JEREMIAH 5:11 - DAÜLANGPÜ LAIHING (BSI)

¹¹ Mehenangkü Israel hatü Judah am phangü ngei kü lanshei hingnelem shei Shembüpai enyüke.

JEREMIAH 5:11 Referans Kwoze

JEREMIAH 3:20

Shejao laophülei baha touei shahhing ne-epü nyüha keiha, nüngi ngei touei hingshangi nenyupeih, Oh Israel am phang shei Shembüpai enyüke.

ISAIAH 48:8

Ammi chemao mangdan, nevaijü mangnying, shelei mebü ammei dhaong kü ha neshü. Am meshük lueilemnya, ha ngei meishi nyingei nyüpeih; Hanangkü am keyü bühhinüng khüei yaongpüam shei nyüknyeih.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

HOSEA 5:7

Jomi Shembüpa kü hingnelem; jomi shonghathü longi bühnyüke, Shaang jomei lenja mo homei jom mü jomei kahthüao omshi mahtükhen.

ISAIAH 24:16

Kahdoknyü dohpü phileipü “Daülangpü Hük kü müknyinshekhangtuh” shei lokpü hami dannyüke. Shejao, “Ngeiyü jaangteke! ngeiyü jaangteke! Ngeiyü onyükei! Ühingnakaipüthüi ngei yuhahteke!” shei ngei eteke.

JEREMIAH 5:10

Pinnyülei nyalingngupai kahlei aongei hathü mangtüktuh, shejao peü payü temangtük; kaothü kemei louhtüktuh; mehenangkü hathüyü Shembüpalei nevai.

JEREMIAH 9:2

Oh ngei paoh bhih kahdokei yendai am paümhen shing nyulangmeyü, ngei ngelei nanglakthü tuhphongtü lüdaihah shepeih. Jom peü mükbungjuyungpüthü, hatü peileipüthü mon nyüke.

JEREMIAH 12:1

Oh Shembüpa, ngei paoh nüng khüei ngelei nang shah deikülangmeyü, nüng-üng jiüshi chongkahen. Shejao nüng touei shahhing nang shah pheshah. Mehekei mangthüang daeishehünya? Mehekei shahhing ne-epüthü aokpü danghünya?