JEREMIAH 5:10 - DAÜLANGPÜ LAIHING (BSI)

¹⁰ Pinnyülei nyalingngupai kahlei aongei hathü mangtüktuh, shejao peü payü temangtük; kaothü kemei louhtüktuh; mehenangkü hathüyü Shembüpalei nevai.

JEREMIAH 5:10 Referans Kwoze

JEREMIAH 4:27

Shembüpai hapa enyüke: “Ngei hapa chemjalak kü nemangjao, hapa kahdok kemei lavüngtoiyei leihen.”

MATHI 22:7

Ongpa mongshih. Büpai veshanthü shomei shennyak jüpüthü jütük, hatü jomei chingnyü awi haptük.

HOSEA 1:9

Shembüpai Hosea kü, “Büpa kü Lo-Ammi shei mentuh; mehenangkü Israel amü ngelei nanglak nevai, hatü ngei jomei Kahvang nevai” shei e.

JEREMIAH 39:8

Babylon ami ongshem hatü nanglakthülei shem awi haptük hatü Jerusalem bham bentük.

AMOS 9:8

Hingmei, Shembüpalei müki nemeipü Israel ongching kü veishi nyüke, hatü jom kahdok shak kübü mahtükhen, shejao Jakob am phang chemjalak kü nemahtükhen, shei Shembüpai enyüke.

EZEKIEL 14:17

Nevaijü ngei hapa kahmük kü yanlu yah-ei peiyei hapa kahmük yani mahhütuh shei ejü haleipü shennyakthü hatü yemhimakthü kemei mahshingkü,

EZEKIEL 12:16

Shejao jom daipü jatthü kü jomi dükpü jiühitpü douthü jung ejahen shingvaishi ngei jom hanei yanlu, shaühile hatü chamhilem kübü yangei tuhhen. Shejüang jomi ngeiyü Shembüpa shei nyinghen.

JEREMIAH 46:28

Nüng tenyem, Oh Jakob, ngelei chongphobü; mehenangkü ngei nüng mü nyüpeih shei Shembüpai enyüke. Am yaneipanei nyupü jatthü peü mahtükjao, ngei am chemjalak kü nemahtükpih. Ngei am kü dhaong kü shükhen, shejao shahhingi dükhen. Ngei am chemjalak kü nehanghi-i payü nepeihhüpih.

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 5:18

Shejao hathü nyih kü dangkao ngei chemjalak kü payü nedohtükhen shei Shembüpai enyüke.

2 SHÜPPÜKENGPÜ 36:17

Hanangkü büpai jom khüei Babylon ongpa vamhü, hatü büpai jomei daülangpü shemei thehila yani mahhü; hatü büpai nephahji-i thehila, viüdaipüthü nevaijü nekam neyaongaokpüthü peü büpalei lak kü shuoh.

JEREMIAH 5:9

Henüng keipü douthü kü ngei jom kü hanghi neshuohhen je? shei Shembüpai enyüke. Henüng jatli kü ngei bhüh neyemhen je?

JEREMIAH 5:11

Mehenangkü Israel hatü Judah am phangü ngei kü lanshei hingnelem shei Shembüpai enyüke.

2 SHÜPPÜKENGPÜ 12:4

Büpai penyü showtükpü Judah chingnyüthü hahtü Jerusalem thahshi pei.

JEREMIAH 2:21

Shejao peü mü meipü li shei yah-ei ngei amü peü mü meipü nyalingngupai kei sheiphongpeih. Shejema mekei etü am tenei phaü nyalingngupai leidaipa?