JEREMIAH 49:22 - DAÜLANGPÜ LAIHING (BSI)

²² Veituh! Vepathü alang keiha yang paantü Bozrah kü laongei shükhen. Hapa nyih kü Bozrah amei veshanthülei mongü nyüha hük hapeü bühshingkü maanpükei maandaihen.

JEREMIAH 49:22 Referans Kwoze

HOSEA 8:1

Shembüpai enyüke, “Amit vüngtuh! Alang kei vepathü Shembüpalei phopshemei laongkünyüke; Mehenangkü ngelei nanglakthüi vangteipü mangtük, hatü ngelei shahkung khüei yaongteke.”

ISAIAH 13:8

Nyempai jomphong yeplanghen, thenshang mongtüngpai jom shümlanghen; nyühai moi paishingkü kei jom mongshanghen. Jom hüki hük mü nyemei veiteihen, veüpai dheyao awlom kei hakdaihen.

JEREMIAH 49:24

Damaska wong neshiüi leidaiteke, pinnyü nyaidainüng shei yaakdaiteke, hatü mongshangi pinnyü yeplangteke; hapeü bühhen nyüha hük tüngpükei nyüke.

JEREMIAH 30:6

Shaang haongshi deihhümao: Baha hüki hapeü büh-aokhen je? Shejema mehekei wong kohpü bahathü peü nyüha hük hapeü anghen tüngjü vom kü laki paümpükei nyunya, hatü mahngmük mahngshe kei haidaitü nyunya?

JEREMIAH 6:24

Hami jomei shahjang dantepih, hamei lak mahngdaiteke; mongshangi ham yeplangteke; nyüha hük hapeü angnüng tüngpükei ham shonglangteke.

JEREMIAH 4:13

Veituh! Büpa phum kei peikünyüke, büpalei koyei khari alüngleple kei; büpalei koyeithü alang mao shülangpüba peikünyüke– onyükei, jenü mahdainyu khih!

SHAHKÜP 28:49

Shembüpai am khüei tailu leipü shah nenyingteipü jat hük alang laongpükei shomphahen.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

DANIEL 7:4

Shongpü yemhayü mailang leshi shejao alang kü kei yang kohshi shiüteke. Ngei veishi nyushingkü yangthü bhagtük, hatü hangku kei la nyi-i kahdok leipü yaonghüteke, hatü hapa kü hangkulei thentoimongdang shuohteke.

JEREMIAH 22:23

Oh Lebanonlei nyupüthü, cedar püyingei jep lingtü nyupüthü, Mechem tüngpüyapü peihenshang, am meshük thephen? nyüha hük hapeü bühshingkü tüngpükei tüngkahen.

JEREMIAH 13:21

Nüngei küphü vaihen shingvaishi nyuhshuohpüthüi nüng neütüktü nüng shak kü vanglem lemküjü nüngiyao mehe deihhen? Nyüha hük hapeü angshingkü tüngpü keiha nüng kü netünghen je?

JEREMIAH 4:31

Nyüha hük aokvomi tüngjü vaüpükei, hatü hashongpa angshingkü theppükei, “Ngeiyü onyükei! vepa touei ngei mahdainyu khih!” shei lak haongshi, ngü duwshi Zion nela theppü dannyüke.

ISAIAH 26:17

Nyüha hüki büm nekongi naü bühhen hepak kü tüngpü nangkü vaüpü eepü keiha, hamao nüng touei hapakei nyupeih, Oh Shembüpa.

ISAIAH 21:3

Mehe ngei manghkhang kü ee, hatü dan, hapai ngei nyempai hatü tüngpai mahü, nyühai hapeü anghen tüngpükei tüngteke.

MENVIH KESHO 18:5

Mahngchong vü-i ngei kü ngeihteke; dipü aethitai ngei heüteke.

KANDOK 30:19

Phumshangei alang daipü lem, yaongshang kü biü kampü lem, yungching shangkü jahas daipü lem, hatü nyüha pheikü baha hük lüdaipü lem.

ISAIAH 11:14

Jiji yoteitü heshü philei Philistia am kü laongei shükhen; jiji chemi heongphi leipü shennyakthülei mophimo aetlanghen. Jijinyi-i Edom hatü Moab am kü lak shihhen, hatü Ammon ami jijilei shah banghen.

JEREMIAH 50:36

Shahshem thibüthü khüei yanlu hük peikünyüke! Jomphongü ngapa leidaihen. Veshanthü khüei yanlu hük peikünyüke! Jom nyempai mahen.

OBADIAH 1:9

Oh Teman, ammei veshanthü nyemhühen, hatü Esaulei kahshangthü leipü veshanthü jütükkemhen.

JEREMIAH 50:43

Babylon ongpai hapa shahjang danei büpalei lak juwdaiteke. Hapeü bühshingkü nyü hük tüngpükei büpa tüngnyüke.