JEREMIAH 49:1 - DAÜLANGPÜ LAIHING (BSI)

¹ Ammon am nangkü Shembüpai hapakei enyüke: “Israel kü yeshangthü neshiüpü je? Büpalei mükjüp yahhen am neshiüpü je? Shejü mehekei Molekh kahvang kü khümpüthüi Gad amei kahdok yahlangpa? Mehekei jom halei nyunya?

JEREMIAH 49:1 Referans Kwoze

SHAHKÜP 23:3

Ammon am nevaijü Moab am nevaijü jomei hühihathü üpaiyao denshem an thahshi Shembüpalei nanglakthü khong kü omhen neaok.

JEREMIAH 49:7

Shembüpai Edom an nangkü hapakei enyüke: “Teman kü kihikon neshiüpü je? Kenhingpüthü kü shahnying ehen mahdaipü je? Jomei kon kemdaipü je?

JEREMIAH 25:21

Edom, Moab hatü Ammon;

2 SHÜPPÜKENGPÜ 20:1

Hapheikü Moab hatü Ammon am mü Meun am hanei Jehoshaphat mü hoknüng pei.

JEREMIAH 49:28

Babylon ongpa Nebukadnezzari hahtükpü Kedar jat hatü Hazor chingnyü nang Shembüpai hapakei enyüke: Layaongtuh, hatü Kedar hahtuh, hatü heong shennyakthü jütüktuh.

JEREMIAH 49:23

Damaska nangkü: “Hamath hatü Arpad nyi mongshangnyüke; mehenangkü jomi shahjang ten danei nyüke. Jom mong mahdaitü nyüke, shing nelingpü yung keiha mongshangnyüke.

JEREMIAH 48:1

Jeiyong Shembüpa, Israel Kahvangi hapakei enyüke: “Nebo am onyükei! Mehenangkü hayü lavüngtoiyei tuhphonghen. Kiriathaim am veü ponghühen, hatü neüei yahlanghen; jomei penyüsha veühühen hatü bentükhen.”

JEREMIAH 27:3

Hapheikü Edom, Moab, Ammon, Tyre hatü Sidon ongthü kü Jerusalemei Judah ongpa Zedekiah touei peipü phongmokbüthü homei hapa shahjang shomtuh.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

MENVIH KESHO 83:7

Gebal, Ammon hatü Amalek, Philistia hatü Tyre nanglakthü;

MENVIH KESHO 9:6

Vepathü den shing lavüngtoiyei mahtük; jomei chingnyüthü bhiyei yeemtük; jom deih-eiyao nedanghen mü mahdai.

NEHEMIAH 4:7

Sanballat, Tobiah, Arab am, Ammon am hatü Ashdod shennyakthüi Jerusalem bham lingpü nedoh-i daipü, hatü vo kemei thapei dainyüke shei danei jom longi mongshih.

NEHEMIAH 2:19

Shejao mechem Horon am Sanballat hatü Ammon am lakchongbü Tobiah hatü Arab am Geshem hathüi ha danpa, jomphongi longi yaüeilungei naamei, “Amphongi dükpü hapayü meheang? Amphongü ongpa khüei yaongnyu je?” shei e.

2 SHÜPPÜKENGPÜ 20:23

Ammon am hatü Moab am nyi sheptü Edom am khüei hok hatü jom jütükkem. Edom am jükem pheikü shao jiji hüki hük mü mangshi hokteke.

2 ONGPATHÜ 24:2

Shembüpai büpa khüei Babylon am, Aram am, Moab am, Ammon am shom. Shembüpalei shah büpalei chongphopü thibüthüi epü keiha Judah am hahhen büpai hathü jatthü shom.

2 ONGPATHÜ 10:33

Gilead kahdok kü Jordan heongphi lappai Gad, Reuben hatü Manasseh amei kahmükthü Aroer jilathü kübü Arnon yungyen Gilead kübü Bashan thahshi omei neüei yahlang.

SHAHKÜP 2:19

Mechem amphongi Ammon am yopailei ngoihenshang, jom kü teshüvei nevaijü jom mü tehok; Ammon amei kahdok ngei am kü neyahphapih. Mehenangkü Lotei hühihathü kü ngei hapa kahdok shouhtüktih.

KAHBHAO 19:38

Chenaüao yeshang hük büh, hatü ha naü kü Ben-Ammi shei men. Shinnyih thahshi büpayü Ammon amei bü shei nyingnyüke.

BHEI-IE 1:24

Gad am 45, 650

SHAHKÜP 23:4

Mehenangkü am Ijip leipü leilemei jomi am kü hahying hatü yung shuohhen nemongpeih, hatü am kü thaüvaühen shingvaishi Mesopotamia kahdok Pethor ching leipü Beorlei cheha Balaam lat shuohtü müei leipeih.

JEREMIAH 12:14

Ngei ngelei nanglak Israel am kü shuohpü kahdok mangtükpü Israel amei chingyowthü kü Shembüpai ha enyüke: Ngei jomphong jomei kahdok leipü bhitükhen hatü jom toueipü Judah am yanglanghen,

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

EZEKIEL 21:25

“Oh sheihdaipü hatü nemeipü Israel ong, am hanghihen dohpü nyihhihe ngoiteke.

EZEKIEL 25:1

Shembüpalei shah ngei touei pei: