JEREMIAH 44:8 - DAÜLANGPÜ LAIHING (BSI)

⁸ Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.

JEREMIAH 44:8 Referans Kwoze

JEREMIAH 42:18

Jeiyong Shembüpa, Israel Kahvangi hapakei enyüke: Ngelei mongshih Jerusalemei nyupüthü kü khüpshuohpü keiha, mechem am Ijiplei yiüei nyuhen ngelei mongshih khüpphahen. Amphongü thaüvaütükpü dou, nyembenüng, eela hatü yaüeilungtükpü dou leihen. Ammi hapa shing sheyü ne-eehen.

JEREMIAH 44:3

mehenangkü jomi mang dükpü, hatü ngei mongshihhüpü nangkü ha vampeih. Halei jom nevaijü nüng nevaijü ambü ampa-i nenyingpü kahvang kü ayingshü jakei khümpeih.

JEREMIAH 18:16

Jomi jomei kahdokü nyembenüng leitüknyüke, den kü jiühitbenüng dou leitüknyüke. Ha peih-ei daipüthü peüi nyemnyüke, hatü ngaüm dhinyüke.

2 SHÜPPÜKENGPÜ 7:20

ngei Israel am kü shuohpü kahdok kübü bhitükhen, hatü ngei kü khümhen daütükpü hapa phopshem yaktükhen. Ngei ha ngei toueipü yaktükhen, hatü mih jatthü touei kandok hük nevaijü shahsho kü shihhen mü leitükhen,

HEBREW 3:16

Kahvangei ngeü dantü khüei yaongpeyü üamang? Mosai Ijip leipü müei leipüthü nevaipü je?

JEREMIAH 44:12

Ijiplei yiüei nyuhen shei tempü Judah am aopü nanglakthü peü ngei yah-ei daihen; jom peü Ijiplei mahhen; jom peü yani nevaijü chami dihen. Jomphongü thaüvaü, nyembenüng, eelanyongnya ne-ienelem dou kei leidaihen.

JEREMIAH 44:7

Shaang Shembüpa, Jeiyong Kahvang, Israel Kahvangi hapakei enyüke: Judah leipü baha, nyüha hashih naüha jütüktü lihila netuhhen mü mehekei am nyingi henüng keipü shanghah vongshüh koei peihahnya?

JEREMIAH 29:18

Ngei jom kü yan, münghishaü, hatü chamhilemi changhen, hatü melei ngei jom shomhen hatouei jomü kahdoknyü ongchingthü peü touei jiühitbenüng, thaüvaütükpü dou, nyembenüng, eelanyongnya leihühen;

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

JEREMIAH 24:9

Ngei jomü kahdoknyü jatthü peü touei nyemhübenüng, mang dou leihühen, ngei metouei jom changei deishihhen, halei jomü peüi yaüpülungpü, mihnyi pü, eelanyongnya dou hatü thaüvaüthemthe leihühen.

ISAIAH 65:15

Ammei menü ngei jepüthüi thaüvaüteihen shingvaishi tuhphonghen, hatü Shembüpa Kahvangi am dihühen; shejao büpa chongphopüthü kü büpai lebü men shuohhen.

ISAIAH 3:8

Mehenangkü Jerusalemi huluh shuohteke, hatü Judah doteke; mehenangkü jomei shah hatü dou Shembüpa khüei nyuteke; jomi büpalei müknyinshekhang ompü sheihtükteke.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

JEREMIAH 11:12

Judah jilathü hatü Jerusalem nanglakthü daiyei jomi ayingshü jakei khümpü kahvangthü kü nyükhen, shejao shanghah dhaümshing kü hathüi lanshei nesheühhen.

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

HOSEA 4:13

Jomi kahshang shaopülei jakpü moila shuohnyüke, hatü shangtaothü, longkhampü, poplar, hatü terebinth püthü phangkü püdhüm meishi eepü nangkü ayingshü jaknyüke. Hanangkü ammei yiükhathü büm yupü kü hatü lipeüthüi mükbongjuyungei lepdainyüke.

HABAKKUK 1:16

Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

SHAHKÜP 32:25

Chingyangshong kü yannah-i jom hahimoi neshiüi leihühen, awdep shemong kü nyempü hanpai mahühen, nethe nela hatü amma naü, hatü shosho pungdaipü peü mahkemhen.

JEREMIAH 32:30

Israel hatü Judah nanglakthü lebü meheyao nedüki jom nethe hepak mebü mang mon thahpeih; Israel nanglakthüi lebü meheyao nevai shejao jomei lakdoui ngei mongshihhüpeih shei Shembüpai enyüke.

EZEKIEL 9:6

viünyü viüpa, thehila, hashihnaüha hatü nyühathü peü jütuh, shejao shangba kü füoshang shingei nyupüthü üpa kao laki tehong. Ngelei phopshem kübü pangtuh” shei e. Hanangkü jomi behethü mü phopshem toueipü pangteke.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?