JEREMIAH 48:44 - DAÜLANGPÜ LAIHING (BSI)

⁴⁴ Üami nyemei nyainya, kahsha kü vühen, Üami kahsha leipü bakei vamnya, tai kü manhen; Mehenangkü ngei Moab am kü hanghihühen vangbong kü ha koei peihen shei Shembüpai enyüke.

JEREMIAH 48:44 Referans Kwoze

JEREMIAH 11:23

hatü jom hükao yemmü aoei netuhhen. Mehenangkü jom hanghihen bong kü ngei Anathoth shennyakthü kü shanghah shuohhen.

1 ONGPATHÜ 19:17

Hazael toueipü nyaiyei yangpüthü Jehu-i jühen, hatü Jehu toueipü nyaiyei yangpüthü Elisha-i jühen.

AMOS 5:19

Hapa nyih-ü shennyak hük mailang kübü mokei daiyei sheptao pongpükei, nevaijü shemei leiyei bham kü laki shongshingkü biüikaokpükei nyukahen.

JEREMIAH 46:21

Jomi leihahpü kung am veshanthüyü mohoh cheha nitshüpü kei nyüke. Jomao dok lepei chemi nyaidaiteke, jom vepa düngei neyaongaok; mehenangkü jom shanghahhen nyih hük, hatü jom hanghihen hepak hük peikünyüke.

MIKA 7:4

Jom meiden dohpeyü daümnyak hüh kei nyüke, peü mü daülangshemshepeyü hühying kei nyüke. Kahvangi mi yombüthü hatü thibüthü homei epü keiha nanglakthü hanghihühen nyih ngoiteke. Shaang jomü üathamapü kü nyüke.

HOSEA 9:7

Hanghihen nyihthü ngoikünyüke; Dükpü shangshi hanghihen nyihthü yopailei nyüke; Israel ami ha nyingtuh. Mehenangkü ammei mang ahshi-üng longdaipü nangkü; hatü nejiünepaipü ahdaipü nangkü thibüthü kü ngapa, hatü laangha shennyakthü kü yoipa khih shei deihnyüke.

JEREMIAH 51:18

Hathüyü yahlak neshiüpü eelanyongnya douthü khih. Mechem jom kü shahphenhen ngoihenshang jom mahkemhen.

JEREMIAH 23:12

Hanangkü jomei lemü vangnyak lemnyü kei nyuhen, hapa kü jom changei deiyei dohühen. Jom shanghahpü bong kü ngei jom kü vongshüh koei peihen shei Shembüpai enyüke.

JEREMIAH 16:16

Shaang ngei nyah yepbüthü longi nyükhen shomnyüpeih, hatü jomü ha nanglakthü nyah kei yephen. Hapheikü ngei sikari shennyakthü nyükhen, hatü jomi hapa nanglakthü kahshang, shangching hatü yaongvak peü leipü jüei leihen.

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.

ISAIAH 24:18

Nyem shaopü amei ngeü kü nyemei üami nyainya, kahshalei vühen, hatü üami kahsha leipü bakei aonghen, tai kü manhen. Mehenangkü vangsho shadenthü apei nyüke, hatü kahdoknyü chongnyiam shing kheünyüke.

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

1 ONGPATHÜ 20:30

Aopüthü nyaiyei Aphek chingnyülei shü, hatü haleipü bham laamei haja hapünyet chetei jü. Ben-Hadadao yanglem yemei chingnyülei dungnuk mongpalei joshi nyu.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 50:24

Ngei nüng shing tai hük haenei tuhpeih, Oh Babylon, hatü nüngi ha mangnying shekü ha kü manteke. Nüngi Shembüpa khüei yaongpü nangkü, nüngü hapa kü manteke.

JEREMIAH 50:27

Jomei mohohbaongthü peü jütüktuh; peü jüshingei yah-ei daituh. Onyükei! jom hanghihen nyih hatü hepak ngoiteke!”

YOUNG LAI 3:47

Hami nyemhivüng hatü pang heühahteke; shangpong yakying hatü mahpü chahpü heüteke.

ISAIAH 24:17

Nyempü, kahsha hatü taikam mon am shing nyüke, Oh kahdoknyü nanglakthü.

JEREMIAH 49:8

Dedanei nyupüthü, nyokei leiyei nyaidaituh hatü chülohpü yaongshalei jodaituh. Mehenangkü ngei büpa hanghihüpü nyih Esau küshanghah shuohhen.