JEREMIAH 45:3 - DAÜLANGPÜ LAIHING (BSI)

³ Nüngi, ‘Ngeiyü onyükei! Shembüpai ngei tüngpü kü shao mongmang yahphüteke; ngei mahng thepai dihen khih, hatü mong nyiushemmei neshiü’ shei eteke.”

JEREMIAH 45:3 Referans Kwoze

GALATIA 6:9

Hanangkü mei dükpü kü jen netengshah; mehenangkü jeni dhaümshi dükjema ha vetshingkü jeni vethen.

2 KORINT 4:16

Hanangkü hami mong nelainyih. Hamei shakdok büm viüei wong nekohjao hamei mongpa laanghayü nyihjeih ja leinyüpeih.

2 KORINT 4:1

Hanangkü hami Kahvang phahji homei hapa dousho dükpü nangkü hami mong nelainyih.

2 THESALONIKA 3:13

Jeihinaü nyahinaüthü, amphongi jiüpü dükpü kü teteng.

YOUNG LAI 3:32

Büpai jen kü mongshang shuohjao, büpai phahji huphahen; büpa bampü longpü nyüke.

YOUNG LAI 1:22

Jomei mang dou kemei nüng touei peihütuh; Ngelei mang nangkü nüngi ngei kü dükpü keiha, jom kao hapakei dükeishuoh. Ponghahpai ngei thepnyüpeih, hatü ngei mongkü tüngnyüpeih.

YOUNG LAI 1:13

Büpai shanglemeipü aw shom, hatü hapai ngelei vang mongei bah; Büpai ngelei lem kü tai haen, hatü kahdokei shüei vü; Büpai ngei yakphong, hatü helu tüngei tuhphong.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

JEREMIAH 8:18

Mongong mahdai, ngei kü mongmang peiteke, ngelei mongkü tüngnyüke.

KANDOK 24:10

Baonghok nyih nüng kuidaijema, nüngü mong maanpü shennyak.

MENVIH KESHO 120:5

Meshekh am mü ngei nyupü Kedar am khong mü nyupü nangkü onyükei!

MENVIH KESHO 69:3

Ngei lenpai nyiudai, ngelei üng mahdai. Ngelei Kahvang omdanei mükyang yungdaiteke.

MENVIH KESHO 42:7

Yungching ilangmong keiha ngei kü mongshang peiteke, shanghah-i yung laongpü ngeü keiha ngüngteke, yungching yungmok ngei shangkü yenteke.

MENVIH KESHO 27:13

Ngei shaang thahshi ha kü monglemnyeih: Yemmü nyupü kahdok kü ngei Shembüpa meipü eehen.

MENVIH KESHO 6:6

Mahng thepai ngei nyiudaiteke, Yajeih ngelei shinshingü mükphi-i maei nyunyeih; ngelei shole mükphi kü hingdaiteke.

JOB SHAHSHA APPÜ 23:2

Shinnyih-ao ngei shahyaki eelanyüpeih; ngei tüngei hümjao büpalei lak ngei shangkü vihheki nyüke.

JEREMIAH 45:2

“Barukh, nüng kü Shembüpa, Israel Kahvangi hapakei enyüke:

MENVIH KESHO 6:7

Mongmangpai ngelei mük pumdaiteke; hathü kemei ngelei vepathü homei vampeih.