupai vaümpükei ngei jom thaiyei leilanghüei deihpeih, shejao nyalingngupai kü betjük neshiü, nevaijü adhapü kü adhajük neshiü; lak dangkao kaudaitü nyu; hanangkü ngei mehe jom kü shuoh, hayü jom leipü yahlangpeih.

JEREMIAH 25:37

Shembüpai mongshihpü nangkü veinyuhüpü shingthü lavüngtoiyei leitükhen.

YOUNG LAI 2:12

Jomi chenyünyü am kü, “Hahying melei danghenang?” shei phenyüke. Jomi chingyangshongei ma yahpü shennyak keiha shomeiyingnyüke, hatü nyüei lakei paümshi didainyüke.

HOSEA 2:12

“Ngelei maithüi yahphopeih shei pinnyüi epü nyalingngupai kah, hatü adhapüthü peü ngei mahtükhen, hatü ha phaükong leitükhen, hatü phaüyemthüi hahtükhen.

MALAKI 1:4

Edom ami, “Hamü ngümei mangtükjao shao lingei leihen” shei ejema, Shembüpa Kahvangi hapakei enyüke: “Jomi linghen aok, shejao ngei ha bentükhen. Jom kü mang kahdok, Shembüpalei mongshih phangkü nyupü nanglakthü shei nyükhen.

JOEL 2:3

Awi kei jomi pühivung hahtüknyüke; Jom pheilei awlom bahnyüke, jomei shesha philei kahdokü Eden pe kei nyüke; Jomei ngaümpheilei kahdokü kongmü meheyao ne-aoi hahtükteke.