JEREMIAH 5:15 - DAÜLANGPÜ LAIHING (BSI)

¹⁵ Ngei am touei tailu leipü jat hük müei leikahen, Oh Israel am phang shei Shembüpai enyüke. Hapayü aivang mebü nyupü jat hük; ammi jomei shah nedan nevaijü jomi mehe enya ha ami nedanaokhen.

JEREMIAH 5:15 Referans Kwoze

SHAHKÜP 28:49

Shembüpai am khüei tailu leipü shah nenyingteipü jat hük alang laongpükei shomphahen.

JEREMIAH 4:16

“Jom halei nyüke!” shei jatthü kü etuh; Shümei yahhen am tailu kahdok leipü peikünyüke shei Jerusalem kü baongeishuoh; jomü Judah chingnyüthü khüei lennyüke.

ISAIAH 33:19

Ammi hajük kü hapa changmeipü shennyakthü; ammi nedanaokbenüng shah epüthü, hatü yepei neaokbenüng shah ükei epüthü ne-eehen.

ISAIAH 28:11

Ammi nebangjema mih-ei shah mü, nenyingpü shahlemi Kahvangi laophülei nanglakthü kü ehen.

ISAIAH 5:26

Büpai tailu leipü jatthü kü khüamlung annyüke, büpai kahdoknyü dohpülei nyupüthü kü nyüknyüke, hatü hatouei jomphong shülangi peinyüke.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 1:15

Shaang ngei apshaphi leipü ongching jatthü peü kü nyüknyüpeih shei Shembüpai enyüke, hatü jom peü peiyei Jerusalem penyüshalei jomei ong uoshing linghen, hatü Judah kü shinpü bhamthü hatü chingnyüthü peü khüei yaonghen.

1 KORINT 14:21

Shahkungnyü kü ha nyangei nyüke: “Nenyingpü shah epü nanglakthü homei, hatü kung amei ju homei, ngei hapa nanglakthü kü ehen; shejao jomi ngei epü kü nebanghen.” shei Shembüpai enyüke.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

JEREMIAH 9:26

Hathüyü Ijip, Judah, Edom, Ammon, Moab hatü jomei sho shohloh-i jappüthü peü. Mehenangkü bhih kahdokei nyupü jatthü peü, hatü Israel am kemei jomei mongdang shuw nejapi nyüke.

JEREMIAH 6:22

Shembüpai hapakei enyüke: Veituh, apshaphi kahdok leipü shennyakthü peikünyüke; tailu kahdok leipü longpü jat hük layaongkünyüke.

JEREMIAH 5:11

Mehenangkü Israel hatü Judah am phangü ngei kü lanshei hingnelem shei Shembüpai enyüke.

JEREMIAH 2:26

Gühpai güh yephahjü veüpü keiha, Israel amao jomei ongthü, lakchongbüthü, jomei ngongpa hatü thibüthü peü veühen.

ISAIAH 29:6

Jeiyong Shembüpai vangmuk vangteng mü pedi vükei ngeü longpü mü, hatü alüngleple, yinglükpalei, hatü laiyeilungei hahpü awlom keiha am thümhen.

ISAIAH 29:3

Ngei nüng khüei baümtap shinei vehen; Ngei nüng shonei shangdü linghen hatü nüng shümlanghen.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

DANIEL 7:7

Hapheikü yanüng ngei manghkhang kü alipabü yemha hük, nyemshi hatü hanshi, longi wong kohshi ee. Hapa kü nyiambha longpü shiüteke, hatü hapai khih mü shaaitü lühtük shejao aopüthü peü la-i shouptükei ee. Shelei eepü yemhathü peü mü hapa hayaoha shiüteke, hatü hapa kü vaung an kohshi shiüteke.

KAHBHAO 11:7

Kei, jen yiüei hüki epü hüki nedanhen mü jomei shah buktükshah” shei e.

SHAHKÜP 28:33

Ammi nenyingpü shennyaki ammei kahdok kü ammei laki ngaihahpü peü hahtükhen; ammi meheyao nedanghen shejao den kemei hanghi danghen.

MENVIH KESHO 81:5

Büpai Ijip hahnüng daishingkü büpai Joseph kü hayü shahkung kei shuohpeih. Ngei nenyingpü shah hük ngei danpeih:

ISAIAH 39:3

Hapheikü Isaiah thibüi Hezekiah ongpa touei peiyei, “Hathü shennyakthüi mehe ephopa hatü jomphong meleipü peiküpa?” shei phe. Hezekiah-i, “Jomphongü tailu kahdok Babylon leipü ngei yemei peiküpü khih” shei e.

DANIEL 1:4

Jomü nethe meipü, büm kü eela neshiüpü, sholi meipü, nyingpü shennyak, lomi shouk yao-aokpü, hatü ong uoshingei chongpho aokshampü jehen eteke. Ashpenaz-i jomphong kü Babylon amei laiyung hatü shah nyuhhen eshuohteke.

AMOS 6:14

Mehenangkü Shembüpa Kahvangi enyüke, “Oh Israel nanglakthü, ngei am khüei jat hük vamhühen. Jomi am kü Lebo-Hamath kübü Arabah kahji thahshi shüveihen.”

HABAKKUK 3:16

Ngei ha danei ngelei mong kheü; hapa ngeü kü ngelei shahvang nenteke. Ngelei vang mongei sheyei shüteke, hatü ngelei lashüh nenteke. Shejao ham kü nemeipü am kü hanghi peipü nyihhihe kü veihen ngei nenteiaokei danshah.