JEREMIAH 49:10 - DAÜLANGPÜ LAIHING (BSI)

¹⁰ Shejao ngei Esaü-ü bümbai tuhphongpeih, ngei büpalei doujo shakei ngaiyei tuhphongpeih, hatü büpai ha nejohah-aoki nyüke. Büpalei hühihathü jütükteke, büpalei shem am hatü chingyowthü mahtükteke, hatü büpa sheyü neshiü.

JEREMIAH 49:10 Referans Kwoze

ISAIAH 17:14

Om dhüjü nyempühanpü mon, dhom keyü jom neshiü. Hamei kahmük kübü mophimo aetpüthüyü hapakei ponghahhen.

ROM SHAHSHA APPÜ 9:13

Ha nyangei nyüke: “Ngei Jakob kü bampeih, shejao ngei Esau kü jiühitpeih.”

OBADIAH 1:9

Oh Teman, ammei veshanthü nyemhühen, hatü Esaulei kahshangthü leipü veshanthü jütükkemhen.

AMOS 9:3

Karmel shangchingei jom aongei jodaijao, haleipao ngei jom yemei yepei leihen, hatü jomi ngei toueipü yungching shaongdohlei shüei jodailangmao, haleipao ngei yungching biünyü kü ngeükhüam shuohhen, hatü hapai jom kü kaokhen.

JEREMIAH 23:24

Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

ISAIAH 45:3

Ngei manghphangei nyupü nükhinyiam, hatü jopü shingei nyupü mopthü nüng kü shuohhen; Hahepak kü nüngi ngeiyü Shembüpa, nüng kü men homei nyükpü Israel Kahvang shei nyinghen.

MENVIH KESHO 37:28

Mehenangkü Shembüpai shahhing kü bamnyeih; büpai büpa kü hinglempü shennyak neyakphonghen. Daülangpü am düngei yangei tuhhen, shejao nemeipü amei hapeüthü mahtükhen.

JEREMIAH 13:26

Ngei ammei shüng ashak phukei anei ammei dhe kü jümhühen, hatü ammei veüdou hutükhen.

YOUNG LAI 4:22

Oh Zion nela, ammei mang lat hanghipü dohdaihen, Büpai am hajük kü küpei netuhhen. Shejao ammei mang nangkü, Oh Edom nela, büpai am hanghihühen, büpai ammei mang shakei ngaihen.

OBADIAH 1:6

Shejao mekei Esaulei shem bompa, hatü mekei büpalei thushaong dounyü aetlangpa?