JEREMIAH 49:12 - DAÜLANGPÜ LAIHING (BSI)

¹² Shembüpai hapakei enyüke: Üami hapa yungshong yinghen neshang, hathüiyao ha yinghen, mehekei am nehanghi-i nyuhenang? Am nehanghi-i nenyupih; ami ha yinghen vongbong.

JEREMIAH 49:12 Referans Kwoze

OBADIAH 1:16

Ngelei daülangpü Kahshangei, ngelei nanglakthüi shahyakpü yung yingteke. Shejao hapa mü nyeinya shahpü yungshong ngeihpü shonpü jatthüi yinghen hatü nyadaihen.

JEREMIAH 46:27

Nüng tenyem, Oh Jakob, ngelei chongphobü; Nüng mong telai, Oh Israel. Hingmei ngei am tailu kahdok leipü, hatü wüpküp kahdok leipü am hatü ammei hühihathü yanglanghen. Shao Jakob ne-yei chingmeivangmei hatü nyiushemmei kü nyuhen, üpaiyao büpa nenyemhühen.

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

JEREMIAH 25:15

Shembüpa, Israel Kahvangi ngei kü ha eteke: “Ngelei lak leipü ngei mongshihpü hapa yiüshong yahtuh, hatü ngei nüng üam jatthü touei shom, hathü kü ha yingeishuoh.

KANDOK 17:5

Üami taopathü kü yaüeilungnya, jomi hathü Lingbü kü yaünyüke; Üami mih lomohpü kü hüha shei deihnya, jom nehanghi-i nenyupih.

MATHI 20:22

Shejao Jisui, “Nüngi mehe yünya nüngi nenyingang. Ngei yinghen nyupü yungshong nüngi yingaokhen hiang?” shei jangei e. Jomphongi büpa kü, “Aokhen hih” shei e.