JEREMIAH 44:10 - DAÜLANGPÜ LAIHING (BSI)

¹⁰ Shinnyih thahshi jom nyingi maanpü nelei nevaijü dhüm nehunyu, nevaijü ngei am hatü ambü ampa mü tuhpü ngelei shahkung hatü vanglem kü nemünyu.

JEREMIAH 44:10 Referans Kwoze

KANDOK 28:14

Üpai düngei Shembüpa kü nyemnya, büpa moihiman! shejao üpai mong vaanei nyunya, büpa vongshüh kü vühen.

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

1 PETER 5:6

Hanangkü Kahvangei laklu wong longpü phangkü am maanpü leituh; shejüang hepak jiüpü kü büpai am longei anshihhen.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

ROM SHAHSHA APPÜ 11:20

Ha jiüphei. Jomphongü hingnelempü nangkü bhagtükpeih, shejao ammü hinglempai mon yaongnyüpeih. Hanangkü am changmeiyei telei, shejao nyempai nyutuh.

LUK SHAHSHA APPÜ 23:40

Shejao lebü hükpai büpa kü loh-ei, “Nüngi Kahvang kü nenyemnyu je? Nüngao aihük mü dihen nyüke.

MATHI 27:54

Shaang mechem veshan kho hük shak kü mübü hatü büpa mü Jisu yomei nyupüthüi pedi vükpü hatü vampü douthü eepa, jom longi nyem hatü jomi, “Hingmei, büpayü Kahvang Ha vaipü khih” shei etei.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

EZEKIEL 9:4

büpa kü, “Jerusalem chingnyü peü lemei daituh, hatü halei jiühitnalai dou dükpü nangkü mongshangei mahng theppüthülei shangba kü füoshang shingtuh” shei e.

JEREMIAH 36:24

Ongpa hatü büpalei lakchongbüthüi hathü shah dantü nyemei nedeih, nevaijü jomei ashak neshaaktük.

JEREMIAH 10:7

Üpai nüng kü dhüm neshuohhenang, Oh jatthü kü ongpa? Hapayü nüng kü shuohhen shangpü dhüm. Jatthü kü nahpülangpüthü peü khongkü, hatü ongchingthü peü khongkü nüng kei üpayao neshiü.

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

KANDOK 16:6

Bampü hatü hinglempai mang tükpü dangnyeih, Shembüpa kü nyempü homei shennyak hüki ten kübü yangdainyüpeih.

KANDOK 14:16

Kon kohpüthüi ten nyingei haleipü nyaidainyeih, shejao ngapathüi nelinebaongi ha kü shüknyüpeih.

KANDOK 8:13

Shembüpa nyempeyü mang kü jiühitpü; ngei changmeipü, mang lem, hatü shahshem epü jiühitnyeih.

MENVIH KESHO 51:17

Kahvang touei yah-aokhenüng moilayü laangha mangpü; mongdang mangpü hatü mongleipü mongdang, nüngi ha neyaktükpih, Oh Kahvang.

MENVIH KESHO 34:18

Shembüpayü mongdang mangpüthü yopailei nyüke, hatü laangha mangpüthü yangnyeih.

2 SHÜPPÜKENGPÜ 34:27

nüngi hapa shing hatü haleipü nanglakthü nangkü nüng mong lepei Kahvang touei maanpü leipü nangkü; nüngi maanpü leiyei nüngei ashakviha shaakei ngei touei theppü nangkü ngeiyao nüngi phoppü dantepih shei Shembüpai enyüke.

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

2 SHÜPPÜKENGPÜ 33:12

Büpa shanghahpü nangkü büpai Shembüpa büpalei Kahvangei dhe yem, hatü chebü chepalei Kahvang touei longi maanpü lei.

2 SHÜPPÜKENGPÜ 32:26

Shomshi Hezekiah hatü Jerusalem nanglakthüi jom changmeipü nangkü maanpü lei; hanangkü Hezekiahlei nyih kü Shembüpa mongshihpü jom kü nepei.

2 ONGPATHÜ 22:19

nüngi mong lepei, Shembüpa touei maanpü leipü nangkü ngei hapa shing hatü halei nyupüthü lavüngtoiyei leitükhen, hatü thaüvaühen shei epü nüngi danei nüngi ashakviha shaakei ngei touei theppü nangkü ngei nüngi epü ngeü dantepih shei Shembüpai enyüke.

1 ONGPATHÜ 21:29

“Mekei Ahabi ngei touei maanpü leipa, ha nüngi nyingla? Büpai ngei touei maanpü leipü nangkü büpalei den kü ngei hapa shanghah neshuohpih, shejao ngei ha shanghah chehathülei shemong kü shuohhen” shei e.

MÜLANGPÜ 10:3

Hanangkü Mosa hatü Aaron nyi Pharaoh touei peiyei büpa kü, “Shembüpa, Hebrew ammei Kahvangi hapakei enyüke: Meshükpa nüngi ngei touei maanpü neleihünya? Ngei kü khümhen shingvaishi ngelei nanglakthü leishihtuh.

MÜLANGPÜ 9:30

Shejao nüng hatü nüngei lakchongbüthüi shaang thahshi Shembüpa kü nenyemnyu shei ngei nyingnyüke” shei eteke.

MÜLANGPÜ 9:17

Shejao shaang ngoishi nüngi ngelei nanglakthü shak kü changmeinyüke, hatü jom neleishihnyu.

MENVIH KESHO 78:10

Jomi Kahvangei vangpüshuwpü nedük, hatü büpalei shahkung kü kamhen nemong.

JEREMIAH 6:15

Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 26:4

Shembüpai hapakei enyüke shei jom kü etuh: Ammi ngelei shah nebangjema hatü ngei am kü shuohpü shahkung kü nemüjema,

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

JEREMIAH 44:23

Ammi ayingshü jakei Shembüpa khüei mang thah hatü büpalei shah nebang nevaijü büpalei shahkung hatü vanglem kü nemüpü nangkü ammi shaang ponghahpü shanghah am kü peipeih” shei e.

ISAIAH 42:24

Üpai Jakob aetpüshepüthü kü, hatü Israel am gühpathü kü shuohtükpa? Jeni büpa khüei mang thahpü nangkü, büpalei lemthü kü nekampü, hatü büpalei shahkungthü nebangpü nangkü Shembüpai shuohtükpü nevaipü je?

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.