JEREMIAH 43:12 - DAÜLANGPÜ LAIHING (BSI)

¹² Büpai Ijip amei kahvangthülei khümshem kü awi haptüktü jomei kahvangthü wüpküpei deilanghen. Mi yombü hüki ashak ngeihhahpü keiha büpai Ijip am yah-ei ngeihtü haleipü meishi layaongei daihen.

JEREMIAH 43:12 Referans Kwoze

EZEKIEL 30:13

Shembüpa Kahvangi hapakei enyüke: Ngei lajeithü mangtükhen, hatü Memphis leipü yaongnaüyathü dohtükhen. Hajük kü Ijip kü longhiong nenyuhen; Hapa keiha ngei Ijip am kü nyempühanpü shuohhen.

ISAIAH 49:18

Ammei mük vamei am shineileyei veituh; ammei nanglakthü peü chemi thaitü am touei peikünyüke. Ngeiyü vanyangyem Kahvang, ammi hathü kemei ownyülangha kei, doidainyüi ow owpükei hathü owhen.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

JEREMIAH 48:7

Ammi ammei wong kü hatü mop kü monglempü nangkü am wüpküpei daihen, hatü Kemosh amao jomei ngongpathü, hatü lakchongbüthü omshi wüpküpei daihen.

JEREMIAH 46:25

Jeiyong Shembüpa, Israel Kahvangi hapakei enyüke: “Ngei Thebes amei Amon kahvang, Pharaoh, Ijip hatü jomei kahvangthü, ongthü hatü Pharaoh kü mongnyangpüthü kü hanghi koei peihen.

MENVIH KESHO 104:2

Ashak ümpü keiha vangngai-i jümshi nyüke. Nüngi ashakshem paanpü keiha vangshothü paanei deishih;

JOB SHAHSHA APPÜ 40:10

Shejema nüng nyingi müknyinshekhang, hatü dhemeilaüma owtuh, dhüm hatü wonghingan thuhtuh.

ESTHER 6:9

Ongpalei lakchongbü khongkü longpü hüki hapa shennyak kü ong-ow hatü koyei shuohhütuh: ongpai dhüm huhen shei deihpü shennyak kü büpai ong-ow owhütuh hatü büpai-üng hapa shennyak koyei kü uotü chingnyü chingyangshong kü ‘Ongpai dhüm hupü shennyak kü hapakei düknyüpeih’ shei lenyaki deituh” shei eteke.

2 SAMUEL 5:21

Philistia ami jomei lajei halei yakphong, hatü David hatü büpalei shennyakthüi ha koei leilang.

MÜLANGPÜ 12:12

Ha ya ngei Ijip kahdok peü kü hashongpathü; shennyak vaituh, yemhimak vaituh jüei daihen; hatü Ijip amei kahvangthü peü kü ngei shahphenhen. Ngeiyü Shembüpa.

KOLOSI 3:14

hatü hathü mei peü shak kü hingshangi mongjempü kü chemi shepei shahüpü bampü owtuh.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

EPHESIA 6:11

Ammi kahshihlei ühingnakai khüei yaongaokhen shingvaishi Kahvang phunglang ow kemei owtuh.

EPHESIA 4:24

hatü am nyingi shahhing daülangpü kü hatü kangshangpü kü Kahvang leshi lingpü yangnyu ja owtuh.

ROM SHAHSHA APPÜ 13:12

Vangnyak luangi daiteke; vangngai yopailei nyüke. Shejema jeni vangnyak douthü tuhphongshah, hatü vangngai ow owshah;

ZEPHANIAH 2:11

Shembüpai jomphong nyemhühen, büpai kahdoknyü kahvangthü kong leihühen; Yungkung kübü chingthü peüha, hatü shübaong kübü jatthü peüha, laophü laophü nyushingei aümei büpa kü khümhen.

JEREMIAH 51:44

Ngei Babylon leipü Bel kahvang kü hanghi shuohhen, hatü pinnyüi mehe lühtükpa ha bhaitükhühen. Jatthüi hajük kü pinnyü kü nekhümhen, Babylon amei bham laamdaiteke.

JEREMIAH 50:2

Jatthü kü etuh hatü baongtuh, khüamlung haongtuh hatü baongtuh, Ami nejo-i, “Babylon doteke! Bel kahvang veü dangteke, Marduk kahvang mong laaiyei nyüke, pinnyülei lajeithü veüpai hatü nyempai maei nyüke.”

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 61:5

Yenpathüi ammei mithü hamhen, kung ammi ammei kah linghen, hatü nyalingngupai kah kü junghen.

ISAIAH 59:17

Büpai daülangshemshepü jaküpnyiam keiha küpnyüke, hatü yemleipü nyiam athen thennyüke; Büpai bhüh yempü ow ownyüke, hatü büpa nyingi mongshihpü bhagthuh thuhnyüke.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

ISAIAH 46:1

Bel kü aümei shatü, Nebo kü lashüh-i shüngei khümhamteke, shejao shaangü gadu hatü mohoh dok shangei haütü yemhimak kü hanggovih vaishi koshi nyüke.

ISAIAH 21:9

Veituh, shennyakthü koyei khari kü uotü, koyei kü shennyak nyi nyi uotü peikünyüke, hatü büpai jangei, “Doteke, Babylon doteke! hatü jomei kahvang lajeithü kemei kahdokei bhaoei yaüshi nyüke” shei e.

MENVIH KESHO 132:18

Büpalei vepathü kü ngei mongmang owhühen, shejao büpalei athen kü vangngai nyahühen.”

MENVIH KESHO 132:16

Haleipü ngongpathü kü ngei yemleipü ow owhühen, hatü haleipü hinglempüthü mongongpai lenhen.

ISAIAH 46:2

Jomei lajeithüi jom neyangaok; jomü yepei wüpküpei deilangnyüke.

JEREMIAH 43:13

Ijip kahdok kü Heliopolislei nyupü yaong shemnyü büpai mangtükhen, hatü Ijip amei kahvang khümshemthü büpai awi haptükhen.

JEREMIAH 49:27

Ngei Damaska penyü kü aw hapshuohhen, hatü hapai Ben-Hadad penyüsha hahtükhen.”

EZEKIEL 29:11

Shennyak nevaijü yemhimakei lakhila-i ha kü shoupei nekamhen, hapayü meheyao nenyui vangbong pinyi thahshi tuhhen.

DANIEL 11:8

Büpai jomei kahvangthü, lajeithü hatü honi ngini lingpü douvang yungshongthü Ijiplei koei leidaihen. Bong shohük büpai apsha ongching, Syria ongpa mü nehokhen.

JEREMIAH 10:11

Nüngi hathü kü hapakei etuh: Kahvangthü mepai kahdok hatü vangshothü neling, lomi hapa kahdok hatü vangsho phang kübü mahdaihen.

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.

JEREMIAH 25:19

Ijip ong Pharaoh, büpa mü sheühteipüthü, lakchongbüthü, hatü büpalei nanglakthü peü,

EZEKIEL 29:19

Hanangkü Shembüpa Kahvangi hapakei enyüke: Ngei Ijip amü Babylon am Nebukadnezzarlei lak kü shuohtükhen, hatü büpai haleipü mophimothü shetlanghen. Büpai veshanthü kü lenlop shuohhen shangmü haleipü mopthü shetlanghen.