JEREMIAH 48:11 - DAÜLANGPÜ LAIHING (BSI)

¹¹ Moab amü panghinüng nyiushemmei kü nyuhampeih; Dük hük kübü hük shei necheitei-i dükshongei nyupü yiü keiha, chemao wüpküpei mangdai. Hanangkü büpa kü ngü meipü nemangdai, nevaijü hapalei vong büpü neyeiya-i nyüke.

JEREMIAH 48:11 Referans Kwoze

ZEPHANIAH 1:12

Hahepak kü ngei awdük noshi Jerusalem yemhen, hatü laophü kü laophüi mongnyangtü nyupüthü, hatü üamei mongkü Shembüpai mehe tenao meiyao nedükphapih shei deihnya, ngei jom kü shüveihen.

ZEKHARIAH 1:15

Shejao ngei nyüshulüki nyupü jatthü kü ahshi-üng mongshihnyüke. Mechem ngei maani mon mongshih-ei nyupa, jomi hanghi nyeinya nemeipüba vamhüpeih.”

NAHUM 2:2

Vepathüi mangtüktü lavüngtoiyei tuhphongjao, hatü jomei nyalingngupai kah mangtükjao, Shembüpai Jakob kü keiha, hatü Israel am kü keiha müknyinshekhang nyokei shuohhen.

JEREMIAH 48:29

Moab am changmeipü jung ngei dantepih; jom longi changmeinyüke. Jom longi nebahnevai, mongdangei mih kü naamei deihnyüke.

ISAIAH 24:3

Hapa kahdokü chemjalak kü lavüngtoiyei meheyao neshiüi tuhphonghen shei Shembüpai hapa shah eteke.

ISAIAH 16:6

Moab am changmeipü jeni danteke, pinnyü awdapü hatü ühingnakaipü, shejao pinnyü changmeipeyü kong leidaihen.

MENVIH KESHO 123:4

Shemmeithüi ham kü yaüpü, changmeipüthüi ham vüshihpü munenei heihtepih.

MENVIH KESHO 55:19

Kahvang, üpa aivang den mebü ong uoshing kü uo, büpai ha danei jom bhih-eimaanhühen; mehenangkü jom neyeiya, hatü Kahvang kü nenyemnyu.

JEREMIAH 51:34

Babylon ongpa Nebukadnezzari ham lühtükpeih, büpai ham ngümtükpeih; büpai ham dük kong kei leitükpeih; Biüi keiha büpai ham lühtükpeih, hatü hamei hetmeiyungma-i büpa shümoh meipeih, hatü büpai ham bhaiyei ngaitükpeih.

ISAIAH 25:6

Hapa kahshangei Jeiyong Shembüpai nanglakthü peü shingvaishi hahying peü changshi, hatü meipü yiü omshi mo hük temhen.

KANDOK 1:32

Mehenangkü kihikon kü venlepüthü laophü nyingi yemei dinyeih; Laophü kü laophüi monglempü ngapathüi mahpü pongnyüpeih.

NAHUM 2:10

Nineveh-ü mahtükteke, yaktükteke, hatü lavüngtoiyei tuhphongteke! Nyempai jomei mong laaidaiteke; nenei wong neshiü, dhe haidaiteke.

JEREMIAH 22:21

Nüng angeideiyei nyushi ngei etepih, “Ngei ha kü nebangpih” shei nüngi epeih. Hashih mebü-üng ngelei shah nebangpeyü nüngei vanglem vaihampeih.

JEREMIAH 48:12

Shejao ngei büpa dük leipü büpa cheiyei ngaitükhen; hathüi dük kongtükhen, hatü büpalei yungshong bhaotükhen, ngei shennyakthü shomhen nyihthü ngoikünyüke shei Shembüpai enyüke.