JEREMIAH 47:2 - DAÜLANGPÜ LAIHING (BSI)

² Shembüpai hapakei enyüke: “Veituh, apsha philei yung longpü nyüke, hatü hapayü yungnyü büng keiha leikahen. Hapai kahdok hatü halei nyupü lemphü, jilathü hatü halei nyupüthü peü bhümlanghen. Nanglakthü vaüei eehen, hatü kahdok kü nyupüthü thepeiyounghen.

JEREMIAH 47:2 Referans Kwoze

JEREMIAH 46:20

Ijipü mohoh cheha kei nyüke, shejao apshaphi leipü leü nemeipü happi jom khüei peikünyüke.

JEREMIAH 8:16

Danlei koyeithü hekpü ngeü dannyüke; koyei chebaongthü ngoiküpü danei kahdok kemei jennyüke. Jom peiyei kahdok hatü halei nyupü peü, chingnyü hatü halei nyupüthü lühtüknyüke.

JEREMIAH 1:14

Hahepak kü büpai ngei kü e: “Apshaphi leipü shanghah hük hapa kahmük kü nyupüthü peü touei vamhen.

SHAKEI VAMPÜ 17:15

Hapheikü hapa vangsho phongshani ngei kü eteke, “Nüngi eepü hapa büm yupü nyühai uopü yungthüyü nanglakthü, khongnyü, jatthü hatü shahlemthü;

SHAKEI VAMPÜ 17:1

Hapheikü nükshung nyet nopü vangsho phongshanthü nyet khongkü hük peiyei ngei kü eteke, “Heihkei, ngei yung longpüthü yopailei nyupü chingnyü kübü büm yupü nyüha kü mekei shahphenhen nüng kü huphüshah.

JAKOB 5:1

Shaang bangtuh, am shemmeithü, am touei peiküpü mongmang nangkü theptuh hatü lentuh.

1 KORINT 10:28

Shejao hanei ami am kü, “Hapayü lajei kü jeetükpeih” shei ephüjema, am kü ha epü shennyakei men kü hatü ammei mongdeih men kü ammi ha tehah.

1 KORINT 10:26

mehenangkü, “Kahdoknyü hatü halei nyupü lemphü Shembüpalei.”

NAHUM 1:8

Shejao bünghiyang kü yungnyü yungmok laongpü keiha büpai laophülei vepa Nineveh am chemjalak kü mahtükhen, hatü büpai laophülei vepathü vangnyakei changtükhen.

DANIEL 11:22

Veshanthü hatü vangpüshuwpü ongpa dangkao chemjalak kü maotükhen hatü thittükhen.

JEREMIAH 48:39

Ha mekei bhaodaipa! Jom mekei mahng thepnya! Mekei Moab ami veüpai dok lepdainya! Moab amü mihnyiyangnyai hatü pinnyü shonei nyupü nanglakthü shingvaishi eelanyongnya leidaiteke.

JEREMIAH 46:13

Ijip kahdok hahhen nangkü Babylon am Nebukadnezzar peihen nangkü Shembüpalei shah Jeremiah thibü kü eteke:

ISAIAH 59:19

Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü Shembüpalei ngü vanglük keiha peikahen.

ISAIAH 28:17

Ngei shahhingü shetpü vü leihühen, hatü daülangshemshepeyü shetpü lüng leihühen. Shü vüpai ammei loishing shahshemü maoei shanlanghen, hatü ammei shojo chingü yungi bhümlanghen.

ISAIAH 22:1

Hapayü Manghkhang Kahji nangkü epü shah: Am peü shem adokei aongei nyuhen mü mehe shanghah pongpa?

ISAIAH 15:8

Jomi vaüpü eepü Moab kahdok peü lemei dainyüke. jomi theppüyoungpü Eglaim, hatü Beer-Elim thahshi dainyüke.

ISAIAH 14:31

Theptuh, Oh Penyüsha; Youngtuh, Oh Chingnyü; Oh Philistia, am peüi nyemtuh! Mehenangkü apshaphi leipü awshit vamkünyüke, hatü hapayü nyempü neshiüpü veshanthü khih.

MENVIH KESHO 98:7

Yungching hatü haleinyupü peüi ngeü antuh; kahdoknyü hatü halei nyupüthü peüi.

MENVIH KESHO 96:11

Vangshothü mongmeituh, kahdoknyü mongongtuh. Yungchingi ngüngtuh, hatü halei nyupüthü peü.

MENVIH KESHO 50:12

Ngei paoh aeiyei nyujao nüng kü ha ne-ehen, kahdoknyü hatü halei nyupüthü peü ngelei.

MENVIH KESHO 24:1

Kahdok hatü halei nyupü lemphü Shembüpalei; kahdoknyü hatü halei nyupüthü peü;

JEREMIAH 6:22

Shembüpai hapakei enyüke: Veituh, apshaphi kahdok leipü shennyakthü peikünyüke; tailu kahdok leipü longpü jat hük layaongkünyüke.

JEREMIAH 46:12

Jatthüi nüng veüpü jung danteke, hatü kahdokü nüng theppü ngeüi mahteke; mehenangkü vehokbüthüi vehokbüthü kü huluh shuohteke, hatü jijinyiphen doteke.

JEREMIAH 46:24

Ijip nela veühühen, hatü apshaphi leipü shennyakthü kü shuohtükhen.