JEREMIAH 44:21 - DAÜLANGPÜ LAIHING (BSI)

²¹ “Am hatü ammei bühipa, ammei ong hatü lakchongbüthü hatü hapa kahdok leipü nanglakthüi Judah jilathü hatü Jerusalem chingyangshong kü ayingshü jakei khümpü Shembüpai ha betüktü nedeihnyih shei deihnyu je?

JEREMIAH 44:21 Referans Kwoze

JEREMIAH 44:17

Hami dükhen shei epü lemphü dükhen. Hami Vangsho Onglanyü kü ham hatü lakchongbüthüi Judah jila hatü Jerusalem chingyangshong kü ayingshü jakei, yiü moila langei khümpükei khümhen hih. Hahepak keyü hamü hahying changshi, angeideiyei hatü neshanghah-i nyupeih.

JEREMIAH 44:9

Ammei bühipa, Judah ong hatü onglathü, am hatü ammei nyühathüi Judah kahdok hatü Jerusalem chingyangshongei thahpü mang betükpü je?

JEREMIAH 14:10

Hathü nanglakthü nangkü Shembüpai hapakei enyüke: Jomi paüeiyonei longteihen kü longi bamnyüke, jomi jomei la shongei netuhnyu. Hanangkü Shembüpai jom neyahnyu; Shaang büpai jomei mang deih-ei danghen, hatü jomei mang nangkü hanghi shuohhen.”

JEREMIAH 11:13

Ammei jilathü meshük nyu, hajükpa kahvangthü nyüke, Oh Judah, hatü Jerusalem chingyangshong meshük nyu, hajükpa am veühen linghahpü moidüthü, Baal kahvang kü moila shuohpü moidüthü nyüke.”

ISAIAH 64:9

Nüng ahshi mongshih te-ankei, Oh Shembüpa, hatü denden kü hamei mang deih-ei tedangkei. Hamü nüngei nanglakthü, phahjishihma.

MENVIH KESHO 79:8

Nüngi ham khüei obü opa amei mang deih-ei tedang; nüngei phahji lomi ham mü ponghen peihütuh; mehenangkü ham phangei shüdainyüke.

AMOS 8:7

Shembüpai Jakob changmeipü kü vangeishuwteke: ‘Jomei douten ngei meheyao nebepih.’

HOSEA 7:2

Shejao jomei douten kemei ngei deihshi nyüpeih shei jom kü leyei nepeinyu. Jomei mangi jom kü mük neshai-i veinyüpeih.

SHAKEI VAMPÜ 18:5

mehenangkü pinnyülei mangü vangsho kei shaoshi shüngshi nyüke, hatü Kahvangi pinnyülei mang deih-ei dangteke.

SHAKEI VAMPÜ 16:19

Hapa chingnyü jem anei handai, hatü jatthülei chingnyüthü dodai. Kahvangi longpü Babylon deih-ei dang, hatü büpa mongshihpü yiüshong pinnyü kü shuoh.

EZEKIEL 16:24

lemhao peü kü ammi lajeithü kü khümshing hatü büm yuhen shingthü lingteke.

1 ONGPATHÜ 17:18

Pinnyüi Elijah kü, “Oh Kahvang shennyak, nüngi ngei kü mehe kü khünya? Ngelei mang deih-ei danghühen, hatü ngelei hapeü jütükhen shei nüngü peiküpü je?” shei e.

1 SAMUEL 15:3

Shaang daituh hatü Amalek am hahtuh, hatü jomi angpü lemphüli chemjalak kü mangtüktuh. Meheyao aoei tetuh; nyüha, baha, hashihnaüha, mohoh, mi, ut hatü gaduthü kemei jütükkemtuh” shei e.

SHAHKÜP 32:19

Mechem Shembüpai hapa eepa, büpa mongshih, hatü laophülei hapeüthü yaktük.

SHAHKÜP 32:34

Shembüpai hathü peü jaoei hepak vangpan ngoijü hanghihühen mon dannyüke.

JEREMIAH 32:32

mehenangkü Israel hatü Judah nanglakthü mü jomei ongthü, lakchongbüthü, ngongpathü, thibüthü, Judah shennyakthü hatü Jerusalemei nyupüthülei mangi ngei mongshihhüpeih.

JEREMIAH 44:20

Hahepak kü Jeremiah-i büpa kü eshuohpü nanglakthü nyüha baha peü kü,