JEREMIAH 46:2 - DAÜLANGPÜ LAIHING (BSI)

² Ijip nangkü: Judah kü Josiahlei cheha Jehoiakimi vanglem lempü bong alipabü kü Euphrates yungyen yopailei Karkhemish touei Babylon ongpa Nebukadnezzari neütükpü Ijip ongpa Pharaoh Nekolei veshanthü khüei shuohpü shahjang nyüke:

JEREMIAH 46:2 Referans Kwoze

2 ONGPATHÜ 23:29

Josiah ong vaipü nyih kü Ijip ong Pharaoh Neko-i Euphrates yungyen thahshi Assyria am kü sheühhen aong. Josiah ongpai büpa mü ponghen heih; mechem Pharaoh Neko-i büpa Meggodolei heüpa, büpai büpa jütük.

JEREMIAH 46:14

Hapayü Ijip am kü etuh, hapayü Migdolei baongeishuoh. Hapayü Memphis hatü Tahpanhes leiyao baongeishuoh. Show lingei temtuh, mehenangkü am shinei nyupüthü peü yanlui lühtükkemhen.

JEREMIAH 45:1

Josiahlei cheha Jehoiakimi Judah kü ong vaipü bong alipabü kü Jeremiah-i eshuohpü shah Barukh-i nyangphei kü Jeremiah thibüi Neriahlei cheha Barukh kü ha eteke:

JEREMIAH 36:1

Josiahlei cheha Jehoiakimi Judah kü ong vaipü bong alipabü kü SHEMBÜPAleipü hapa shah Jeremiah touei pei:

JEREMIAH 25:19

Ijip ong Pharaoh, büpa mü sheühteipüthü, lakchongbüthü, hatü büpalei nanglakthü peü,

JEREMIAH 25:1

Hapayü Babylon kü Nebukadnezzari ong vaipü shongpü bong, hatü Josiahlei cheha Jehoiakimi Judah kü ong vaipü bong alipabü kü Judah nanglakthü nangkü Jeremiah touei peipü Shembüpalei shah.

ISAIAH 10:9

Kalno amü Karkhemish am neleang je? Hamath amü Arpad am neleang je? Samaria amü Damaska am nelang je?

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

2 ONGPATHÜ 18:21

Veituh, Ijip amü lak kü hühhahhen nevaijü aokhahhen mü nihdaipü bhuknyü lenshuoh kei nyüke; nüngi jom kü mongnyangshi nyüke. Ijip ongpa Pharaoh kü mongnyangpüthü peü hapakei mon pongnyüpeih.

2 ONGPATHÜ 23:33

Mechem Pharaoh Neko-i büpa Hamath kahdok Riblahlei khoklat kü tuhpa, büpai vanglem lempü dohdaipeih; hanangkü büpa Jerusalemei vanglem nelemaok, hatü Judah am kü ngin dok 3, 000 hon dok 30 bom yüei yahhampeih.

2 ONGPATHÜ 24:7

Ijip ongpai jomei kahdok leipü nedai; mehenangkü Babylon ongpaiyao Ijip amei kahmük Ijip Kahji kübü Euphrates Yung thahshi peü yahlangtü nyu.

JEREMIAH 43:11

Büpai peiyei Ijip hahhen, dihen demtükpüthü dihen, wüpküpei daihen demtükpüthü wüpküpei daihen, mahhen demtükpüthü mahhen.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

ISAIAH 19:19

Hapa nyih kü Ijip kahdok jiam kü Shembüpalei moidü nyuhen, hatü yaong haongshi nyuhen.