JEREMIAH 48:41 - DAÜLANGPÜ LAIHING (BSI)

⁴¹ Kerioth am hahtükhen, penyüsha shümlanghen. Hapa nyih Moab am hampathülei mongü nyüha hük hapeü bühshingkü maanpükei maandaihen.

JEREMIAH 48:41 Referans Kwoze

ISAIAH 21:3

Mehe ngei manghkhang kü ee, hatü dan, hapai ngei nyempai hatü tüngpai mahü, nyühai hapeü anghen tüngpükei tüngteke.

ISAIAH 13:8

Nyempai jomphong yeplanghen, thenshang mongtüngpai jom shümlanghen; nyühai moi paishingkü kei jom mongshanghen. Jom hüki hük mü nyemei veiteihen, veüpai dheyao awlom kei hakdaihen.

JEREMIAH 49:22

Veituh! Vepathü alang keiha yang paantü Bozrah kü laongei shükhen. Hapa nyih kü Bozrah amei veshanthülei mongü nyüha hük hapeü bühshingkü maanpükei maandaihen.

JEREMIAH 30:6

Shaang haongshi deihhümao: Baha hüki hapeü büh-aokhen je? Shejema mehekei wong kohpü bahathü peü nyüha hük hapeü anghen tüngjü vom kü laki paümpükei nyunya, hatü mahngmük mahngshe kei haidaitü nyunya?

JEREMIAH 6:24

Hami jomei shahjang dantepih, hamei lak mahngdaiteke; mongshangi ham yeplangteke; nyüha hük hapeü angnüng tüngpükei ham shonglangteke.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

JEREMIAH 51:30

Babylon am veshanthü nehoki dohdaiteke; jomü veyomdülei nyüke. Jomei wong kemdai; jom nyüha kei leidaiteke. Pinnyülei bükhishem awi haptük; jomei penyü shalat bhagdaiteke.

JEREMIAH 50:43

Babylon ongpai hapa shahjang danei büpalei lak juwdaiteke. Hapeü bühshingkü nyü hük tüngpükei büpa tüngnyüke.

JEREMIAH 49:24

Damaska wong neshiüi leidaiteke, pinnyü nyaidainüng shei yaakdaiteke, hatü mongshangi pinnyü yeplangteke; hapeü bühhen nyüha hük tüngpükei nyüke.

JEREMIAH 4:31

Nyüha hük aokvomi tüngjü vaüpükei, hatü hashongpa angshingkü theppükei, “Ngeiyü onyükei! vepa touei ngei mahdainyu khih!” shei lak haongshi, ngü duwshi Zion nela theppü dannyüke.

JEREMIAH 4:9

Hapa nyih kü ongpa hatü lakchongbüthü mongpeyao dohdaihen; ngongpathü nyemdaihen hatü thibüthü handaihen shei Shembüpai enyüke.

JEREMIAH 48:24

Kerioth, Bozrah hatü taishi yoshi nyupü Moab kahdok kübü jilathü peü.

JEREMIAH 50:37

Pinnyülei koyeithü, koyei kharithü, hatü pinnyü mü nyupü kung leipü veshanthü khüei yanlu hük peikünyüke! Jom peü nyüha kei leidaihen; jomei mophimo khüei yanlu hük peikünyüke! Hathü kemei sheteishangei lüdaihen.

AMOS 2:2

Hanangkü ngei Moab am kü aw shomhen, hatü hapai Kerioth amei penyüsha hahtükhen. Moab am vehok ngeü chi kü vaüpü eepü hatü amit vüngpü chi kü dihen.