JEREMIAH 43:13 - DAÜLANGPÜ LAIHING (BSI)

¹³ Ijip kahdok kü Heliopolislei nyupü yaong shemnyü büpai mangtükhen, hatü Ijip amei kahvang khümshemthü büpai awi haptükhen.

JEREMIAH 43:13 Referans Kwoze

ISAIAH 19:18

Hapa nyih kü Ijip kahdokei Hebrew shah epü hatü Shembüpa kü hinglemhen shei vangpüshuwpü chingnyü nga nyuhen. Hathü khongkü hük keyü, “Vanghenyü Chingnyü” shei nyükhen.

KAHBHAO 41:45

Pharaoh-i Joseph kü Zaphenath-Paneah shei men, hatü büpa kü On leipü ngongpa Potipheralei yiükha Asenath mü shem yemhü. Hapa keiha Joseph-i Ijip kahdok kempü kü vanglem lembü lei.

ISAIAH 46:2

Jomei lajeithüi jom neyangaok; jomü yepei wüpküpei deilangnyüke.

JEREMIAH 43:12

Büpai Ijip amei kahvangthülei khümshem kü awi haptüktü jomei kahvangthü wüpküpei deilanghen. Mi yombü hüki ashak ngeihhahpü keiha büpai Ijip am yah-ei ngeihtü haleipü meishi layaongei daihen.

JEREMIAH 44:1

Ijip kahdok Migdol, Tahpanhes, Memphis hatü Pathroslei nyupü Israel am nangkü Jeremiah touei peipü shah.

JEREMIAH 46:25

Jeiyong Shembüpa, Israel Kahvangi hapakei enyüke: “Ngei Thebes amei Amon kahvang, Pharaoh, Ijip hatü jomei kahvangthü, ongthü hatü Pharaoh kü mongnyangpüthü kü hanghi koei peihen.

EZEKIEL 26:11

Büpalei koyei dhaoki nüngei chingyangshong peü shouptükhen. Büpai nüngei nanglakthü yani mahhühen, hatü nüngei wong kohpü shemnyüthü kahdokei laamtükhen.

DANIEL 11:8

Büpai jomei kahvangthü, lajeithü hatü honi ngini lingpü douvang yungshongthü Ijiplei koei leidaihen. Bong shohük büpai apsha ongching, Syria ongpa mü nehokhen.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

JEREMIAH 10:11

Nüngi hathü kü hapakei etuh: Kahvangthü mepai kahdok hatü vangshothü neling, lomi hapa kahdok hatü vangsho phang kübü mahdaihen.

JEREMIAH 25:19

Ijip ong Pharaoh, büpa mü sheühteipüthü, lakchongbüthü, hatü büpalei nanglakthü peü,

EZEKIEL 30:13

Shembüpa Kahvangi hapakei enyüke: Ngei lajeithü mangtükhen, hatü Memphis leipü yaongnaüyathü dohtükhen. Hajük kü Ijip kü longhiong nenyuhen; Hapa keiha ngei Ijip am kü nyempühanpü shuohhen.

EZEKIEL 30:17

Heliopolis hatü Bubastis chingnyü kübü nethethü yani mahhen, hatü chingnyüthü wüpküpei daihen.