JEREMIAH 44:3 - DAÜLANGPÜ LAIHING (BSI)

³ mehenangkü jomi mang dükpü, hatü ngei mongshihhüpü nangkü ha vampeih. Halei jom nevaijü nüng nevaijü ambü ampa-i nenyingpü kahvang kü ayingshü jakei khümpeih.

JEREMIAH 44:3 Referans Kwoze

SHAHKÜP 29:26

hatü jomi shelei nekhümpü lebü kahvangthü; Shembüpai jom kü tekhüm shei eshuohpü kahvangthü kü khümpü nangkü ponghahnyu khih.

SHAHKÜP 32:17

Jomi Kahvang nevai, kahshih; jomi nenyingpü kahvang, yopai-i ja vampü kahvang, ammei bühipai nekhümpü kahvang kü moila shuoh.

SHAHKÜP 13:6

Ammei jeihinaü meimei-i, nevaijü ammei yeshang nevaijü yiükha, nevaijü ammi bampü shembünyü, nevaijü ammei mongkhen küphüi, “Jeni lebü kahvangthü kü khümshah” (am nevaijü ammei bühipathüi nenyingpü kahvangthü,

DANIEL 9:5

hami mang thahteke hatü nejiüpü düktükteke. Ham ahshi-üng nemei hatü nüng kü khüteke; nüngi kangpü douthü yakphongtü ham lemnyong kü lüdaiteke.

JEREMIAH 44:8

Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.

NEHEMIAH 9:33

Ham kü dhaümpü peü kü nüngü shahhing nyuhampeih, nüngi jiüshi dükpeih, shejao hami nejiüi dükpeih.

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.

YOUNG LAI 4:13

Shejao hapayü thibüthülei mang tata kü, hatü ngongpathüi mang neshiüpü hangku jütükpü nangkü vampü khih.

YOUNG LAI 1:8

Jerusalemi ahshi nemei-i mang thahteke, hanangkü pinnyü-ü nedaüpü eelanyongnya leidaiteke. Üami pinnyü kü dhüm shuoh, hathüiyao pinnyü yakphongteke; Mehenangkü jomi pinnyü bümkong, hatü mahng theppü, hatü veüpong kü eeteke.

JEREMIAH 22:9

hatü hapa kü jangpeyü, “Mehenangkü jomi Shembüpa, jomei Kahvang mü vangpüshuwpü mangtüktü lebü kahvangthü kü khümei chongphopü nangkü ha vampüja” shei ehen.

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

JEREMIAH 7:19

Shejao jom ma yahhüpeyü ngei je? Nevai, jom nyingi ma yahnyüke, hatü jom nyingi veü dangnyüke.

JEREMIAH 5:29

Henüng keipü douthü kü ngei jom kü hanghi neshuohhen je? hatü hapa keipü jat kü ngei bhüh neyemhen je? shei Shembüpai enyüke.

JEREMIAH 5:19

Mechem ammei nanglakthüi, “Mehekei Shembüpa, jenei Kahvangi jen kü hathü dou dükphünya?” shei ehen; ha kü ammi, “Ammi ngei yakphongtü ammei kahdokei kung amei kahvang chongphopü nangkü hapa kahdokei ammi nenyingpü kung am chongphohen” shei etuh.

HEBREW 3:16

Kahvangei ngeü dantü khüei yaongpeyü üamang? Mosai Ijip leipü müei leipüthü nevaipü je?

ISAIAH 3:8

Mehenangkü Jerusalemi huluh shuohteke, hatü Judah doteke; mehenangkü jomei shah hatü dou Shembüpa khüei nyuteke; jomi büpalei müknyinshekhang ompü sheihtükteke.

JEREMIAH 32:30

Israel hatü Judah nanglakthü lebü meheyao nedüki jom nethe hepak mebü mang mon thahpeih; Israel nanglakthüi lebü meheyao nevai shejao jomei lakdoui ngei mongshihhüpeih shei Shembüpai enyüke.

JEREMIAH 44:23

Ammi ayingshü jakei Shembüpa khüei mang thah hatü büpalei shah nebang nevaijü büpalei shahkung hatü vanglem kü nemüpü nangkü ammi shaang ponghahpü shanghah am kü peipeih” shei e.

SHAHKÜP 29:25

hatü hapa kü jangpeyü, “Hapayü Shembüpa, jomei chebü chepalei Kahvangi jom Ijip leipü müei daipü hepak kü jom mü vangpüshuwpü mangtükpü nangkü,

JEREMIAH 16:10

Mechem nüngi hathü shah hapa nanglakthü kü eshuohhen, jomi nüng kü, “Mehekei Shembüpai ham khüei hajük longpü shanghah shuohpa? Hami mehe mang dükpa? Shembüpa, hamei Kahvang khüei mehe mang hami thahpa?” shei ephüjema,

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.