JEREMIAH 44:4 - DAÜLANGPÜ LAIHING (BSI)

⁴ Nedoh-i ngei ngelei chongphobü thibüthü shomei, ‘Ngei nelümbenüng jiühitnalai dou tedük!’ shei etepih.

JEREMIAH 44:4 Referans Kwoze

JEREMIAH 26:5

hatü ammi nebangjao ngei am touei leiyei leiyei shompü ngei chongphopü thibüthülei shah nebangjema,

JEREMIAH 7:25

Ambü ampa am Ijip leipü vamei daipü nyih mebü shinnyih thahshi nyihjeih ngei ngelei chongphopü thibüthü jom touei shompeih;

JEREMIAH 7:13

Shaang, ammi hathü dou peü dükpü nangkü, shei Shembüpai enyüke, hatü ngei nedoh-i am kü eteke, shejao ammi ha nebang; mechem ngei am kü nyük, ammi nejangpeih;

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

EZEKIEL 16:47

Ammi jomei lemthü kü kamei jomei jiühitbenüng dükhiling kapiyei dükpü mon nevai shejao jom mao lem peü kü am-üng nemeipüba nyupeih.

EZEKIEL 8:10

Hanangkü ngei shüei veishingkü bhamba kemei kü biü lajei hatü jiühitbenüng yemhimakei lajeithü bakshi hatü Israel ami khümteipü lajeithü peü ee.

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.

JEREMIAH 16:18

Jom nemeipü hatü jomei mang nangkü ngei shingnyi shemhen; mehenangkü jomi ngelei kahdok yangnyu neshiüpü lajei mahngi, hatü ngelei mükjüp jiühitnalai-i matükteke.

2 SHÜPPÜKENGPÜ 36:15

Shembüpa, chebü chepalei Kahvangi laophülei nanglak hatü büpalei nyushing kü bampü nangkü büpalei shahjang kobüthü homei nedoh-i shah shom,

1 PETER 4:3

Mehenangkü peihdaipü hepak kü amphongi Kung ami dükbenüng dükei, nedaünelangpü ten, iyjeiphaileipü, chokpümokpü, hahngayungpe, yiü yingpü khong kü omei lajeithü kü khümei nyuhampeih.

EZEKIEL 16:36

Shembüpa Kahvangi hapakei enyüke: Ammei iyjeiphailei bhaiyei vamei hatü ammei bümkong ammei chühimaithü kü shuohpü nangkü, hatü ammei jiühitbenüng lajeithü hatü hathü kü moila shuohpü ammei hapeüthülei iy nangkü,

JEREMIAH 35:17

Hanangkü Jeiyong Shembüpa Kahvang, Israel Kahvangi hapakei enyüke: Ngei Judah hatü Jerusalemei nyupüthü peü kü jom kü shuohhen shei epü shanghah shuohhen; mehenangkü ngei jom kü ephei shejao jomi nebang, ngei jom kü nyükjü jomi nejangnyu.

JEREMIAH 32:33

Jomi ngei kü jomei dhe nemee, dok leppeih; ngei düngei jom kü nyuhjao jomi ha nebang nevaijü ngei ungei-aeipü phangkü neshüpeih.

JEREMIAH 32:34

Ngei kü khümhen vepü phopshem jomi jiühitnalaipü lajeithü tuh-ei jomi ha sheihtükpeih.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

DANIEL 9:6

Nüngei men kü hamei ongthü, hamei longthü hatü hamei bühipathü hatü kahmük kü nyupü nanglakthü kü nüng chongphopü thibüthüi epü shah hami nebang.”

NEHEMIAH 9:30

Bong longi nüngi jom mü nenteiaokei heihpeih. Nüngei laanghai nüngei thibüthü homei jom kü shahvüng shuoh, shejao jomi ha nebang. Hanangkü nüngi jom lebü jatthülei lak kü shuohtükpeih.

NEHEMIAH 9:34

Hamei ongthü, mübüthü, ngongpathü, hatü bühipathüi nüngei shahkung kü nemü; nüngi jom kü shuohpü shahkung nevaijü shahvüng kü jomi mong neshuoh.

JEREMIAH 7:17

Jomi Judah jilathü hatü Jerusalem chingyangshong kü mehe düknya, nüngi ha eenyüla?

JEREMIAH 7:18

Hashihthüi pü konyüke, pathüi aw jaknyüke, nyüthüi aan ngümei vangsho onglanyü kü aan lingnyüke, hatü lebü kahvangthü kü yiü moila langei moilapü homei ngei mongshihhünyüke.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?