JEREMIAH 44:1 - DAÜLANGPÜ LAIHING (BSI)

¹ Ijip kahdok Migdol, Tahpanhes, Memphis hatü Pathroslei nyupü Israel am nangkü Jeremiah touei peipü shah.

JEREMIAH 44:1 Referans Kwoze

JEREMIAH 46:14

Hapayü Ijip am kü etuh, hapayü Migdolei baongeishuoh. Hapayü Memphis hatü Tahpanhes leiyao baongeishuoh. Show lingei temtuh, mehenangkü am shinei nyupüthü peü yanlui lühtükkemhen.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

MÜLANGPÜ 14:2

“Israel am kü nyokei leiyei Migdol hi yungching nyi aa kü Pi-Hahiroth yopailei baümtap vehen eyeishuoh. Jomi yung touei Baal-Zephon kü dangteishi baümtap vehen etuh.

ISAIAH 19:13

Zoan am mübüthüyü ngapa leidaikemteke; Memphis am longhiongthüyü mongnyong kohdaiteke, Jat kü shongkaong vaipüthüi Ijip am lemnyong kü mülangteke.

EZEKIEL 30:18

Mechem ngei Ijip amei wong mangtükhen, Tahpanheslei nyihnüngü vangnyak leidaihen, hatü hapalei changmeipü wong dohdaihen. Pinnyü kü phumnyaki jümhen, hatü haleipü jilathü wüpküpei yah-ei daihen.

EZEKIEL 30:16

Ngei Ijip kü aw haphen; Pelusium chingnyü-ü longi mongmang kü nyuhen; Thebes mangtükhen hatü Memphis am düngei vongshüh kü nyuhen.

EZEKIEL 30:14

Ngei Pathros lavüngtoiyei tuhhen, hatü Zoan kü ngei aw haphen, hatü ngei Thebes am kü shahphenhen.

EZEKIEL 29:14

Ngei jom wüpküp leipü müei leihen, hatü chebü chepa amei kahdok Pathroslei nyuhühen. Hapayü wong nekohpü ongching vaihen.

JEREMIAH 46:19

Am Ijiplei nyupüthü, wüpküpei daihen temtuh; mehenangkü Memphis-ü nyuhen shennyak neshiüi lavüngtoiyei leidaihen.

JEREMIAH 2:16

Nyeinya vaishi Memphis hatü Tahpanhes ami nüngei shangjing leipü hon athen mangtükteke.

EZEKIEL 29:10

hanangkü ngei nüng hatü nüngei yungyen khüei nyüpeih, hatü ngei Ijip kahdokü chemjalak kü Migdol kübü Syene, hatü Ethiopia thahshi lavüngtoiyei leitükhen.

KAHBHAO 10:14

Pathrusim, Kasluhim, hatü Kaphtorim, meleipü Philistia am vampa, hathülei pa nyuteke.

JEREMIAH 24:8

Shejao nemeipü adhajük keiha, mepa hahhen nemei, hapa keiha ngei Judah ongpa Zedekiah, büpalei lakchongbüthü hatü hapa kahdok nevaijü Ijip leipü yangei nyupüthü peü kü ngei nohen.

JEREMIAH 43:13

Ijip kahdok kü Heliopolislei nyupü yaong shemnyü büpai mangtükhen, hatü Ijip amei kahvang khümshemthü büpai awi haptükhen.

EZEKIEL 30:13

Shembüpa Kahvangi hapakei enyüke: Ngei lajeithü mangtükhen, hatü Memphis leipü yaongnaüyathü dohtükhen. Hajük kü Ijip kü longhiong nenyuhen; Hapa keiha ngei Ijip am kü nyempühanpü shuohhen.

HOSEA 9:6

Mahhen kübü jom yangjao, Ijip ami jom thaihühen; Jom Memphislei mahng vühen. Jomei douvang ngin hühhihangi lümlanghen, hatü hühyingi jomei shemthü jümlanghen.

JEREMIAH 44:15

Hahepak kü laophülei shembünyüi lebü kahvang kü ayingshü jakei khümtepih shei nyingpü bahathü hatü halei ompü nyühathü, thaipü khong, Ijip kahdok Pathroslei nyupü nanglak peüi Jeremiah kü jangei e,