JEREMIAH 47:6 - DAÜLANGPÜ LAIHING (BSI)

⁶ ‘Ah, Shembüpalei yanlu, nüng nenmü nenyui hepak meshük nyuhen? Yanpishungei nyokei leidaituh, dohtuh hatü nenmü nyutuh’ shei nüngi lenhen.

JEREMIAH 47:6 Referans Kwoze

JEREMIAH 12:12

Bhih kahdok shangching koshoya peü kü vepathü peihen; Mehenangkü Shembüpalei yanlu-i hükao neyangi kahdok jung hük kübü jung hük thahshi hahtükhen.

JOHAN 18:11

Jisui Peter kü, “Nüngei yanlu yanpishungei hülangtuh. Opa-i ngei kü shuohpü yungshong ngei neyinghen je?” shei e.

EZEKIEL 21:30

Hapa yan yanpishungei laaptüktuh! Nüng lingpü shingei nüng vampü kahdokei ngei nüng kü shahphenhen.

EZEKIEL 14:17

Nevaijü ngei hapa kahmük kü yanlu yah-ei peiyei hapa kahmük yani mahhütuh shei ejü haleipü shennyakthü hatü yemhimakthü kemei mahshingkü,

JEREMIAH 25:27

Jeiyong Shembüpa, Israel Kahvangi hapakei enyüke shei nüngi hathü kü etuh: Mehenangkü ngei am touei yan shompü nangkü yingtuh, choktuh hatü bhaituh, dotuh hatü paoei teyaong.

JEREMIAH 15:3

Ngei jom mahhühen doulem ali temhen shei Shembüpai enyüke, “Jom jühen yan, jom shüei daihen shithü, hatü jom hahtükhen shangou hatü yemhimakthü,

JEREMIAH 12:4

Meshük lushi kahdoki mahng thephen? hatü kah kübü phenha kaudaihen? Mehenangkü haleipü shennyakthü mang vaipü nangkü, Yemhimak hatü outhü peü mahdaikemteke. Nyeinya vaishi nanglakthüi, “Jen kü mehe vamhen ha büpai ne-eepih” shei enyüke.

JEREMIAH 4:21

Meshük lushi ngei vehok vampü eehen? hatü amit vüngpü ngeü danhen?

ISAIAH 10:15

Ay-i shennyak meyü ngei longpeih shei eaokhen je? nevaijü püvet longkhoih-i shennyak meyü ngei-üng shongnyü shei eaokhen je? Nyiamlüngi hapa noteipü shennyak noei ne-annyih, nevaijü lenshuoh-i hapa noteipü shennyak noei ne-annyih.

ISAIAH 10:5

Ngei mongshihpü nyiamlüng, Assyria am onyükei! jomei lakei ngei mongshihpü lüng noshi nyüke!

MENVIH KESHO 17:13

Peikei, Oh Shembüpa, hathü khüei yaongtuh hatü neüeishuoh! Nüngei yani nemeipüthü leipü ngelei yangnyu yangtuh.

1 SHÜPPÜKENGPÜ 21:27

Hapheikü Shembüpai vangsho phongshan kü e, hatü büpai laophülei yanpishungei yan hülang.

2 SAMUEL 2:26

Hahepak kü Abner-i Joab kü e, “Den kü baonghok vaanshengei mon nyuhen je? Hapai shahyaki dohkahen shei nenyingnyu je? Meshük thahshi nüngi shennyakthü kü ammei jeihinaüthü kü changei daipü kübü leidaikei shei ne-e-i nyuhenang?”

SHAHPHENBÜTHÜ 7:20

hatü lebü khong kemei aihük mü dükteke. Jom peüi nyak-aw laknyong lemei no, hatü amit lakdah lemei notü, “Shembüpa hatü Gideon nyi shingvaishi hoknyüpeih!” shei lenteke.

JEREMIAH 48:10

Üpai Shembüpalei dou nedüknya, ha shennyak kü thaüvaü hettuh. Üpai iy neyenhüi laophülei yanlu shümlangnya, büpa thaüvaühütuh.

JEREMIAH 50:35

Babylon am khüei yanlu hük, Babylonei nyupüthü khüei pinnyülei lakchongbüthü hatü kon kohpüthü khüei yanlu peikünyüke shei Shembüpai enyüke.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.