JEREMIAH 44:16 - DAÜLANGPÜ LAIHING (BSI)

¹⁶ “Shembüpalei men kü nüngi ham kü epü shah nebangpih!

JEREMIAH 44:16 Referans Kwoze

LUK SHAHSHA APPÜ 19:27

Shejao ngelei vepathü üami jom shak kü ngei ong nevaihahhü, hathü hatouei deiyei ngei touei jütuh” shei eteke.

LUK SHAHSHA APPÜ 19:14

Shejao laophülei nanglaki büpa kü jiühit, hatü büpa pheikü phongmokbüthü shomei, ‘Hami hapa shennyak ham shak kü vanglem lemkahen nenanyih’ ” shei e.

DANIEL 3:15

Shaang, ammi amit, liping, kongkoih, harp, phaam hatü lebü kesho lokpü hadir vüngpü danhinüng, aümei shaei lajei kü khümtuh. Shejao ammi hapakei nekhümjema, am peü shaang-üng yepei bah-ei nyupü awbhaong kü shüktükhen. Mepa kahvangi am ngelei lak kübü yangaokhenang?”

JEREMIAH 38:4

Hahepak kü lakchongbüthüi ongpa kü, “Hapa shennyakü jütükhen vaipü khih. Mehenangkü büpai epü shah homei hapa chingnyülei nyupü veshanthü hatü nanglakthü mong maanhütüknyüke. Hapa shennyakiyü nanglak meihen nevai, jom lomohhühen mon yemnyüke” shei e.

JEREMIAH 18:18

Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.

JEREMIAH 11:10

Ngelei shah nebang-ü shei chebü chepalei mang kü nyokei lüdaiteke. Jomphongü lebü kahvangthü chongphoei lüdaiteke. Israel hatü Judah am shem nyipheni ngei chebü chepathü mü lingpü vangpüshuwpü mangtükteke.

JEREMIAH 11:8

Shejao jomi ha nebang, nevaijü dhaong neshaang, shejao mong vaanei mangi mongpü lem kü peü kampeih. Hanangkü vangpüshuwpülei nyangei nyupü thaüvaü kemei jom touei peihüpeih, shejao jomi ha kao nebang” shei eteke.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 8:6

Ngei jom kü lihen hatü banghen etepih, shejao jomi jiüshi ne-enyu; “Ngei mehe ten dükpa?” shei üpayao mong lepei neleinyu. Koyei vehokei mokpükei jom peü laophülei lem kü dainyüke.

ISAIAH 3:9

Jomei dhe kü veijü-üng jom khüei denpü shuohhahpü eenyüke; Jomi Sodom am keiha ngaiheyei mang düknyüke. Onyükei! jomi jom nyingi shanghah koei peihahteke.

MENVIH KESHO 2:3

“Jeni jomei nyiamvü phentükshah, hatü jen toueipü jomei vü yaktükshah” shei enyüke.

MÜLANGPÜ 5:2

“Ngei büpalei ven bangei Israel am leishihhenü üpa Shembüpa ang? Shembüpa, üpa shangkü ngei nenying hatü ngei Israel am neleishihpih” shei Pharaoh-i e.

1 SAMUEL 8:19

Shejao nanglakthüi Samueli epü kü nebangi, “Nevaipih! Hami ong hük nanyüpeih.

KANDOK 1:24

Ngei am kü nyükjü ami ha nebang; mechem ngei ngelei lak nopa, üpaiyao ha kü neli.

JEREMIAH 13:10

Ngelei shah nebanghüpü, mong vaanei laophüi mongpü lem kü daipü hatü lebü kahvangthü chongphoei khümpü mang shennyakthüyü hapa yahlak neshiüi mangdaipü shüng ashak kei nyuhen.

JEREMIAH 42:13

Shejao ammi, ‘Ham hapa kahdokei nenyupih’ shei eyei Shembüpa, ammei Kahvangei shah nebangjema,

JEREMIAH 43:2

Hoshaiahlei cheha Azariah, Kareahlei cheha Johanan hatü ie kü neshihpü shennyakthü peüi Jeremiah kü, “Nüng shahshem enyüke! ‘Am Ijiplei nyunüng teyiü’ shei ehen Shembüpa, jenei Kahvangi nüng neshomangpih.

JEREMIAH 44:24

Hapheikü Jeremiah-i nyühathüao omshi nanglakthü peü kü e, “Ijip kahdokei nyupü Judah nanglakthü peü, Shembüpalei shah bangtuh.

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

JEREMIAH 44:25

Jeiyong Shembüpa, Israel Kahvangi hapakei enyüke: ‘Hami Vangsho Onglanyü kü yiü moila shuohhen’ shei lahpeyü am hatü ammei nyühathülei doui huteke. Hanangkü ammi mehe lah, ha düktuh! Ammi vangtükpü düktuh!