JEREMIAH 5:12 - DAÜLANGPÜ LAIHING (BSI)

¹² Jomi Shembüpa nang shahshem eteke, hatü, ‘Büpai meheyao nedükphapih. Jen kü mehe tenao nepeiküpih; münghishaü, hokpüheipü meheyao ne-eepih’ ” shei eteke.

JEREMIAH 5:12 Referans Kwoze

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

1 SAMUEL 6:9

shejao ammi ha kü veishi nyutuh. Hapa laophü nyingi laophülei kahdok yemei Beth-Shemesh lemei leidaiphüjema, jen kü shanghah shuohpeyü Israel Kahvang khih shei nyinghen; shejao hapakei nevaijema, jen kü shanghah shuohpeyü büpa nevai, shejao hapayü jen kü hei-üng ngangahük kü peipü shanghah shei nyinghen” shei e.

SHAHKÜP 29:19

Shinnyih hamü omei nyupü üpaiyao hapa lappü dantüktü laophülei mong vaanei, ngei mongpü lem kü longteijao meihen shei tedeih. Hapai am nemeipü hatü meipü peü aihük mü lomohhen.

1 JOHAN 5:10

Üami Kahvang Ha kü hinglem jomei mongdangei denpü nyüpeih. Üpai Kahvang kü hingnelem, Kahvangi laophülei Ha nangkü denpü shuohpü kü hingnelempai büpa shahshem leitükteke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

EZEKIEL 13:6

Jomei manghkhangü nejiü, hatü jom tetpüvanpü kemei shahshem. Shembüpai jom neshomshomi, “Shembüpai hapakei enyüke” shei enyüke hatü jomi epü nyemjiüja shei deihnyüke.

JEREMIAH 28:4

Shao ngei Babylon wüpküpei daipü Jehoiakimei cheha, Judah ongpa Jehoiakin hatü nanglakthü peü hapa shingei müei leihen; mehenangkü ngei Babylon ongpalei pang mangtükhen’ shei Shembüpai enyüke.”

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

JEREMIAH 4:10

Hahepak kü ngei, “Ah, Shembüpa Kahvang, üng kü yani jeshi tuhtü, ‘Am shingvaishiyü meishasha hih’ shei eshi mekei etü nüngi hapa nanglak hatü Jerusalem lueilemtüknya” shei e.

MENVIH KESHO 10:6

Büpai laophü nyingi, “Mepaiyao ngei nejenlenhühen; Ngei düngei mongongshi shanghah mechemao nepongi nyuhen” shei enyeih.

KANDOK 30:9

Hei nevaijema, ngei longi anghen, hatü nüng yakphonghen khih, hatü “Shembüpayü üpaang?” shei ehen, nevaijü ngei taoei tuhjema ngei gühhen hatü ngelei Kahvangei men dhüm neshiüi leitükhen khih.

JEREMIAH 14:22

Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.

JEREMIAH 43:1

Mechem Shembüpai nanglakthü kü etuh shei büpa shompü Shembüpa, jomei Kahvangei shahthü lemphü Jeremiah-i eyei kempa,

MENVIH KESHO 14:1

Ngapathüi jomei mongei, Kahvang neshiüpih” shei enyeih. Jomü yahlak neshiüi tendai, jomi jiühitnalai douthü düknyüke; mei dükpü üpayao neshiü.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

JEREMIAH 6:14

Jomi ngelei nanglakthülei makaw kü wongshi neshiüpükei deihshi shaphongnyüke; Meishi neshiüshiüi “meishi nyüke” shei enyüke.