JEREMIAH 5:1 - DAÜLANGPÜ LAIHING (BSI)

¹ Jerusalem nanglakthü, ammei chingyangshong kü longteihümao; Shinei veituh, hatü deihhümao, shoukhinuk peü kü yemhümao. Hingshangi nyupü hatü shahhing yempü shennyak hük dangkao dangjema, ngei hapa chingnyü kü mang tükhen.

JEREMIAH 5:1 Referans Kwoze

EZEKIEL 22:30

Ngei hapa kahdok nemangtükhen shingvaishi hapa kahdokei men kü mangdaipü bham baongei yaonghen nangkü ngei shennyak hanei yemteke shejao hükao nedang.

2 SHÜPPÜKENGPÜ 16:9

Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.

ISAIAH 59:4

Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.

MENVIH KESHO 14:3

Jom peü lemnyong kü lüdai; jom peü nyongnyongi leidai; mei dükpü üpayao neshiü; hükao neshiü.

KANDOK 20:6

Longshi shingi ngei shahhing enyeih shei enyüke, shejao hinglemhen mü üpa dangaokhen?

MENVIH KESHO 12:1

Sheühshih, Oh Shembüpa Kahvang, Kahvang nyingpü shennyak hükao neshiüang; hangkuli khongkü hinglempü mahdaiteke.

2 THESALONIKA 2:10

hatü ten lemphü yah-ei mahdaihen nyupüthü kü lueilemhen; mehenangkü jomi shahhing kü bamhen nemong hatü yemleipü yaktük.

LUK SHAHSHA APPÜ 14:21

Hanangkü chongphobü nyokei leiyei shembü kü ha shahom aokteke. Hahepak kü shem shembüi mongshih-ei büpa chongphobü kü, ‘Chingshong hatü lemnyüshong peüei daituh, hatü haleipü taopathü, lakkholano, mükphüngpathü müei leikei’ ” shei e.

ZEKHARIAH 2:4

hatü büpa kü e, “Moktuh, hatü antepa nethepa kü etuh: Jerusalem kü nyupü shennyak hatü yemhimak longi ahdaipü nangkü penyü neshowpü chingnyü hük keiha nyukahen.

AMOS 8:12

Shennyakthüi yungching kübü yungching dohpü ngoishi; hatü heong kübü heshü ngoishi Kahvang shah yemei longteihen, shejao jomi ha nedangpih.

JOEL 2:9

Jomi chingnyülei mokei shünyüke; jomi penyüsha benei shünyüke; Jomi shemthü kü bakei aongtü, ümha shaden kü gühpa kei bakei shünyüke.

DANIEL 12:4

Shejao nüng, Daniel, dohpü hepak mangngoi thahshi hapa lai küptüktuh hatü füoshang shingtüktuh. Longshi shingi hamebü hammü shei mehe vamnya ha nyinghüei longteihen.

SOLOMONEI KESHO 3:2

Ngei shaang paoei chingnyülei daihen, Chingshong, shokhivaung kemeilei ngelei laanghai bampüba yemhen. Ngei büpa yempeih shejao büpa nedang.

KANDOK 23:23

Shahhing shaklangtuh, hatü hapa teyutük; Kihikon, nyingpühingpü, hatü danaokpü kon shaklangtuh.

KANDOK 8:3

Chingnyülei shüpü penyüsha, hatü shadenei pinnyü yaongtü lennyüke:

1 ONGPATHÜ 19:10

Büpai jangei, “Ngeiyü Shembüpa, Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük; nüngei moidüthü benei yaktük, hatü nüngei thibüthü peü jütük, shaangü ngei mon aopü khih, hatü shaang jomi ngeiyao jütüknüng yemnyüke” shei e.

JEREMIAH 2:29

Mehekei ammi ngei khüei eelanya? Ammi ngei khüei yaongteke, shei Shembüpai enyüke.

JEREMIAH 44:15

Hahepak kü laophülei shembünyüi lebü kahvang kü ayingshü jakei khümtepih shei nyingpü bahathü hatü halei ompü nyühathü, thaipü khong, Ijip kahdok Pathroslei nyupü nanglak peüi Jeremiah kü jangei e,

MENVIH KESHO 14:2

Shembüpai vangsho leipü hangku kü kon kohpü, hatü Kahvang yempü üpayao nyüla shei veinyüpeih.

MENVIH KESHO 94:16

Nemeipüthü khüei ngei khüambakei üpa yaonghen? Ten dükpüthü khüei ngeikü sheüh-ei üpa yaonghen?

JEREMIAH 8:6

Ngei jom kü lihen hatü banghen etepih, shejao jomi jiüshi ne-enyu; “Ngei mehe ten dükpa?” shei üpayao mong lepei neleinyu. Koyei vehokei mokpükei jom peü laophülei lem kü dainyüke.

JEREMIAH 9:2

Oh ngei paoh bhih kahdokei yendai am paümhen shing nyulangmeyü, ngei ngelei nanglakthü tuhphongtü lüdaihah shepeih. Jom peü mükbungjuyungpüthü, hatü peileipüthü mon nyüke.

JEREMIAH 9:7

Hanangkü Jeiyong Shembüpai hapakei enyüke: Ngei shaang jom dokei veihen, ngelei mang nanglakthü kü ngei mehe dükhenang?

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.