JEREMIAH 49:11 - DAÜLANGPÜ LAIHING (BSI)

¹¹ Nüngei hashihhathü tuhphongtuh, ngei hathü yemmü tuhhen; hatü ngei nüngei vaümnyüthü ngei kü hinglemhühen.”

JEREMIAH 49:11 Referans Kwoze

MENVIH KESHO 68:5

Hashihhathü kü pa, hatü vaümnyüthü kü khüambakpeyü Kahvang; büpalei daülangpü shingei nyüke.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

HOSEA 14:3

Assyria ami ham neyangaok; ham hajük kü vehok koyei kü ne-uohen; Hamei laki lingpü lajei kü, ‘Hamei kahvang’ shei hajük kü nenyükpih. Nüng kü hashihhathüi phahji dangnyüke.”

1 TIMOTI 5:5

Vaümnyü, üpa monha nyu, Kahvang kü monglemnyüke hatü nyakhingai thüngei yüpü hatü phoppü kü nedoh-i nyunyüke;

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

JONAH 4:11

Shejema, hajükjük longpü Nineveh chingnyü, nyonghidah nenyingpü hashihthü 120, 000 hatü yemhimakthü hajükjük nyupü kü ngei nephahjihen je?” shei eteke.

MENVIH KESHO 146:9

Shembüpai yenpathü kü veinyeih; büpai hashihha hatü vaümnyüthü kü khüambaknyeih, shejao nemeipü amei lem büpai lomohhünyeih.

MENVIH KESHO 82:3

Wong nekohpü hatü hashihhathü kü shahhing dükeishuoh; taopa hatü ponghahpüthü kü jiüpü dükeishuoh.

SHAHKÜP 10:18

Büpai hashihha hatü vaümnyü khüambaknyeih hatü lakeiloipü shennyakthü kü bamnyeih hatü jom kü hahying hatü ashakviha shuohnyüpeih.

ZEKHARIAH 7:10

Vaümnyü nevaijü hashihha, yenpa-oupa hatü taopa kü teshüvei. Ammei mongkü hüki hük khüei ten tedeih.