JEREMIAH 48:7 - DAÜLANGPÜ LAIHING (BSI)

⁷ Ammi ammei wong kü hatü mop kü monglempü nangkü am wüpküpei daihen, hatü Kemosh amao jomei ngongpathü, hatü lakchongbüthü omshi wüpküpei daihen.

JEREMIAH 48:7 Referans Kwoze

BHEI-IE 21:29

Oh Moab am, amphong onyükei! Am Kemosh kü khümpüthü, am bhihdai maandaiteke. Ammei kahvangi amü chingyan kahpaan am leihütükteke, hatü ammei yiükhathü Amor am Sihon ongpai yepei wüpküpei deishihtükteke.

JEREMIAH 49:3

Mahng theptuh, Oh Heshbon am; mehenangkü Ai chingnyü mahtükteke! Lentuh! Oh Rabbah nelathü! Dhoila ashak ümtü mahng theptuh; haleipü halei shei thamaei longteituh. Mehenangkü Molekh kahvang, hatü hapalei ngongpathü hatü lakchongbüthü mü wüpküpei daihen.

JEREMIAH 9:23

Shembüpai hapakei enyüke: Kon kohpüthüi laophülei kon kü techangmeihü, wong kohpüthüi laophülei wong kü mongtelemhü, shemmeithüi laophülei mop kü techangmeihü;

MENVIH KESHO 52:7

“Kahvang kü neloipü shennyak, shejao mop kü monglempü, hatü hapa kü loipü shennyak kü veituh!” shei ehen.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

HOSEA 10:13

Ammi mang shei, hatü mang-üng vetteke; ammi shahshem betjük hahteke. Ammi ammei wong kü monglempü, hatü ammei veshanthü kü hinglempü nangkü,

JEREMIAH 48:46

Oh Moab am onyükei! Kemosh nanglakthü mahdaiteke; Ammei hapeüthü wüpküpei yah-ei lüdaiteke.

JEREMIAH 48:13

Israel ami Bethel kü hinglempü homei veü pongpü keiha Moab amao Kemosh kü hinglempü nangkü veü ponghen.

1 ONGPATHÜ 11:33

Jomi ngei tuhphongtü Sidon amei nyüha kahvang Astartes, Moab amei kahvang Kemosh, hatü Ammon amei Molekh kahvang kü khümei ngelei lemthü kü nekam, nevaijü ngei touei jiüpü nedük, nevaijü chepa Davidi dükpükei ngelei vanglem hatü shahkungnyüthü nedükpü nangkü ngei hapa dükshuohhen.

SHAKEI VAMPÜ 18:7

Pinnyü laophü nyingi duhah-ei, hatü nyiumei kü nyupükei pinnyü kü hanghi mongshang yah-eishuoh. Pinnyülei mongei pinnyüi, ‘Ngei onglanyü kei vanglem lemnyeih, ngeiyü vaümnyü nevai, hatü ngei mongshang mechemao nepongpih’ shei enyüke.

JEREMIAH 43:12

Büpai Ijip amei kahvangthülei khümshem kü awi haptüktü jomei kahvangthü wüpküpei deilanghen. Mi yombü hüki ashak ngeihhahpü keiha büpai Ijip am yah-ei ngeihtü haleipü meishi layaongei daihen.

JEREMIAH 13:25

Hapayü ammei lashüh shangba, am kü dokei tuhpü phaihan shei Shembüpai enyüke. Mehenangkü ammi ngei betük, hatü shahshem kü hinglem.

MENVIH KESHO 40:4

Üpa shennyaki laophü hinglempü Shembüpa kü tuh, üpai changmeipü am kü nevei, nevaijü lebü shahshem kahvangthü kü nekhüm moihimanpü.

1 ONGPATHÜ 11:7

Jerusalem heongphi kahshangei Solomoni jiühitnalaipü Moab amei Kemosh kahvang, hatü Ammon amei Molekh kahvang kü khümhen khümshing veteke.

SHAHPHENBÜTHÜ 11:24

Ammi ammei Kemosh kahvangi yahphopü neyahhen je? Hapa keiha Shembüpa, hamei Kahvangi mehe shuoh, ha hami yahhen.

2 SAMUEL 5:21

Philistia ami jomei lajei halei yakphong, hatü David hatü büpalei shennyakthüi ha koei leilang.

JEREMIAH 49:4

Mehekei nüngei wong kü changmeinya? Nüngei wong mahdainyüke Oh hingnelempü nela; Nüngi nüngei mop kü monglemshi, ‘üpai ngei hahhen peikahen?’ shei enyüke.