JEREMIAH 46:4 - DAÜLANGPÜ LAIHING (BSI)

⁴ Koyeithü kü vü shentuh, hatü hapa dok shangei aongtuh! Nüngei shing kü yaongtuh nyiam athen thentuh! Nüngei phung yütüktuh, vehok phunglang ow owtuh!

JEREMIAH 46:4 Referans Kwoze

JEREMIAH 51:3

Üpaiyao laophülei pülah kaphen tekühü, nevaijü jomei ve-ow te-owhü. Jomei nethethü yangei tetuh; jomei veshanthü peü kemei mahtüktuh.

EZEKIEL 21:28

“Shennyak ha, nüngi ha teteivantuh hatü etuh: Ammon am hatü jomi eelapü nangkü Shembüpa Kahvangi hapakei enyüke. ‘Yanlu hük, yanlu hük, jühen tukei anteke; Jühen shingvaishi klang kei nyangshi jintükteke.

NEHEMIAH 4:16

Ha nyih mü pangei nanglak hükkeishing phung, inyü, lahhilaong notü vehok ow temtü yomei yaong, hatü lakchongbüthü jom nyingi bham lingpü Judah nanglakthülei ngaümpheilei yaongteke.

2 SHÜPPÜKENGPÜ 26:14

Uzziah-i hathü kü inyüshung, phung, nyiam athen, vehok bhagthuh, pülah hatü lahhan changshi shuoh.

1 SAMUEL 17:38

Hahepak kü Sauli David kü büpalei ve-ow yah-ei owshuohteke. Büpai ve-ow bhagthuh hük thuhshuoh hatü melangnyiam athen thenshuohteke.

1 SAMUEL 17:5

Büpai melangnyiam athen hük thenshi hatü bhagthuh hük melangnyiam dok pinyipüanpünyet hükshing vihshi laapmü laapmü hoiyei shihtü thüngpü thuhshi shiüteke.

JEREMIAH 51:11

Lahhanthü daüptuh! Inyüshung paituh! Shembüpai Babylon am mahtükhen shei deihpü nangkü Media ongthü vamhüteke. Shembüpai laophülei phopshem nangkü bhüh yemhen.

JOEL 3:9

Jatthü kü hapa baongeishuoh: Vehok hokhen temtuh! Hampathü thongei nyüktuh! Ammei veshanthü thaituh, hatü thepju kü daituh!

ISAIAH 8:9

Chemi vehok ngeü antuh, nanglakthü, hatü nyemtuh! Am tailu kahmükthü bangtuh. Hokhen temtuh, shejao nyemtuh! Hokhen temtuh, shejao nyemtuh!

JEREMIAH 46:14

Hapayü Ijip am kü etuh, hapayü Migdolei baongeishuoh. Hapayü Memphis hatü Tahpanhes leiyao baongeishuoh. Show lingei temtuh, mehenangkü am shinei nyupüthü peü yanlui lühtükkemhen.